Менің бақытты жанұям

Батыс Қазақстан облысы Теректі ауданы Долинный ауылы

Чапаев жалпы орта білім беретін мектебі

«Менің бақытты жанұям»

Тренинг сабақ

Өткізген: мектеп психологі Рскалиева А.Б.

Мақсаты: Ата-ананың тәрбие мәселесіндегі психологиялық құзыреттілігін арттырып, баламен тиімді қарым - қатынас орната білу қабілетін дамыту, оқу-тәрбие жұмыстарына қатыстыра отырып, серіктестікке тарту.

Топқа бөлу.

Табиғаттағы ең маңызды нәрсе ағаш, енді сол ағаштың несі болар едіңіз тамыры ма, діңі ме, жапырығы ма? Әркім өз қалауы бойынша таңдаған суреттерін алады. Тамыр, жапырақ, діңі болып топқа бөлінеді.

«Гүл бейнесіндегі отбасы» тренингі

Тренингті бастамас бұрын, танысып алайық, «Гүл бейнесіндегі отбасын таныстыру» ойынын өткізейік. Әрбір қатысушы өз отбасын гүл бейнесінде салып таныстырып өтеді.

Топтық жұмыс

1- топ: «Бақыт» сөзін

2-топ: «Отбасы» сөзін

3-топ: «Ата-анамен бала қарым-қатынасы» сөздерін ассоциация құраймыз.

«Мадақтау мен жазалау»

Мақсаты: Ата-ананың балаға деген көңіл бөлуін байқау.

Барысы: Қағазды екіге бөліп, бір жағына баланы мақтау кезінде қолданылатын сөздерді,

  ал екінші жағына, сөгіс жариялау кезінде қолданылатын сөздерді жазыңыз.

  Қай бөлікте сөздердің көп болғандығы жайында сараптама жасалып, ата-аналарға қорытынды жасау ұсынылады.

«Жалғасын тап» ойыны.

Ойын барысында 4 сөз беріледі: «Ана», «Бала», «Асығу» және «Дана». Осы сөздері қолдана отырып өлең шумағын құрастырамыз. Талдау: өлең шумағын бір - бірден оқып талдайды.

Қорытынды:

Мәселен, мен былай құрастырдым: Бас иеді барлық адам – АНАҒА,

Жақсылықты ол тілейді – БАЛАҒА

Мақсатына жеткізуге АСЫҒЫП,

Өз баласын теңейді ол – ДАНАҒА. – деп бүгінгі тренинг сабағымызды қорытындылағым келеді!