Документы 1223.... .......

Тарыхчы Зайыр Жумаш өзүнүн 2015-жылкы электрондук катында даңазалуу ак сарай сүрөтчүсү Жузеппе Кастилионе (1688--1766)  Бээжинге 1758-жылы кыргыздардан барган элчилерди дагы боёк сүрөттө чагылдырган, деп жазып, ал түгүл ал сүрөттүн түстүү фотосун да жиберди.
Бул панно боёк сүрөт “Чийанлоң хандын (б.а. императордун) Муран аңчылык майданындагы бадалдыкта кыргыз төбөлдөрү менен көрүшкөндө жазган ырына арналып чийилген сүрөт” деп аталган жана Чиаңлоңдун тактыдагы 23-жылы (1758-жылы0 тартылган.
Сүрөттүн көлөмү чоң (348 ×424 сантиметр). Ал азыркы тапта Кытай Эл Республикасынын Байыркы аксарай музейинде сакталып турат.
Боёк сүрөттүн аныктамасында “кыргыз” этноними таасын берилген экен.
Ал эми “Муран коругу” – Бээжиндин сыртындагы цин-манчжур падышасы аңчылык, салбуурун кылып эрмектей турган атайын корук жай болгон. Аны кытайча “Мулан Вэйчаң” (Mulan Weichang) деп айтышат.
Бул эски корук жайгашкан жерлер азыркы тапта КЭРдин Хэбэй вилайетине караштуу Чэндэ шаардык аймагынын Вэйчаң Манчжур-Монгол автоном үйөзүнө карайт.

https://www.azattyk.org/a/castiglione_qyrgyz-taryhy_2023_chorotegin_blog/32648949.html

Бээжин: Кыргыз элчилеринин Жузеппе Кастилионе тарткан боёк сүрөтүнүн чоо-жайы

Т.Чоротегин
22.10.23