Блог жазу не үшін қажет болды?

Блог жазу мен үшін неге қажет болды? Бұл жазбаны кімдер оқиды және ол кімге қызықты болады?

Бүгін мен "Мультиурок" жобасында өз сайтымды ашсам деп шештім. Мен үшін бұл сайттың маңызы- әрине жұмыс барысына қажеттілігі.

Уақыт өзгерді. Бұрын мұғалімнің беделі априори еді, ал қазір өз біліміңді дәлелдеу керек, студенттер мен ата- аналардың ортасында сыйлы мұғалім болу үшін тер төгу керек. Сондықтан жеке брендті қалыптастыру - оқытушы үшін қажеттілік деп ойлаймын.

Блог жүргізу - өз тәжірибеңе рефлексия жасап, басқа да ұстаздармен идеялармен бөлісуге жақсы алаң. Ал студенттер мен ата -аналарға қайта - қайта өткен сабақтар бойынша түсіндіру жұмыстарын жасағанша өзіңнің дайын әзірлемелеріңе сілтеме жасай салуға таптырмайтын құрал - осы сайт деп білемін.

Мен тарих сабақтарының әзірлемелерін, тесттер, сабақ конспектілерін өз парақшамда жариялап отырамын, мүмкін біреуге пайдалы болып қалар.