Ашық сабақ. Тақырыбы: Сөйлем, Балаларға

Сабақтың тақырыбы: Сөйлем.  Балаларға.

Сабақтың мақсаты:

Білімділік:  Сөйлем туралы білетіндерін еске түсіріп, сөйлемнің бірінші сөзі бас әріптен жазылатынын сөйлемнің соңына, тыныс белгілері қойылатынын түсіндіру.

Дамытушылығы: Оқушылардың ойлау қабілеттерін  дамыту, сөзбайлықтарын молайту. Логикалық ойлауын арттыру.

Тәрбиелілігі: Сауатты жазу дағдыларын жетілдіру, ұқыптылыққа, мейірімділікке, достыққа тәрбиелеу.

Түрі: Аралас сабақ.

Әдісі: Түсіндіру, сұрақ-жауап, әңгімелеу, талдау.

Көрнекілігі: Оқулық, кестелер, слайдтар, плакаттар, ойындар үшін макеттер, конверттер.

Сабақтың барысы:

 І. Ұйымдастыру.

Сабаққа дайындықтарын тексеру.

1)Психологиялық көңіл-күйлерін реттеу.

Қуан, шаттан!                       

Қуан, шаттан!                                                                                                    

Қуанатын күн бүгін.                                                                                        

Қайырлы таң,                                                                                                        

Қайырлы күн,                                                                                                         

Күліп шықты күн бүгін.

 ІІ.Үй тапсырмасын сұрау.

Конверттің ішіндегі тапсырманы орындау.

1.Қазақ тілінде қанша әріп бар?

2.Дыбыстар нешеге бөлінеді?

3.Сөйлем нелерден құралады?                                                                                                                                                                                  

4.Сөйлемдегі сөздер бір-бірімен қалай жазылады?                                      

«Жырау» өлеңін жатқа сұрау.

 ІІІ. Мақсат қою: Тақырыбын, мақсатын хабарлау.

 ІҮ. Жаңа сабақ.

Қызығушылықты ояту.

Көктем келді

Көктемде не жауады                                                                                        

Көктем мезгілі қандай керемет

1.Сөйлемнің бірінші сөзі қандай әріппен басталып жазылған? 2.Соңына қандай тыныс белгілерін қоюға болады.

Мағынаны ашу.

150-жаттығу.

Әр сөйлемді оқып, жатқа жазу.                                                                           

Әрқашан болсын анам,                                                                                 

 Болайын мен де аман.

151-жаттығу. Сөйлемдерді оқып керекті жеріне нүкте қойып, оларды бас әріптен бастап жазу.

     Құралай терезені ашты үйге салқын ауа кірді үйдің ауасы тазарды құралай сабақ оқыды.

Топпен жұмыс.

1-топ. 6 ,7, 8 , 9. Берілген сандарды сөзбен жазу .                                                           

2-топ. Орны ауыстырылып берілген сөздерден сөйлем құру.

Бардым мектепке мен.                           

3-топ. Берілген буындарды сызық арқылы қосып сөз құрастыру.

үй              кі                           рек                     быз             ба

                                     жүз            ім   

түл            рек                         кү                      қа                қар

4-топ. Әр сөздің тұсына қарсы мәндес сөз табу.

үлкен                    жақын             

жақсы                   жіңішке

жуан                      кіші               

алыс                      жаман

Сергіту сәті:  «Қамажай биі»

Ой шақыру.

Жамбыл Жабаев туралы не білеміз?

                                                                                                                                                                                                           Екі ғасырдың куәсі, жыршы-жырау, халық ақыны, ірі айтыскер ақын . Жамбыл Жабаев 1846 жылы 28 ақпанда қазіргі Жамбыл облысы,  Жамбыл тауының етегінде дүниеге келді.Сүйінбай ақыннан бата алған. Жүз жасқа небәрі бірнеше ай қалғанда, 1945 жылы 22 маусымда Жамбыл  қайтыс болды. Топырақ бұйырған жері – Алматы облысының Ұзынағаш елді мекені.

                                                            Балаларға

Балалар, аманбысың, шырақтарым,

Майысып көлге біткен құрақтарым!

Жүрмесем есендесіп тұра алмаймын,

Ішінен асып кетсе бір аптаның.

Қонаққа келді, міне Жамбыл атаң,

Сан жылдар жүк көтерген  бүкір жотам.

Қарт бабаң дәуіріне мейірі қанған,

Қуанып жастығына сендей ботам.

                                                                        Жамбыл

Өлеңді  тізбектей  оқыту.

Ү. Сабақты бекіту:

Ойын: «Адасқан сөйлемдер»

  .

   ?

   !

Жеңіс күні жасасын

Тоғызыншы мамыр жеңіс күніЖеңіс күнінің неше жылдығы тойланады

Адасқан сөйлемдерді орнына қою.

 ҮІ. Сабақты қорытындылау:

-Сонымен балалар біз сабақта қандай тапсырмалар орындадық?

–Не үйрендік? Не білдік?                                                                                  

 –Сөйлем туралы не білдік?                                                                             

–Қандай өлең өттік?                                                                                                      

–Өлеңді кім жазған?

ҮІІ.Үйге тапсырма.

152-жаттығу, 164 бет. Балаларға мәнерлеп оқу. Ереже жаттау.

ҮІІІ.Бағалау.

Жұлдызшамен бағалау.