Жаныңда жүр жақсы адам

Сабақтың мақсаты: оқушыларға адамды жақсы жаққа жетелейтін жақсы қасиеттер мен әрбір жақсы істердің шапағаты туралы түсінік беру.

Міндеттері:

–оқушыларды жан жылуы мен жақсылықты сезініп, бағалай алуға үйрету;

-оқушылардың қоршаған ортаға айналасындағы адамдарға мейірімді және жақсылықты түсіне білу дағдыларын дамыту;

- оқушыларды сүйіспеншілікке,сезімталдыққа,сыпайылыққа тәрбиелеу.

Сабақтың барысы:

1.Ұйымдастыру кезеңі.Тыныштық сәті

ОРМАНҒА ОЙША СЕРУЕН.

Мұғалім: Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына көңіл бөліңіз. (Осы жерде мұғалім 1-2 минут үзіліс жасауына болады).

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетініміз бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!

Ресурстар:аудиокасета,фотосу-реттер,шағын қойылымдар

2.Үй тапсырмасын тексеру

Базар жыраудың жаттауын сұрау

Сабақтың барысын талқылау:

3.Әңгімелесу (сұхбат)

видеороликті талқылау

4.Дәйек сөз

Жақсы деген кісінің

Алды –арты бірдей жарық болар,

Жақсы деген ісіңнің

Басы –аяғы бірдей анық болар....

Бөлтірік би

5.Шығармашылық жұмыс,топтық жұмыс

Ойын

«Маған қымбат жандар» тақырыбына эссе жазу

Топпен ән айту

Оқулықтағы М.Мақатаевтың өлеңін орындау

7.Үйге тапсырма беру

Оқулықтағы О.Бөкейдің «Менің әкем» повесінен үзінді оқып келу

8.Бағалау

С абаққа белсене қатысқандарыңа көп рахмет!