Открытый урок по родному языку на тему: "Главные члены предложения".

МУНИЦИПАЛЬНОЕ БЮДЖЕТНОЕ ОБЩЕОБРАЗОВАТЕЛЬНОЕ УЧРЕЖДЕНИЕ

«Чинарская СОШ №2 имени М.М. Гусаева»

Подготовила и провела Ашурбекова И.А.

2017-2018 учебный год

Дарсла тема: Предложениела бекI членти. Подлежащее

Дарсла мурад: а)предложениела члентачила, предложениела бекI члентачила къантIси баян бедни; подлежащееличила багьахъни,предложениелизиб ил бургахъес ва сунечил предложениеби пикридирахъес бурсибарни;

б) адамлис гIяхIдеш бирахъес дурхIни жибарни;

в) дурхIни пикрибикIни гьалабяхI арбукни

Чебаъла гIягIнихъала: таблица «Дарган мезла предложениела членти».

Дугьбачиб хIанчи: бяхIцIа, варачан, гамуш(хIянчи 66)

ЦархIилти дурсрачил бархбас: даргала литература; урус мез( предложениела членти)

ДАРСЛА БАШРИ

Подлежащееличила сагаси дарс кабихьайчи,члентачила учительли къантIли бурес гIягIнибиркур,доскаличи таблицара чебяхIяхъили.

Учитель: Дарган мезлизир урегал предложениела член лерти сари: подлежащее,сказуемое,объект,определение,дополнение,аги-кьайда.

Чула даража хIясибли илди кIел кьукьяличи дуртIути сари:бекI членти ва кIиибил даражала членти. БекI членти сари: определение,дополнение, ва аги-кьяйда.

Дарган мезла предложениеби имцIали делши дирар кIел бекI членна хьулчиличи: подлежащееличи, сказуемоеличи ва объектличи. Ца бекI членнизибад цаладикибси предложениера къаршибиркули бирар.

Предложение кIел бекI членнизибад цалабикили бирар,эгер подлежащее иргъахъуси дев Уйхъу падежа формализиб бакIили биалли.Илгъуна предложениелизиб объект бируси ахIен. Масала:

А) Ну айзурра. ХIу усаунри. ГIяли вакIиб.

Предложение хIябал бекI членнизибад цалабикили бирар,эгер подлежащее иргъахъуси дев Актив падежла формализиб бакIили биалли. Масала:

Б) Нуни чуду беркунра. ХIуни хIянчи барри.Ибрагьимли вавни хиб.

Цаибил кьукьялизирти преложениебазир кIикIел бекI членцун сари лерти? Полежащее ва сказуемое. КIиибил кьукьялизирти предложениебазир биалли,хIяб-хIябал бекI член лер: подлежащее,сказуемое ва объект.

ГЪумлизибси пукьа, дянг авлахъ, цIудара мукьара, гьаларван дакьес, дугIла жанивар,кIел хIева, мургьи ранг.

Дугьби сари ургар сен-сен дархдалсули дирара?

Цаладяхъниличилси тяхIярли:

МАСАЛА: Мусни ва зубри, дуги ва хIери,цIуба ва цIудара( союзунала кумекличил).

Чедеднила тяхIярличил:3 жура лерти сари:

1. Балбикни(соглосование)

2. Бузахъни(управление)

3. Бархбикни( примыкание)

Масала: ХЬанцIа хIева(прил.+ сущ.)балбикни

ХIевала дулгъуби(сущ.+ прил.)бузахъни

Жявли чарухъес(нар.+гл.) бархбикни

БЕКI ЧЛЕНТАЧИЛА ИХТИЛАТ

. чум бекI членти лерти даргала мезлизир?

. сегъунти?

. сегъунти суалтани иргъахъу подлежащее?

(чи? се? Чили? Сели?)

. чиди падежла суалти сари:( чили? сели?)

. Селичил декIардулхъули бекI членти дарган мезла урус мезличирад?

(БекI членти: объект лебни ва суалти Чили? Сели?- Актив падеж форма.

Се алкIана бекI члентазирад?( бекI члентазирад алкIан грамматический хьулчи)

-Чум составла биэс бирара, грамматический хьулчи)(ца, 2 ва 3 составла)

Доскачир

1. ЦIяббиуб. Дураб ванали саби (ца)

2. ГIиса арякьун. ДяхIи бариб.(2)

3. Нуни жузи сасира.(3)

4. Нуни итхIели вайси масхара ахIенри хIези бурибси.(царка предложение, пикри там. тIинтIси, хIябал составла)

ГIур гъайличил биру 64ибил хIянчи: предложениеби делчIес; баркьуди сунезибад дурабулхъуси дев сабил чебаахъес; сегъуна суайс жаваб илини лугули?

1. БурхIи гьаббакIиб.(се?-бархIи)

2. Дубурти черсаргъиб( се?)

3. БерхIили дубурти шаладариб(чили?)

4. Дурзамли дубура кIапIбуциб(чили?)

5. Нуни хя лявбарира(чи?)

Учитель: Баркьуди чузибад кабиркути дугьби дурая.

Ученик: берхIи, берхIили, дубурти, дурзам, дурзамли, хя, нуни.

Учитель: Сегъуна суалтас илдани жавабти лугуси?

Ученик: Чи? Се? Чили? Сели?

Учитель: Ишди предложениебазир чи? Се? ибти суалтас жавабти лугути цархIил дугьби къаршидиркулив?

Ученик: ГIе. Илдигъунти дугьби сари: дубурти ,дубура, хя, ну.

Учитель: Илди подлежащееби сарив?

Ученик: АхIен

Учитель: Сен?

Ученик: СенахIенну илдазибаб баркьуди кабиркули ахIен, ил чучи чеббурхули саби.

Учитель: Бархьси саби. Подлежащеели иргъахъуси баркьуди сунечи чеббурхуси дев предложениелизибад объект саби. ХIебиалли, подлежащеелизибад баркьуди дурабулхъули саби, объектличи баркьуди чеббурхули саби.

Ученикунани «Подлежащее» бучIа. Чумал дурхIялизи правило хьарбиу.

Учитель: Урус мезлизир предложениела чум член лера?

Ученик: Шел: подлежащее, сказуемое, определение, дополнение, обстоятельство.

Дарсла итогуни каъни.

ДурхIни гапбарили разибарни, имцIали дархьли жавабти лугути дурхIнала уми дурили, илди уркIичеббиахъни, кьиматуни кадатни ва илди баяндарни.