Рабочая программа по калмыцкой литературе для 5-7 классов

МКОУ «Зургановская средняя общеобразовательная школа»

Рабочая программа учителя

Даваевой Галины Лиджиевны

высшая квалификационная категория

по учебному курсу «Калмыцкая литература»

5 – 7 классы

2014 – 2015 учебный год

Малодербетовский район

пос. Зурган

Цəəлһвр бичг

Эн көдлмшин зураллһнд 5-7 классмудт өгчəх дасхлһна көтлвр əңг-əңгмүдəр хувагдад, амн үгин зөөр болн утх зөкъялын үүдəврмүд часмудар кемҗəлгдҗəнə. Классин хөөн умшлһн, келлһ өргҗүллһнə көдлмш ямаран үүдəврмүдин хөөн кегдхнь үзүлгдҗəнə. Кичəлмүдин күцл, утх зокъялын онл бас йилһгдҗ бəəнə.

Төрскн келн үйəс үй дамҗҗ, өвкнрəр, эк-эцкнрəр байҗагдҗ маднд өгсн цань уга ик чинртə зөөр болҗана. Эн үн уга зөөриг чикəр эдлҗ, улм өргҗүлҗ, өсч йовх үрдүдтəн, цуг төрскн баһчудтан алдр чинринь медүлҗ, сəəнəр келдг, чикəр олзлдг чадвр дасхлһн – мана керг. Эн керг күцəхд төрскн литератур дасхлһна көтлврəр бичгдсн көдлмшин зураллһн болҗана.

Зураллһна һол төрнь: Хальмг Таңһчдан болн нарт делкəд туурсн шүлглəнə, түүклəнə герлəрн, өврмҗтə сəəхн дүрмүдəрн, хурц ухаһарн олн улсин седкл-уха авлсн бичəчнрин болн шүлгчнрин үүдəврмүдлə сурһульчнриг таньлдулх. Утх зокъялар дамҗулад, баһчудин җирһлин хаалһднь нөкд болтха гиҗ, литературн үүдəврмүдин һол ухаһинь, учр-утхинь, аһулһинь олн-зүсн эв-арһ олзлад, сурһульчнрин седклднь күргҗ илдкəһəд цəəлһҗ өгхмн.

Амн урн үгин зөөрəс авгдсн үүдəврмүд эрдм-герлин, мергн ухана, күч-көлснə, өрк-бүлин, йиртмҗин бəəдлин туск медрл сурһульчнрт өгчəнə. Көтлврин зураллһна күцл: төрскн орндан дурта болх, ах үйнрин авъясмуд тевчх, урдк цага җирһлин тускар медх – цуг эн тоотиг бичəчнрин үүдəврмүдəр дамҗулад бичкдүдт цəəлһҗ өгх.

Кезəңк амн үгин билгəс ончта тоотынь авч, мана бичəчнрин, шүлгчнрин сəн гисн үүдəвмүдинь умшч, дасч автха гиҗ тогтагдсн эн көдлмшин зураллһн болҗана.

5 -7 класмудт амн үгин билгəс дасхнь: үлгүрмүд, тəəлвртə туульмуд, йөрəлмүд, магталмуд, ут туульмуд, домгуд, түүрвəчнрин туульмуд, «Җаңһрин» тасрхас. Урн үгəс түүрвəчнрин үүдəврмүд болн утх зокъялын онл цəəлһгдх гиҗ заагдҗана.

Үүдəврмүдиг айслулҗ умшад, тодрхаһар келəд, компьютерн технолог болн талданьчн шин эв-арһ олзлад, нəр-наад үзүлəд, ду-би дасхад, олн-зүсн марһа кеһəд, Зул-Цаһана сəн өдрмүд темдглəд, җаңһрч-келмрч улсла харһлт кеһəд, Ээлəн Овлан болн Пальмовин нертə музеймуд үзүлəд, дəкəдчн соньн керг-үүл күцəһəд – багш эврə келндəн дурта болдгиг сурһх зөвтə.

Төрскн литературин орм Əрəсəн болн Хальмг Таңһчин сурһулин зурад: 5 класс долан хонгт 1 дəкҗ өггдх зөвтə, җилин эргцд 34 час болҗана, 6 класст долан хонт 1,5 дəкҗ өггднə, җилин əргцд 52 час болҗана, 7 класст долан хонт 1,5 дəкҗ өггднə, җилин əргцд 52 час болҗана.

5 классин сурһульчнрин чадвр:

- чикəр, түргəр, айслулҗ умшх зөвтə;

- ахрар, тодрхаһар амн үгəр келдг дасх зөвтə;

- зура тогтаҗ, зураһар келвр тогтах;

- олн зүсн эпитет, дүңцүллһ, дүрслһ олҗ авх зөвтə;

- эврəннь ухан-тоолвран келдг дасх зөвтə;

-йовдлин сǝн-мууһинь йилһҗ чадх зөвтǝ.

6 классин сурһульчнрин чадвр:

- чикəр, түргəр, айслулҗ умшч, келҗ чадлһн;

- ахрар, тодрхаһар амн үгəр келдг дасх зөвтə;

- зура тогтаҗ, зураһар келвр тогтах;

- олн зүсн эпитет, дүңцүллһ, дүрслһ олҗ авх зөвтə;

-үүдǝврин йовдлмуд шалһҗ чадх зөвтǝ.

7 классин сурһульчнрин чадвр:

-дүрмүдиг салу-салу, эс гиҗ дүңцүлǝд келҗ өглһн;

-текстǝс гипербол, теҗгүд олҗ чадлһн;

-түүклǝнǝ учр-утхинь келҗ чадлһн.

Көтлврин зураллһ күцǝхд кергтǝ тетквр:

1. Төрскн литератур 5 кл. – 2012 җил, Н.Н. Шарапова, Р.Я. Бадмаева, Б.Э. Убушиева.

2.Төрскн литератур 6 кл. – 2012 җил, Е.И. Манджиева.

3.Төрскн литератур, 7 класс – 2012 җил, З.Х. Онтаева, Б.В. Баринова.

5.компъютер, интерактивн самбр, дискмүд, хальмг бичǝчнрин дегтрмүд.

Дөңцл литератур:

1.Төрскн литератур дасхлһна көтлвр (5-11 классмуд) – Н. Шарапова, Д. Дорджиева, Е. Манджиева, З. Онтаева, 2008 җил.

2.Хальмг утх зокъял дасхлһна көтлвр (8 – 11 класмуд) – С. Цеденова, Э. Манджиева, В. Овъянова.

3.Бичəчнрин туск үг. Мушанова Л. Н., Шуграева В. К., 2007 г.

4.Калян С. Үүдəврмүдин хураңһу, 1- 3 боть, 1980 җ.

5 . «Урн үгин литератур» - Сусеев А., Бадмаев Б., 1967 җ.

6.«6 класст төрскн литератур дасхлһна методическ заавр» - Мөңкəн М., Онтан З., 1991 җ.

7.Хальмгудын заңшалта бəəцин тəəлвр толь», Г. Пюрбеев, 1996 җ.

8.«Хальмг туульс» - 2008 ж.

9.«Хальмг туульс» - 1980 җ.

10. «Үлгүрмүд болн тəəлвртə туульмуд» - Б. Букшаев, 1982 җ.

Көдлмшин зураллһн

Класс: 5

Багш: Даваева Галина Лиджиевна

Җилин туршарт: 34 час

Долан хонгт: 1 дəкҗ

Литературн үүдəврмүд даслһн: 31 час

Классин хөөн умшлһн: 3 час

Класс: 6

Багш: Даваева Галина Лиджиевна

Җилин туршарт: 52 час

Долан хонгт: 1, 5 дəкҗ

Литературн үүдəврмүд даслһн: 43 час

Классин хөөн умшлһн: 4 час

Келлһ өргҗүллһн: 5 час

Көдлмшин зураллһн

Класс: 7

Багш: Даваева Галина Лиджиевна

Җилин туршарт: 52 час

Долан хонгт: 1,5 дəкҗ

Литературн үүдəврмүд даслһн: 43 час

Классин хөөн умшлһн: 4 час

Келлһ өргҗүллһн: 5 час

Амн урн үгин зөөрəс

Хальмг урн үгин литератур

8