?аза? тілі "Дауыссыз ? мен ?, к мен г" 3 сынып

№ Күні:

Қазақ тілі. 3 сынып

Сабақтың тақырыбы: Дауыссыз қ мен ғ, к мен г. Қайталау.

Сабақтың мақсаты: Оқушыларды сөз құрамында келетін қ, ғ мен к, г дыбыстарын бір – бірінен ажыратуға, сауатты жазуға дағдыландыру. Оларға к, г дыбыстары жіңішке буында, қ, ғ дыбыстары жуан буында жазылатынын түсіндіру. Сөз соңындағы қ, к дыбыстарының қай жағдайда ғ, г – ге айналатынын еске түсіру.

Сабақтың әдістері: топтық жұмыс, «Білемін. Білгім келеді. Не үйрендім?» стратегиясы.

Сабақтың барысы:

I.Ұйымдастыру кезеңі.

II.Үй жұмысын тексеру.

III.Жаңа сабақ.

1. Қызығушылықты ояту.

Топтарға мынадай тапсырмалар беру.

Қатаң, ұяң, дауыссыз дыбыстарды топтап жаз және жұбы жоқ қатаң дауыс -сыз дыбыстарды анықта (п -б, ф - в, к - г, қ - ғ, т - д, ш - ж, с - з, һ - х.

Жұбы жоқ қатаң дауыссыздар: ц,ч,щ).

2. Мағынаны тану.

Мынадай кесте ілінеді.

Төменде берілген кестенің «Білемін» деген бөліміне осы дыбыстар туралы өздерінің білетіндерін толтырады. Осы дыбыстар туралы не білгісі келетінін «Білгім келеді» бөліміне жазады.

«Білгім келеді » бөліміне жазған сұрақтарына сабақ барысында жаттығуларды орындау кезінде жауап іздейді. «Не үйрендім» бөлімі сабақты қорытындылау кезінде толтырылады.

1 - жаттығу. Төмендегі сөздерге ы, і әріптерінің тиістісін қосып жаз.

2 – жаттығу. Өлеңді көшіріп жаз. Құрамында түбір сөздің соңғы әрпі өзгерген сөздердің астын сыз.

3 – жаттығу. Жұмбақтың шешуін тауып, жұмбақтың шешуі болған сөзге і дыбысын қосып айт. Қарамен жазылған қай сөздегі түбірдің соңғы дыбысы өзгеріске ұшыраған?

3.Ойтолғау.

Бұл кезеңде оқушылардың қ, ғ, к, г дыбыстарына қатысты білім, біліктері жинақталып, қорытындыланады. Кестенің «Не үйрендім?» деген соңғы бөлімі толтырылады .

IV. Сабақты қорыту.

Рефлексия:

Не өттік? Не білдік? Не үйрендік?

V. Үй тапсырмасы:

4 - жаттығу.14 - бет.

VI. Бағалау.