Мақсат қою. -Бүгінгі сабақ неге арналатын болады? (Өткен тақырыптарды бекітуге.) Біз өз білімімізді қалай бекітеміз? (Өздік жұмыстарды орындаймыз, қателіктер жібергенімізді немесе жібермегенімізді қараймыз; егер жіберсек, онда олармен жұмыс жасаймыз.) Өткен сабақтарда қандай жаңа дүниелермен таныстыңыздар? (Өрнектердегі амалдарды орындау ретімен таныстық.) –Сіздер алдарыңызға қандай мақсат қоясыздар? (2-5 сандарының көбейту кестесіне қатысты білімді жəне өрнектердегі амалдарды орындау ретін.) Бүгін біз тек математикалық білімімізді толықтырып қана қоймаймыз, сондай-ақ біздің еліміздің қорықтары жөнінде де көп жаңа дүниемен танысатын боламыз. Қазақстанның картасын қарастырыңыздар. Онда біздің еліміздің ең ірі қорықтары бейнеленген. Олардың бірі «Барсакелмес» деген жұмбақ атауға ие, оның мағынасы «барсаң, қайтып келмейсің» дегенді білдіреді. «Барсакелмес» қорығы — ғаламдық масштабтағы экологиялық апат аймағында орналасқан (Арал теңізінің деңгейінің төмендеуі), айрықша төтенше экологиялық жағдайлары бар, Қазақстан мен ТМД-дағы жалғыз қорық. «Қорғалжын» табиғи-мемлекеттік қорығы Сарыарқа объектісі құрамында (Солтүстік Қазақстанның далалары мен көлдері) ЮНЕСКО-ның Бүкілəлемдік мұрасының тізіміне кіреді. «Қорғалжын» қорығы 1968 жылы қоқиқаз бен бұйра бірқазанның сүйікті мекеніне айналған бірегей сулы-батпақты алқапты сақтау жəне зерттеу мақсаттарында құрылған. «Алакөл» мемлекеттік қорығы–Қазақстанның үш негізгі сулы-батпақты алқаптарының бірі болып табылады. Шығыс Қазақстанда ең ғажайып «Марқакөл» ұлттық қорығы орналасқан. Марқакөл көлін осы аймақтың інжу-маржаны деп атайды. Марқакөл көлінің суы таза жəне өте жұмсақ, бірақ оның басты байлығы албырт балықтар тұқымдастарына жататын үскіш балық болып табылады. Бұл балық тек осы көлді ғана жайлаған. – Біз осы өлкелерді жайлаған жануарлар жөніндегі есептерді шығаратынболамыз. |