MOLDOVA RESPUBLİKANIN ÜÜRETMÄK, KULTURA HEM AARAŞTIRMAK MİNİSTERLİİ
GAGAUZ YERİ GENEL ÜÜRETMÄK MÜDÜRLÜÜ
BAURÇU GIMNAZIYASI
DİDAKTİKA PROEKTİ
(integrir uroo 7-nci klasta)
TEMA: Literatura tekstlerinin personajlarına harakteristika yapmak.
N.Baboglunun annatması
«Eski adetlär batȇrlar».
Üüredici: Çernioglo M.V.
(I didaktika uuru)
2023-2024 üürenmäk yılı
Uroon didaktika proekti
Data: 20.02.2024 yıl
Klas: 7-B klas
Disţiplina: Gagauz dili hem literatura
Blok: İlk gençlik hem dostluk.
Modul: Literatura janraları.
Tema: Literatura tekstlerinin personajlarına harakteristika yapmak. N.Baboglunun annatması «Eski adetlär batȇrlar».
Uroon tipi: Bilgileri kazanmak becermekleri oluşturmak uroo.
Kompetenţiya birimneri (subkompetenţiyalar):
1.1. Okumaktan sora aazdan sözdä fikirini serbest açıklamaa.
1.2. Fikirlemä elementlerini kullanarak, tekstin içindekiliini kısadan annatmaa, öz fikirlerini açıklamaa.
2.1 Okunmuş tekstin öz hem detallı elementlerini diferenţiyalamaa (ayırtmaa).
2.3. Literatura tekstlerin temalarını, baş ideyasını belli etmää.
3.1. Tekstin stilini hem tipini onun içindeliinä görä annamaa.
3.3. İşidilmiş tekstin leksika-gramatika özelliklerini esaba almaa; sözdä semantika kategoriyalarını kullanmaa.
4.3.Komunikativ situaţiyalarında aktiv pay almaa.
4.4. İnformaţiyanın kabul edilmesindä meraklandıını göstermää
4.5. Kendibaşına okumayı ilerletmää.
4.6. Yaratmalarda etika hem kultura paalılıklarını tanımaa, belli etmää.
4.7. Bilgilerinä analiz yapmaa, becermeklerini yaşamakta uygun kullanmaa.
Uroon neetleri:
Uroon sonunda üürenici gösterecek, ani o becerer:
aazdan hem yazılı informaţiyayı adekvat kabletmää;
eni informaţiyanın kabuledilmesindä meraklılıını göstermää;
dialogta pay almaa;
bölümnerdä hem kendibaşına çalışmaa.
verili temaya görä materialı seçmää;
annatmanın temasını, baş ideyasını, artistik kolaylıklarını bulmaa;
personajlara harakteristika yapmaa;
okunmuş tekstin içindekiliinä kendi davranmasını göstermää;
Didaktik strategiyaları:
- formalar: çiftlerdä, bölümnerdä, indiviadual, frontal;
- metodlar hem çalımnar: operativ, sınış, ilüstraţiya, tekstlän işlemäk, oyun, sözleşmäk;
- araçlar: resim, prezentaţiya, kiyat, interaktiv taftası.
Kantarlamak strategiyaları: biri-birini kantarlamak, kendini kantarlamak, üüredicinin kantarlaması
Uroon etapları | Üüredicin/üürenicilerin çalışması | Vakıt | Kantarlamak strategiyaları | Didaktika strategiyaları |
Dikatın çekilmesi Üürenmӓk çalışmasına motivlemӓk | - Zaman hayır olsun! Pek sevinerim, ani buluştuk sizinnän da çalışacez barabar. .... İsteerim, bizim büünkü uroomuzda başarılı olalım hem mutlu kalalım. Başarılı olmaa deyni, ne lääzım? ... (kantarlamak yaprakları) | 2 m | Üürenicilerin hazırlıını uroo hesaba almak | sözleşmäk, Soruş-cuvap |
Neetleri bellietmӓk Yazıcının yaşamak hem yaratma yolunnan kısadan tanışmak | Ușaklar, bileriz, ani gagauz halkı istoriya uzunnuunda çok zorluklar geçirmişlär, türlü yaşamak olaylarını saburlanıp -aykırlamışlar. Doorulukçu halkımız üzünü birzaman da kirletmemış. Geçirmedään bu olayları, elbetki, zor fikirinä sııdırmaa halkımızın ecelini, ama, şükür ederäk gagauz yazıcıların annatmalarına, biz olur daalalım o vakıtlara, olur üürenelim ne zeetlärmiş onnarı o zamannar, nesoy vakıdı geçirärmişlär, angı işleri yaparmışlar, olur duyalım onnarın iç duygularını, olur görelim neyin yardımınnan onnar ilinnedärmişlär önündä çıkan zorlukları. Telif ederim daalalım bir evelki kıpıma. Olun kuşku, çünkü bu olaylan baalı olacek büün bizim uroomuz. Sidänka Nicä düşünersiniz, ne yapacez büün urokta? (Üürenicilär belli ederlär neetleri.) Nicä düşünersiniz, neçin daaldık maasuz perdänkaya? Dooru ... Büün biz ilerledecez bilgilerimizi dil hem literatura uurunda. Geçän urok biz sade okuduk N. Baboglunun annatmasını ”Eski aderliklär batȇrlar”. Büün taa derindän işleyecez bu annatmaylan. Belli edecez, angı adetlerin batması için laf gider annatmada. Açıklayacez verili olayları, üürenecez nicä dooru yapmaa personajlara harakteristika hem yapacez üürendii kriteriyalara gçrä harakteristika