Проектная работа "Детские площадки".

Укучы: Мусина Регина Рамилевна.

Җитәкче: Масаева Алсу Шамиловна.

Тема: Балалар мәйданчыклары.

Хәзерге вакытта еш кына балалар ишегалдында уйнамыйлар дигән сүзләрне ишетергә була. Күп очракта өлкәннәр балаларның үзләрен гаеплиләр. Компьютер алдында күп утырулары турында әйтәләр. Дөрестән дә урамда уйнау, компьютер алдында утыруга караганда файдалырак.Чөнки саф һава һәм хәрәкәтләнү сәламәтлеккә уңай йогынты ясый. Ләкин урамда уйнау өчен мөмкинлекләр тудырылган микән соң? Шушы сорауга җавап бирү өчен без эзләнү эше алып барырга булдык.

Эзләнү эшенең максаты:

1.Балалар мәйданчыкларының бүгенге халәтен өйрәнү һәм җитешмәгән якларын билгеләү.

2.Балалар мәйданчыкларын төзекләндерү буенча тәкъдимнәр кертү.

Эзләнү эше этапларга бүленеп алып барылды.

I этап.

Эзләнү эше темасы буенча материаллар өйрәнелде. Урамда уйнау сәламәтлек өчен файдалы һәм 7-10 яшьлек балалар көнсаен 3 сәгать саф һавада йөрергә тиеш дигән нәтиҗә ясалды.

II этап.

3 сыйныф укучылары арасында анкета уздырылды.

III этап.

Осиново бистәсендәге балалар мәйданчыклары өйрәнелде. Кайбер балалар мәйданчыкларының ташландык хәлдә булуы ачыкланды. Ә бу инде сәламәтлеккә тискәре йогынты ясый.

Кайбер мәйданчыклар яңа, матур һәм төрле төсләргә буялганнар. Билгеле мондый мәйданчыкларда уйнау балаларга күңелле.

Осиново бистәсендә үз йортлары белән яшәүче балалар да бар. Кайбер әти-әниләр үз балалары турында бик нык кайгырталар. Ишегалларында балалар мәйданчыклары ясыйлар.

IV этап.

Балалар мәйданчыкларының нинди булырга тиешлеге турында нәтиҗә ясалды.

- Балалар мәйданчыклары сәламәтлекне үстерергә һәм ныгытырга тиеш.

- Куркынычсызлык кагыйдәләренә җавап бирергә тиеш.

- Чүп-чардан чистартылган булырга тиеш.

- Балалар мәйданчыклары янында чүп контейнерлары урнаштырылырга тиеш түгел.

- Мәйданчыклар төрле төсләргә буялып тирә-якка ямь өстәп торырга тиеш.

Мондый мәйданчыклар һәрбер йорт янында оештырылырга тиеш.