Эненин сүйүүсүнүн жана камкордугунун натыйжасы

Күндөрдүн биринде Томас Алва Эдисон мектептен келип, апасына мугалим жазган катты берди. Апасы уулуна мугалим жазган катты көзүнө жаш алып, угузуп окуп берди. “Сиздин уулуңуз – гений, биздин мектеп өтө кичине жана уулуңузга кандайдыр-бир нерселерди үйрөтүүгө жөндөмдүү мугалимдер жок. Аны өзүңүз окутуңуз”.

Апасы өлгөндөн кийин көптөгөн жылдар өткөндө, Эдисон кылымдын улуу ойлоп табуучуларынан болуп калган мезгилде үй-бүлөлүк архивден ошол катты таап алат. Ал катта төмөнкүлөр жазылган эле: “Сиздин уулуңуздун акылы кем, биз мындан ары аны башка окуучулар менен бирге мектепте окута албайбыз. Ошондуктан Сизге уулуңузду үйдө өз алдыңызча окутууну сунуштайбыз”.

Катты окугандан кийин Эдисон бир нече саат ачууланып, күндөлүгүнө төмөнкү жазууларды калтырган: “Томас Алва Эдисон акылы кем бала болгон. Өз апасынын баатырдык аракеттеринин натыйжасында ал өзү жашаган кылымдын улуу генийлеринин бири болууга жетишкен”.

Насаат: Эненин сүйүүсү жана кам көрүүсү баланын тагдырын өзгөртүүсү мүмкүн.

То́мас А́лва Э́дисон (11.02.1847, Майлен, штат Огайо — 18.10.1931, Уэст-Ориндж, штат Нью-Джерси) — америкалык ойлоп табуучу жана ишкер, АКШда 1093, дүйнөнүн башка өлкөлөрүнөн 3 миң ойлоп табуучулук патенттерди алган; фонографты түзгөн; телеграф, телефон, киноаппаратураларды өркүндөткөн, электр лампасынын бир вариантын иштеп чыккан. Телефон менен сүйлөшүүдөгү алагачкы “алло” сөзүн пайдаланууну сунуштаган.