Сочинение ученицы "Родной язык"

Муниципальное бюджетное общеобразовательное учреждение «Гимназия» с.Карабудахкент, Карабудахкентский район РД

Сочинение на тему:

«Родной язык»

Выполнила: ученица 10 класса

МБОУ «Гимназия» Тавлуева Барият

с.Карабудахкент

Ана тилим – асил тилим.

Ана тилин анасындай сюймейген

Ана элин сюер десе, инанман!

А.Жачаев

Ананы ана тил булангъы байлавлугъу бек гючлю. Ана тилин анасындай сююп билмейген адам ана элин сюер деген затгъа инанма сюймейсен.

Ана тилге бакъгъан сююв бизге анабыз берген акъ сют булан бирче синген болмагъа ярай. Ана тилге бакъгъан уллу сюювюм мени ругьума ругь, къуванчыма къуванч, яшавумну ярыкълай геле , юрегимни къанатлай геле.

Ана тилин сюймейген адам абургъа-сыйгъа лайыкълы болмай, шолай адам къалгъан тиллени де сюер деген затгъа инанмайман.

Ана тилге бакъгъан сюювюмню айрыча сигьрулу гючю бар. Шо сююв оьр къылыкъ, эдеплик, рагьмулукъ, оьзденлик булан байлавлу.

«Ана тил» деген эки де сез «ягь, намус, азманлыкъ» деген сезлер йимик чалына.

Ана тил дарсларда муаллимлер бизин юреклерибизге шо уьч де сезню маънасын сингдирме имканлыкъ тувдура.

Шолайлыкъ булан биз янгыз ана тилни яхшы уьйренип къалмайлы, къылыкълы-гьакъыллы болма да, адамлыгъыбызны сакълама да уьйренебиз.

Ата-аналаны арасында яшлары ана тилни мекенли кюйде уьйренсин деп, гьайын этмейгенлер баргъа да тамаша боламан .Гьатта « Рус тилни яхшы билсе, ана тилни бир ерукъ билсе де, таманлыкъ эте» демеге тили айлангъанлары да елукъмай къалмай.

Биз, озокъда, рус тилни билмеге де тарыкъбыз, амма ана тилибизни де унутмайыкъ.

Къумукъ тилни асиллигинден, йымышакълыгъындан къайры, тюрк тиллерде тюгюл екъ, бирдагъы бир байлыгъы бар дюнья оьлчевюнде алгъанда , ону булан 35 тилде сейлеме бола.

Озокъда, бары къумукъча сейлейгенлер эдепли де, рагьмулу да дюр деп токъташдырсакъ, оьзенлер де тавгъа багъып агъар эди.

Асил тил булан сейлейген адамны юреги рагьмулу болур.Юреги асил адам къылыкъсыз, эдепсиз болмай деп ойлашаман.

Гезел тилинг - къумукъ тил,

Оьр намуслу къылыкъ тил.

Къумукъ тилге арт бермек

Къумукълугъа илыкъдыр!

Сабурлукъ, асиллик, чомартлыкъ – оьр даражада адамлыкъ.

Адамлыкъ буса дюнья шарындагъы бары да миллетлени къылыкъ байрагъы.