Просмотр содержимого документа
«Todur Zanet *Zaman kanatlar'»
Todur Zanet
“ Zaman kanatları”
Kanatlar salt gıcırdȇr, sora, oflayıp, düşünmeklerä karȇr... Ne aklısından geçirer o kanatlar?
Herbir dermenin vardı kendi kanatları (4-tä, 5-tä, 6-da) deyelim, ani bizim gagauz dermennerdä vardı 5 kanat.
Bizim dedelerimiz Balkannardan Bucaa geldiynän, çöl toprakları söktüynän, ilk bereketi topladıynan, çeketti düşünmää, neredä unu üütmää, nicä dermeni düzmää.
Dermenin ilk kanadı tutȇr aklısında, nicä zordu çiftçiya işlenmedik topraa sökmää. Bu nazlı üülen tarafı, angısı türlü harţakları vardı nasıl göstersin-savaştı çevirmää.
Ba yaamursuzluk, ba lüzgerlik, ba kızgınnık, ba kuraklık, ba bozgunçlu yaamurlar – bunnar hepsi engel edärdi çalışkan halkımıza. Kuru topraa zavalı çiftçi kendi terinnän yıslardı. Ayırıktan, bızaalıktan ellinnän topracıı kurtarardı. Auçların çatlaklarına toprak girmişti da esmer rengä dönmüştü.
İkinci kanadı aklısında tutȇr, nasıl çiftçinin umutları aslıya çıkȇr. Zengin bereketi toplȇȇr, taa ii yaşamasını düzmää savaşȇr. Ani uşakların karnıları dolu olacek, bir-iki rubacık evä alınacek, da hayvannarın yada top-racıın meralarını zeedeleyecek. Yaşamaları ii tarafa doorulacek.
Ama üçüncü dermenin kanadı hiç bir zaman da unutmayacek, ani çiftçinin umutları taa sık aslıya çıkmazdı. Kurak olardı, insan aaçlıktan şişip, ölärdi. Taş kayaları işsiz kalardı. Unu tozlan karışık süpürärdilär ölä, ani bir yabancı bilmesä, ki buralarda unu üüdärdilär, annamayaceydı , ani burası dermen .
Dördüncü kanat bizä annadȇr, nasıl aaçlıktan kurtulmuş insanı, kaldırıp, Sibiriyeyä yollar-mışlar. Kopardıp kendi evceezlerindän, köklerin-dän, ana topracıından – yollandırardılar ya ölümä karşı, ya zorlara karşı dursunnar.
Hem dä bitki beşinci kanat söleer bizä, nasıl Bucaamızın yaşayannarı taa ii yaşamak kendilerinä düzdülär. Diiştirip eski lüzgerli dermenneri, eni elektrik dermennerä. Seviner insannar, ani kolaylattı yaşamasını, ama ...
Literatura kolaylıkları:
- Uydurmalar – üüsüz gibi, hayvannar gibi.
- Epitet – altın bereket, teni kap- kara oldu, titsi yıllar,küsülü kanatlar.
- Metafora – halkımı kurban koydular, karardı kahırdan, göz-kulak olun, zaman da toz olur.
Tema : İstoriyamız toza dönmesin. Öz fikiri: Bu topraa zor halkımız kazandı, çok kahır , bela çekti, senselelerini kaybetti, gömdü, onuştan bütün kuvedimizi lääzım koyalım onu deyni kaybetmeyelim, koruyalım da gelän evlatlara hodulluklan verelim.