Арыздардын үлгүлөрү

Академик Б.Мурзубраимов

атындагы  Эл аралык Өзгөн технологиялык жана билим берүү институтунун директору, профессор А.Т.Акматалиевге

Педагогикалык жана тил илимдер кафедрасынын улук  окутуучусу

Ч.М.Жолдошовадан                                        

 

БИЛДИРМЕ

 

 

Мага 2020-2021-окуу жылы үчүн ушул жылдын 10-июлунан баштап, кезектеги эмгек өргүүмдүн жарымын (24 күн) берүүңүздү суранамын.

 

 

                                               (колу)                           Ч.М.Жолдошова

 

 

 

 

2020-жыл, 21 -июнь

 

 

 

 

 

 

 

 

 

 

 

 

 

 

 

 

 

 

 

 

 

Академик Б.Мурзубраимов

атындагы Эл аралык Өзгөн технологиялык жана билим берүү институтунун директору, профессор А.Т.Акматалиевге

 

Кыргыз мамлекеттик улуттук университетинин математика факультетинин 3-курсунун студенти Акбаров Женишбектен

 

АРЫЗ

 

 

Кыргыз мамлекеттик улуттук университетинин математика факультетинин 3–курсунан которулуп келгендигиме байланыштуу мени Эл аралык Өзгөн технологиялык жана билим берүү институтунун  орто кесиптик билим берүү бөлүмүнүн 2-курсунун 080106 Финансы адистигине кабыл алууңузду сураймын (документтер тиркелет).

 

 

Тиркеме: 1.  КМУУнун ректорунун жана математика факультетинин  

                     деканынын макулдугу берилген арыз - 1 барак, 1 нуска;                 

       2. Зачеттук китепченин көчүрмөсү – 3 барак, 1 нуска.

 

 

                            (колу)                                              Ж.Акбаров

 

 

2021-жыл, 17 -август

 

 

 

 

 

 

 

 

 

 

 

 

 

 

 

 

 

 

 

 

ТИЛ КАТЫ

 

         Мен, Асанкулов Эмилбек, орто кесиптик билим берүү бөлүмүнүн 3080106 Финансы адистигинин студенти 2020-жылдын 25-майында  окутуу акысынан калган 7000 (жети миң) сомду төлөп берем.

 

 

                                               (колу)                            Асанкулов Э.                       

 

         2020-жыл, 11-апрель

                           

 

 

 

 

 

 

 

 

 

 

 

 

 

 

 

 

 

 

 

 

 

 

 

Академик Б.Мурзубраимов

атындагы Эл аралык Өзгөн технологиялык жана билим берүү институтунун директору, профессор А.Т.Акматалиевге

 

ушул окуу жайдын 080106 Финансы адистигинин                   1 курсунун студенти А.Акунбаевдин ата-энесинен         

 

ТҮШҮНҮК КАТЫ

 

 

         Биздин балабыз,  080106 Финанесы адистигинин 1 курсунун студенти, Аскар Акунбаевдин география сабагынан качып кеткендиги  жөнүндө билдирилген. Бирок уулум  сабактан качпай эле Өзгөн райондук аскер комиссариатынын чакыруу (10-октябрь, №72) кагазынын негизинде  анда саат 8ден 16га чейин болгон.

         Түшүнүк катына Өзгөн райондук аскер комиссариатынын чакыруу кагазы жана маалым каты тиркелди.

 

                           

 

                                               (колу)                           С.Акунбаев

 

 

         2020-жыл, 15-октябрь 

 

 

 

Академик Б.Мурзубраимов атындагы Эл аралык Өзгөн технологиялык  жана билим берүү

институтунун 080106 Финансы адистигинин ФН-19 т айпасынын студенти Асаналиев Султанга

 

 

                                        МҮНӨЗДӨМӨ

 

         Асаналиев Султан 2019-2020-окуу жылынан баштап, аталган окуу жайда 080106 Финансы адистигинде окуп жатат. Окуган мезгилдин ичинде өзүнүн жигердүүлүгүн көрсөтүп, математика, физика сабактарынан жакшы окуйт. Институттун  жана институттан  тышкары учурларда ар дайым тартиптүү, өзүн сылык кармайт. Окуудагы тапшырмаларын өз убагында, так аткарат. Жолдошторуна  жардам берет.

         Институттун теннис ойноочу студенттер тобуна жетекчилик кылат. Аларга байланыштуу китептерди көп окуйт.

         Мүнөздөмө Өзгөн райондук аскер комиссариатына берилет.

 

 

 

         Институттун директору         (колу)                  Акматалиев А.

         Куратору                                (колу)                  Ташбаева Г.

 

 

2021-жыл, 25- ноябрь  

 

 

 

 

 

 

 

 

 

 

 

 

 

 

 

 

 

 

 

 

 

 

 

                                         ӨМҮР БАЯНЫ

 

 

         Мен, Шералиев Нурбек Касымбекович, 1970-жылы  Ош облусунун Өзгөн районуна караштуу  Бабыр айылында жумушчунун уй-бүлөсүндө туулганмын.

         1977-жылы  Бабыр орто мектебинин 1-классына кирип, 1987-жылы ийгиликтүү аяктадым.

         1987-жылы Кыргыз Улуттук университетинин география факультетинне өтүп, 1992-жылы аяктадым. Билим берүү жана илим  министрлигинин жолдомосу менен Ош обласынын Ноокат районуна мугалимдик кызматка жөнөтүлдүм. Ошондон бери географиядан сабак берип келе жатам.

         Үй-бүлөлүүмүн. Төрт балам бар, жолдошум да мугалим болуп иштейт

 

 

                                     

                                               (колу)                            Н.К.Шералиев

 

 

2021-жыл, 10- июнь     

 

 

 

 

 

 

 

 

 

 

 

 

 

 

 

 

 

 

 

 

 

 

 

МААЛЫМ КАТЫ

 

 

         Бул маалым каты  2020-жылдын 1-декабрынан Кыргыз Билим берүү академиясынын кыргыз тилин жана адабиятын окутуу бөлүмүндө өндүрүштөн ажыратылган аспирантурада окуп жаткан  Калчаева Чынарага берилет.

         Маалым каты  Калчаева Чынарага аспирантурада окуп жаткандыгын күбөлөндүрү үчүн Өзгөн технология жана билим берүү коллежинин  дирекциясына берилет.

 

 

         Президент, проф.                            (колу)                  А.Мамытов

         Катчысы                                (колу)                  Г.Аманова

 

 

 

 

 

 

 

 

 

 

 

 

 

 

 

 

 

 

 

 

 

КУТТУКТОО

 

Академик Б.Мурзубраимов атындагы Эл аралык Өзгөн технологиялык жана билим берүү институтунун жалпы жамааты  Табигый-техникалык илимдер кафедрасынын доценти Зулпуев Замирбек Базарбаевичти кандидаттык диссертациясын ийгиликтүү коргогондугу менен чын жүрөктөн куттукташат

Мындан аркы илимий иштериңизге албан-албан ийгиликтерди каалайт.

 

 

         Өзгөн технология жана билим берүү коллежинин жамааты

 

 

2020-ж., 10-июнь

 

 

 

 

 

 

 

 

 

 

 

 

 

 

 

 

 

 

 

                          

 

 

 

                                КАБАРЛОО

 

 

Кымбаттуу институттун студенттери!

 

Ушул жылдын 15-сентябрынан баштап, биздин окуу жайдын спорт аянтчасында волейбол, футбол, эркин күрөш боюнча машыктыруу жүргүзүлө башташын кабарлайт.

         Машыгуу дем алыш күнү саат 9дан башталат. Машыгууну атайын даярдалган адистер жүргүзүшөт.

         Катышуучулар айына 500 сомдон акы төлөшөт. Каалоочулар дене тарбия мугалимине катталышы керек.

 

                                                        Окуу жайдын жетекчилиги

 

 

 

 

 

 

 

 

 

 

 

 

 

 

 

 

 

 

 

 

 

 

 

ИШЕНИМ КАТЫ

 

         Мен, Усубалиева Жумагуль 050709 Башталгыч класстарда окутуу адистигинин БК-19 тайпасынын студенти  июнь айы үчүн Эл аралык Өзгөн технологиялык  жана билим берүү институтунун кассасынан менин наамыма келген 720 (жети жүз жыйырма) сом стипендиямды ден соолугума байланыштуу ала албаганымдан, атам Усубалиев Азиздин алышына ишеним катын берем.

 

         2020-жыл, 1-июль                            (колу)                   Усубалиева Ж.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

                                      РЕЗЮМЕ

 

	Сүрөт

 

Усөналиев

Жаныш

Садыкович                                                                         

 

 

Өзү тууралуу маалымат: Туулган күнү: 5-июль, 1987-ж.

Улуту: кыргыз

Үй-бүлөсү: никеси бар, балалуу: 1 эркек, 1кыз.

 

Билими:

Жогорку билимдүү

Кыргыз Улуттук университети, экономика факультети

 

Адистиги:

Өндүрүштү пландоо

 

Компьютер менен иштөөсү:

Компьютер менен иштөө тажрыйбасы:  Word, Exzel программалары, internetти колдоно алам.

 

Тилдерди билүүсү:

Кыргыз, орус тилдеринде эркин жазам жаза сүйлөй алам

Англис тилинде эркин сүйлөйм.

 

Иш тажрыйбасы:

2003-2015 – Өзгөн технология жана билим берүү институту

Ээлеген кызматы: экономист

Аткарган милдети: экономикалык божомолдоо жана экономикалык моделдөө, экономикалык демилге берүүчү себептерди аныктоо

 

2005-2014- Рай.фин.отдел

Ээлеген кызматы: ага экономист

Аткарган кызматы:  Акчалай кирешелеринин жана чыгашаларынын теңдемин аныктоо, ишканалар менен акча эсептешүүнүн аткарымын көзөмөлдөө.

 

Кошумча маалыматтары:

Өздүк сапаты: аткаргычтык, тактык, стресске туруктуулук.

Үй дареги: Ош областы Өзгөн ш., Манас к., ү № 350.

Телефону:  0777192019