"Әлемнің әміршісі - еңбек"

Сабақтың тақырыбы: «Әлемнің әміршісі - еңбек»

Сыныбы: 10

Өтетін орны: «Қазақ тілі мен әдебиеті» кабинеті

Мақсаты: Оқушыларды еңбекке баули отырып, тәрбиелеу. Рухани адамгершілік қасиетін арттыру.

Көрнекілігі: А4 формат, интерактивті тақта, маркерлер, флипчарт, видео – ролик.

Ұйымдастыру бөлімі:

І. Амандасу

ІІ. Сыныпты әртүрлі тастар арқылы үш топқа бөлу.

ІІІ. «Еңбек – бірін жеңбек» атты видео – ролик. (бейне – роликті көре отырып сұрақтар қойылады).

         Дәптермен жұмыс. "Еңбек" — өзінің тұтынушылығын қамтамасыз етуге қажетті бүкіл заттар жиынтығын жасайтын адам әрекетінің негізгі формасы.

Еңбек адамның өзінің қалыптасуында, оның сана, сөйлеу тәрізді қатынасқа қабілетті ететін қасиеттерін қалыптастыратын шешуші күш. Адам еңбек арқылы табиғатқа әсер етеді. Еңбектің техникалық жарақтану дәрежесі, оның дағдысын, әдетін, еңбек сүйгіштікті қалыптастыру жеке тұлғаның дамуында ерекше маңызды. Еңбектің әлеуметтік сипаты, оның тарихи даму сатылары еңбек процесінде адамдар арасында орнығатын және еңбек өнімдері мен түрлерін таратуға әсер ете отырып, қоғамдағы әлеуметтік қатынастар жүйесінің негізі болып табылатын өндірістік қатынастар ерекшелігіне байланысты. Адам экологиясы үшін еңбек әрекетіне талдау жасау және әрқилы табиғат және әлеуметтік-экономикалық жағдайлардағы оның әр түрлерінің ерекшеліктерін білудің тұрғындардың өмір сүру жағдайын бағалауда маңызы зор, өйткені еңбек демалыс және тұрмыспен қатар адамның өмір сүруіндегі негізгі элемент болып есептеледі.

                Үш топқа еңбек туралы ой толғау мақсатында бір – бірден сұрақтар беріледі. (топтар ақылдаса отырып, бірлесе жауап береді).

Сұрақ – жауап.

1 – топ. Еңбек, еңбексүйгіштік  ұғымдарын қалай түсінесіндер?

2 – топ. Еңбек адамға не үшін қажет?

3 – топ. Сендердің қазіргі еңбектерін қандай?

Шығармашылық жұмыс. (постер қорғау)

1 – топ. Еңбек туралы мақал – мәтел жазып және соны суреттей отырып түсіндіру.

2 – топ. «Еңбекқор жәндіктер» туралы жазып, айту.

3 – топ. Ой еңбегі мен дене еңбегін ажыратып мағынасын жазу.

Рефлексия: Оқушылар бүгінгі сақта алған әсерлерін стикерге толтыра отырып ой толғайды, тақтаға іледі.