Контрольный диктант с грамматическим заданием "Теле"

Диктант.

Теле.

Теле. Чыла вереат ошын гына коеш. Мланде ош ужга дене леведалтын, тамле омо дене мала. Эҥер ÿмбаланат ший ковёрым шарен пыштыме.

А чодыраште тугай сылне, тымык! Чыла пушеҥге-влак ош вургемым чиеныт, укшым тарватыде нерен шогат. Чодыра йыр ече кыша.

Янлык-влак лум ÿмбалан шке лÿмыштым возен кодат. Теве чоя рывыжын шер гай кышаже. Шайык шинчат пушеҥге йымач тöрштен лектын. Урат теле толмылан куанымыж дене укш гыч укшыш тöрштылеш. Телымат йырваш сöрале, весела.

1-ше вариант.

1. Икымше предложенийысе шомакым фонетически лончылаш.

2. Янлык-влак лум ÿмбалан шке лÿмыштым возат предложений гыч мут сочетаний-влакым возен лукташ.

3. Пушеҥге-влакым, мландыште, чодыраште мут-влакым состав шот дене лончылаш.

2-шо вариант.

1. Мланде лÿм мутым падеж дене вашталташ, мут мучашым палемдаш.

2. Мланде ош ужга дене леведалтын предложений гыч мут сочетаний-влакым возен лукташ.

3. Янлык-влакын, пирым, шогат мут-влакым состав шот дене лончылаш.