Алгебра тест 7-класс Көлдү сүзүп өтүү

Көлдү сүзүп өтүү

2022-жылы жайында кыргызстандык суучул Ысык-Көлдү узунунан 5 күндө сүзүп өткөн. Көлдүн узундугу 182 км. Суучул суткасына 15-17 саат сүзүп, эс алып, андан аары сүзүүнү пландаган. Аба ырайына байланыштуу (көлдө бороон башталды) сууда сүзүп өтүү графиги өзгөргөн. 1-тапшырма. Таблицада сууда сүзүүчүнүн, көлдү сүзүп өтүү үчүн канча убакыт короткону боюнча маалыматтар көрсөтүлгөн. Сүзүү күнү Сууда сүзүү убактысы, (саат) 1 - күн 15 саат 2 - күн 17 саат 3 - күн 0 саат 4 - күн 5 саат 5 - күн 8 саат Эгерде сууда сүзүүчү мурда пландаштырылган график боюнча сүзсө, Ысык-Көлдү канча күндө сүзүп өтмөк?

Көлдү сүзүп өтүү.

Профессионал суучулдардын тобу ЫсыкКөлдү Тоңдон Чоң-Сары-Ой айылын көздөй сүзүп өтүштү. 45 километр аралыкты 15 саат 22 минутада басып өттү. 2-тапшырма. Топтун курамында төрт кесипкөй спортчу болгон. Катышуучулар бири-бирин ар бир 30 мүнөт сайын катуу тартипте кезектешип алмаштырып турушту: 1-суучул, 2-суучул, 3-суучул, 4-суучул. Кайсы суучул сүзүп өтүүнү аяктоого туш келген?

Эки дос Ысык-Көлдөгү пристандардын ортосундагы аралыкты сүзүп өтүүнү пландаштырышты. Достор көлдү сүзүп өтүүнү эртең мененки саат 9 да баштап, ар бир 40 мүнөт сайын 15 мүнөт эс алып турууну чечишти . Саат 12:15те достор сүзүп бара жаткан болобу же, эс алууда болобу? Туура жоопту тандагыла: