21 февраль-Ана тили куню

Ана тилимизге багъышлангъан мерасим

«Ана тилим – миллетимнинъ джаны»

Мерьем

Ана тилим, меним тилим,

Меним гъурурым.

Севген тилим, бильген тилим

Урьмет эткеним.

Сени джойсам, не япарым?

Сез биле айтамам.

Ана тилим сен ёкъ олсанъ,

Демек, мен олмам.

Анифе

Бабам манъа айткъан киби,

Озь тилинъден зенгини ёкъ

Алтындан о къыйметлидир.

Оны бильмеген ёкътыр.

Озь тилинъни урьмет этсен,

Олур санъа шан-шурет!

Ана тилим сен яшарсынъ

Ёкъ олмагъа ёл бермем!

М.-1.Хош кельдинъиз, оджалар, талебелер.

1.« Инсан на къадар чокъ тиль бильсе , о къадар инсандыр», -

деп айтыла аталар сёзлеринде.

А.2.Тувгъан, ана тилини бильмеген инсан исе, къанатсыз къушнен тенъешитириле.

1.Эльбет. Ана тили – бу эр шейнинъ негизи. Ана тили, олмаса миллет де олмаз.

2.Ана тили миллетнинъ джаныдыр!!

1.Ве бугунь бизим мектепте байрам. Ана тили байрамы.

2.Тиль байрамында, тувгъан къырымтатар тилимизнинъ аджайип дерьясына киреджекмиз.

1.Тилимизнинъ не къадар гузель, муляйим, зенгин, татлы олгъаныны ис этеджекмиз.

2-А сыныф талебелери шиирлер окъуйджакълар.

2-Б сыныф талебелери йыр йырлайджакълар

3-А сыныф талебеси Зейнеб Зекерьяева «Ватан»шиири

А.2. Эр инсан ана тилинде биринджи сёзлерни бешигинде озь анасындан эшиткен.

2-Б сыныф талебелери «Айнени» йырлайджакълар

8-Б къызлары оюн азырладылар «Тым-тым»

М1. Онынъ ичюн де бизим халкъымыз озь тилине «Ана тили» деген.

А.2.Вакъыт кече, бала осе. Анасы, къартанасы, бабасы, къартбабасы даа яхшы лаф этмеге огренмеген сабийге чешит текерлемелерни, сайыларны, оюнларны кене де ана тилинде айтып, эглендирелер.

3-Б сыныф талебелери шиирлер азырладылар.

.

М.1-«Къаленинъ тюбюнде» йырны йырлайджакълар.

М.1. - Ана тилим- бу муаббетлик, севги йыры,

-Ана тилим – бу той, джыйын, достлукъ, эйилик.

- Ана тилим – йырджыларнынъ ольмез йыры.

- Ана тилим- бу халкъымчюн эбедийлик.

А.2. - Бир эджасын джоймам онынъ,

- Бир арифни унутмам

- тувгъан халкъым оннен бахтлы

Урь аятнынъ къойнунда!

Шимди чокъ балалар русча лаф этелер, озь тилини,урф-адетлерини унуталар. Онынъ ичюн бизим тилимиз, башкъа тиллерге бакъкъанда, бельки, къуветсиз корюне. Онъа ярдым этейикми?

Тилимизни къуветлендирмек ичюн бизлер озь тилимизде масалларны ве эфсанелерни, лятифелерни ве шиирлерни, тапмаджаларны ве аталар сёзлерни, йырларны ве оюнларны хатырламакъ керекмиз.

6-Б сыныф талебеси шиир окъуйджакъ

6-б сыныф талебеси шиир азырлады.

Эльбет, эр бир инсан ана тилинде биринджи сёзлерини бешигинде озь анасындан эшите. Онынъ ичюн де бизим халкъымыз озь тилине "ана тили" деген.

Эвель-эзельден Къырым табиаты бизим халкъ чалгъыджыларымызны ава яратмагъа рухландыра эди. Бу авалар шимди де бир кимсени первасыз къалдырмайлар.

2-Б сыныф талебелери «Шап-шап» йырны азырладылар.

Миллий оюнымызны сизге такъдим этемиз.

8-Б «Эмир Джелял» оюнны азырладылар.

Келинъиз, биз берабер къуванайыкъ, хайтарма ойнайыкъ!

(Эписи хайтарма ойнамагъа чыкъалар).

Дикъкъатынъыз ичюн, чокъ сагъ олунъыз. Сагълыкънен барынъыз.