Жөндөмдүү окуучулар менен иштөө

Кыргыз тили жана адабияты боюнча мектептик олимпиаданын тапшырмалары

1-тур февраль айы

1. Төмөндөгү сүйлөмдөгү асты сызылган сөздөрдүн кандай мааниде (түз же өтмө)колдонулганын жаз.

А)Бүгүнкү чогулушубуз абдан жемиштүү (............................ ) болду.

Б) Муз айдыңына чыкканда эле тайып (................................) кетти да,жыгылды.

В) Бүгүн күн ачык (........................) болот окшойт.

Г) Жердин түбүнө (........................) барып отурбай эле,телефон чала кой.

Жооп: а) өтмө б)түз в) түз г) өтмө

2. Төмөнкү сүйлөмдөгү асты сызылган сөздүн синонимин жазгыла.

Бир кесе (.......................) жарманы согуп (..........................) алып туруп кетти.

Жооп: аяк,ичип

3. Төмөнкү фразеолгизмдерди бир сөз же сөз тизмектери менен чечмелеп бер.

А) Жону жука- ___________________________________________________

Б) Кара жанын карч уруу- ___________________________________________

В) тил эмизүү- ____________________________________________________

Жооп: кедей , жаны тынбай иштөө, курулай убада берүү

4. Кашаадагы сөздөргө туура сөз жасоочу мүчө улап,сүйлөмдөрдү толуктагыла.

А) _______________________ итке айла жок.(кап)

Б) ____________________ куштар менен ууга чыгуу өтө кызыктуу спорт болуп эсептелинет. (ал)

В) Чапанынын __________________-и үзүлгөнү араң турат.(ил)

Жооп: Кабанаак, Алгыр, илмеги

5. Сүйлөмдөрдү жандоочтор менен толуктагыла.

А) Бул маселе ______________________ өтө көп талкуулар болду.

Б)Анын мындан _____________________ тууганы жок.

В) Анын иниси өзүнө ____________________ зээндүүрөөк.

Жооп: тууралуу, өткөн, караганда

6. Төмөнку сын атоочторду сапаттык жана катыштык кылып эки топко туура бөлгүлө.

кыйын,таштак,жоон,калың,терең,ажардуу,узун,көрктүү,оорулуу,мончок-той,бай,ири,жумшак,айылдык,опаасыз, адептүү, кумдак, тоң, серт, кабаттуу

Жооп: Сапаттык сын атоочтор: кыйын,жоон,калың,узун,бай, ири,жумшак,тоң, серт,терең

Катыштык сын атоочтор: таштак,ажардуу,көрктүү,оорулуу,мончоктой,айылдык,опаасыз,адептүү,кумдак,кабаттуу

7. Төмөндөгү сүйлөмдө кайсы сөз айкашы өтмө мааниде колдонулган?

Ушундан кийин ага кайра кайсы бетим менен барам?

Жооп: кайсы бетим

8.Төмөндөгу сөз тизмектерин кошмок сөз жана сөз айкашы кылып ,эки топко бөлгүлө.

Чоң эне, акылдуу бала,уста жигит, темир жол, көз айнек,ысык токоч ,бышкан тамак,бака жалбырак,таш боор, сулп эт

Жооп: кошмок сөздөр: чоң эне,темир жол,көз айнек, бака жалбырак, таш боор

Сөз айкаштары:акылдуу бала,уста жигит,ысык токоч,бышкан тамак,сулп эт

9. Эки жактагы сөздөрдү бириктирип,татаал этиштерди түзгулө.

Жардам бүркө

Милдет түй

Тың бер

Кабар кыл

Кабак сал

Муштум бол

10. Сүйлөмдөгү чакчылды тапкыла.

Мен бул китепти бүтүрмөйүнчө эс албайм.

Жооп: бүтүрмөйүнчө