personajlara. - Kim o N. Baboglu? (Kısa bir haber ne bilerlär yazıcı için). (Evdeki iş postera ya da prezentaţiya) Kim? Ne? Neredä? Nezaman? Nesoy? Angı? Açıklamaa deyni bu annatmanın içindekiliini, teklif ederim siiredelim da daalalım yaşamaktan real olaylara N.Baboglunun “Eski adetlär batȇrlar” annatmasına görä . (neet) Harakteristika (grek dilindän « ayırlanan, başkalanan») – doludan, hertarafça geroyun yazdırılması, angısı kasılȇr onun peydalanmasına, soţıal durumuna, dış kalitelerinä, harakter çizilerinä, iç duygularına, yaptıklarına. Harakteristika yaparkan belli ediler başka personajların arasında eri, aylesi, terbiedilmesi, kendini götürmesi, sözü, annatma süresindä geroyun diişilmesi. | 3 m 7 m 3 m | Üürenicilerin evdeki işinin hazırlıını. bilgileri yazıcı için; | Üüredicinin sözü Sidänka (evelki türküleri çalmak; horu oyunu) neetleri koymak Soruş-cuvap konuşması “Yıldız patlaması” Prezentaţiya ya da poster |
Bilgilerin aktual edilmesi | İnsţenirovka (Rollerä görä ) | 10 m | Aktörlük becermeklerini hesaba almak | İnsţenirovka İşittim, gördüm duydum. |
Eni materialı üürenmӓk/üüretmӓk Geçmiş temalara tekrarlamak Materialın kaavilenmesi hem becermeklerin oluşturması (reproduktiv uurunda) | Kendi duygularını N. Baboglu açıkladı nesoy janrada. Masal mı?... Neçin? İnandırın. 6 “NEÇİN?” Dooru N. Baboglu açıkladı kendi duygularını annatma janrasında. .... Sıralayın personajları, dayanarak tekstä. Kim baş personaj? Neyi beklärdi Kalın Anka? Nesoy problema kalkȇr Kalın Ankanın aylesindä? Neçin sayȇrsınız, ani bu problema? Kolay mı kabletti Kalın Anka kızların yalvarmasını? Grupalarda iş Bulun o sıracıkları, angılarında avtor yazdırȇr: Kalın Ankayı: Paresayı hem Oliyi Maniyi: Batüsunu TAFTADA İŞ (Tanı personajı yazdırmaya görä) https://learningapps.org/watch?v=p150vyigc24 Leorning Angı personaja baalı verili artistik kolaylıkları? Nesoy kolaylıklar onnar, söläyin. Kiyatta var resimcinin resimi s. 176 Uyȇr mı bu resim annatmanın içindekiliinä? Bakalım taftada resimcinin patredinä. Ne gösterer bizä partret? Patret - (franţuz dilindän - göstermäk) artistik harakteristika kolaylıı, nedä yazıcı açȇr personajın harakterini hem belli eder kendi bakışını ona, baalayarak dış yazdırmalarına. Duyulȇr mı iç duyguları bu insanın? Kalın Ankayı moral kalitelerä görä Kolay mı yaptınız sınışı? Az bişey verili, ama.... Beki uymȇȇr vakıda giimi, yaşamaya bakışı uymȇȇr, ama iç duyguları üüsek. Kalın Ankanın hem Maninin giimnerini hesaba alarak, söläyin, nesoy artistik kolaylıını kullanȇr annatmada avtor sütlerini yazdırarkan? (antiteza) Neçin avtor bu kolaylıı verer? Gençlik — kişinin ilerlemesindä bir vakıt, küçüklüün hem büük olmak yılların arasında. Sayılȇr o önemni hem zor bir vakıt insanın yaşamasında... Neçin acaba, nicä düşünersiniz? Angı sıracıklarda kulminaţiya? Annatmanın öz fikiri nesoy? | 3 m 2 m 2 m 3 m 2 m 5 m | Üüredicinin kantarlaması biri-birini kantarlamak kendini kantarlamak biri-birini kantarlamak Üüredicinin sözü | soruş-cuvap konuşması Tekstlän iş Proekt individual iş Taftada iş İnteraktiv taftası Prezentaţiya Laflarlan iş Aazdan iş Aazdan iş |
| İş grupalar: delikannılık 1 gr. Ne birtakım? 2 gr. Ne diil birtürlä? Sizin gençliiniz, şindiki, zamandaş gençlerin gençlii, çok mu ayırılȇr? Bitkisi Annatmanın teması Neçin , sanki avtor başlȇȇr da, başarȇr da annatmasını, kasılarak bu iki olaya? | 3 m 2 m | biri-birini kantaalamak | Diagrama Vien Grupalarda iş |
Feedback,ın gerçeklenmesi | Shemaya görä bütündän harakteristika: Maniya Ankaya | 2 m | | Harakteristika |
Kantarlamak | Bän büün üürendim ... Bän büün annadım ... Bän büün var nicä kendimi metedeyim ... Bän büün var nicä (klastan bir uşaa) metedeyim ... Bän şaştım... Bana meraklıydı te bu, ... Bän kablettim... Benim bakışıma görä, bän başaramadım... Bän ileri dooru... Üürenici kendi-kendini kantarlȇȇr, başka üüreniciyi kantarlȇȇr: Yapmaa analiz üürenicilerin çalışmasına. | 5 m | notalamak | Kendini kantarlamak; biri-birini kantarlamak üüredicinin kantarlaması |
Evdeki işin verilmesi | | 1 m | | |