Зиядин Джавтобели омюр ве яратыджылыкъ ёлу.

Зиядин Джавтобели (Менълиазизов) 1905 сенеси Къырымнынъ Керчь тарафындаки Джавтобе коюнде догъды. Кой мектебини битирген Зиядин 1923 сенеси Тотайкой педагогика техникумине окъумагъа кире. Онынъ ильк шиирлери «Эмгек» адлы дивар газетасында дердж олундылар.1925 сенеси Зиядин Джавтобели «Яш къувет» газетасынынъ эдебий хадими ве месуль кятиби оларакъ чалышып башлай. Айны вакъытта, окъувыны да девам эттире. Джавтобели 1928 сенеси техникумны битирген сонъ, Акъмесджит районы Алма-Тархан коюндеки нумюне мектебине мудир оларакъ ёлланыла. Арадан чокъ кечмеден, шу йылнынъ бааринде «Ени дюнья» газетасынынъ месуль кятиби оларакъ тайинлеме. Бу йыллары институтны битирип, аспирантурада окъувине девам эте.1930-1935 сенелери Джавтобели фыркъа, Къырым Девлет нешриятында муаррир олып чалыша. Шаирнинъ яратыджжылыгъы гурьлеген бир вакъытта шахскъатабышув девири келе ве земаненинъ илери адамларынен бир сырада, Джавтобели бастырыкъа алына. 1938 сенесинден 1946сенесине къадар апсханелерде булуна ве 1947 сенеси Самаркъандкъа (Озьбекистан) келе. 1956сенеси къабатсыз танылып, реабилитирлене.Дженктен сонъ Зиядин Джавтобелининъ «Йырла, инсан»(1970), «Эдебиат севдалары»(1983), «Чешит йыллар шиирлери»(1978), «Айырылмаз достларым»(1986) киби шиирий джыйынтылыкълары басылып чыкъты. Зиядин Джавтобели 1991 сенеси июнь 16-да иджретте вефат этти.

Джавтобели озь шиирлерининъ шекили ве тышкъы тизилювинен аньаневий шиир язув усулына садыкъ къалды ве бунынънен берабер эсерлеринде насиат берювден, консерваторлыкътан къуртулып оламады. Лякин шиирлернинъ мундериджеси кесен-кес денъишти, оларнынъ образлы-лыгъы, эмоциональ къувети баягъы юксельди. Онынъ къараманлары сербестлик огърунда Сивашнынъ тузлу сувына дала, Кронштадт ичюн курешке чыкъа, тынчлыкъ вакътында исе озь джаныны аямадан сувгъа ве атешке кире. Онынъ эсерлери арасында яшлыкъны тербиелев эм де намус-ахлякъ меселелерине багъышлангъан мевзулар муим ер туталар. З.Джавтобелининъ яратыджылыгъы земане шиириетининъ инкишафына муим иссе къошувынен берабер, йигирминджи сенелерден бу куньгедже олгъан тарихнынъ озюне хас йылнамесидир.