Սովորում ենք ճիշտ սնվել
Առողջ սնունդն ամուր առողջության գրավականն է: Եթե որոշել եք ճիշտ սնվել, լրջորեն տրամադրվեք դրան: Մեկ օր չէ, որ պետք է ճիշտ սննդակարգ պահպանեք, այլ ամբողջ կյանքի ընթացքում:
Ճիշտ սնվելու համար նախ պետք է սովորեք խանութից չգնել առողջությանը վնասող մթերքներ :
Ամենօրյա առողջ սնունդը պետք է ներառի մրգեր ,
բանջարեղեն, անյուղ կաթնամթերք, միս, ձուկ և այլն:
Առավոտյան՝ դպրոց գնալիս, անպայման նախաճաշեք: Չնախաճաշելու դեպքում առաջանում է գլխացավ , շուտ հոգնում ես , անուշադիր ես դառնում , աշխատելու ցանկությունը պակասում է:
Ճաշը պետք է լինի վիտամիններով հարուստ և հագեցնող:
Ընթրիքին փորձեք համեմատաբար ավելի թեթև սնունդ ընդունել:
Մեր առողջության պահպանման և ամրապնդման համար անփոխարինելի են վիտամինները:
Վիտամիններ ամենաշատը պարունակում է բուսական սննդամթերքը:
Ճիշտ սնվելու 10 կանոն
1. Հրաժարվեք վնասակար սննդից: Հրաժարվեք յուղոտ, չափազանց քաղցր, աղի, տապակած ուտելիքներից, այսինքն՝ այն ամենից, ինչը մեծ քանակությամբ կալորիաներ է պարունակում:
2. Քաղցրեղենը՝ միայն օրվա առաջին կեսին: Մեղրը, չրեղենը, ընկուզեղենը, ջեմերը, զեֆիրը, մարմելադն ու անյուղ պաղպաղակը խորհուրդ է տրվում ուտել միայն օրվա առաջին կեսին:
3. Մրգերը և ածխաջրերը պետք է ուտել մինչև ժամը 17:00-ն: Երեկոյան օրգանիզմի նյութափոխանակությունը զգալի դանդաղում է, մեր ֆիզիկական ակտիվությունը նվազում է, հետևաբար՝ ածխաջրերի պահանջը նույնպես անհետանում է:
4. Հաճախ սնվեք: Օրական պետք է 5 անգամ ուտել, սակայն քիչ չափաքանակով:
5. Ուտելուց հետո ակտիվ եղեք: Իհարկե, սպորտով զբաղվելն ուտելուց հետո խորհուրդ չի տրվում, սակայն կարող եք դանդաղ քայլել: Գիտնականները պարզել են, որ ուտելուց հետո պառկելու սովորությունը տարեկան 3 կիլոգրամ քաշ է ավելացնում մարդու ընդհանուր քաշին:
6. Պետք է ամեն օր գրեթե նույն ժամին հաց ուտել: Ուտելիքների միջև հանգիստը պետք է տևի 4 ժամ: Կերեք դանդաղ՝ յուրաքանչյուր կտորը լավ ծամելով:
7. Ընթրեք քնելուց 4 ժամ առաջ: Եթե ընթրիքից հետո քաղցի զգացողություն ունեք, ապա ցանկալի է մեկ բաժակ մածուն ուտել:
8. Բանջարեղենը՝ առանց սահմանափակման: Բանջարեղեն պետք է ուտել յուրաքանչյուր ուտելու ընթացքում (իհարկե, ոչ գիշերը):
9. Սպիտակուցային սնունդ: Ճաշին ցանկալի է բանջարեղենով միախառնված սպիտակուցային ուտելիքներ ուտել:
10. Ամեն օր ձեր օրակարգում պետք է 6 խմբի մթերքներ լինեն՝ բանջարեղեն, մրգեր, կաթնեղեն, ածխաջրեր, սպիտակուցներ, օգտակար յուղեր:
Բացի վիտամիններից, մեր սնունդը բաղկացած է նաև սպիտակուցներից , ճարպերից , ածխաջրերից և հանքային աղերից :
Սպիտակուցներ
Օգտակար ճարպեր
Առավել օգտակար են բուսական ճարպերը
Ածխաջրեր
Խմելու ջուր
Մարդու օրգանիզմի մոտ 80% կազմված է ջրից : Օրգանիզմում ջրի պակասը կարող է լուրջ խնդիրներ առաջացնել : Ջուրն անընդհատ դուրս է գալիս մարդու օրգանիզմից երիկամների , քրտնագեղձերի , շնչառության և աղիների միջոցով , այդ իսկ պատճառով անհրաժեշտ է անընդհատ լրացնել դրա պաշարները : Ճիշտ չէ ջուր խմել միայն այն ժամանակ , երբ ծարավի զգացում ունես ` այդ պահի դրությամբ դուք արդեն ջրազրկված եք : Հարկավոր է ռեժիմ մշակել . խմել ջուր հենց արթնացաք , մեկ բաժակ սնվելուց մոտ կես ժամ – մեկ ժամ առաջ , մեկ բաժակ սնունդ ընդունելուց մեկ – երկու ժամ անց ։