Шығармашық шаттық бастауы

Сабақтың мақсаты:оқушылардың шығармашылық қабілеттерін ашу.

Міндеттері:

­ оқушыларға шығармашылық ұғымының мағынасын ашып,түсіндіру;

­ баланың шығармашылық қызығушылығын ояту арқылы ішкі мүмкіндіктерін дамыту;

­ әр істі шығармашылқпен,құлшыныспен атқара білуге тірбиелеу.

Сабақ барысы:

1. Ұйымдастыру кезеңi. Тыныштық сәтi.

Су асты патшалығына ойша саяхат.

Көзіңізді жұмыңыз және бірнеше рет  терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.

 Ал қазір жоғарыға,  өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

Ресурстар:

1. Үй тапсырмасын тексеру.

А. Лопатина ізімен жазылған «Суретші туралы ертегі» мәтінін оқып келу.

• Суретшінің әлемдегі сұлулықты жаңа қырынан тануына не себеп болды?

• Сұлулықты көріп, сезіне білуге бола ма? Қалай?

• Адам бойында шығармашылық болу үшін қандай қасиет қажет?

Сабақ барысын талқылау:

Іздену білімге құштарлықтан, сүйікті ісінің жаңа қырын ашуға жетелейді. Адам шығармашылық арқылы алдына мақсат қоюға ұмтылады және үнемі іздену мен болады.

Адам сан  сауалдарға жауап іздеу, жетістіктерге жету барысында өзін де, өзгені де қуанышқа кенелтіп, қоғамға пайда келтіреді.

1. Әңгiмелеу (сұхбат).

«Біздің қолымыздан не келеді?» деген В.Мезенцевтің әңгімесінен үзінді.

• Барлық адам дарынды тұлға бола ала ма? Неге?

• Шакунтала Дивидің жетістікке жетуіне не себеп болды?

1. Дәйек сөз.

«Барлық өмір қуанышы-шығармашылықта».

Р. Ролан

Неліктен бұлай авйтылған деп ойлайсыңдар?

1. Шығармашылық жұмыс, топтық жұмыс.

Өздеріңе ерекше ұнаған тапсырманы таңдап, орындаңдар.

1. Өздеріңе ұнаған табиғат сұлулығын естеріңе түсіріп, суретін салыңдар.
2. Өздеріңнің алдарыңа қойған мақсаттарың туралы қысқаша әңгіме жазыңдар.
3. Әр түрлі бояулармен сезімдер мен толғаныстарыңды бейнелеп,өз көңіл күйлеріңді сипаттаңдар.

1. Топпен ән айту.

Біз өмірдің гүліміз

Сөзі Ә.Дүйсенбиевтікі,

Әні Б.Ғизатовтікі

                             Зеңгір көктен

                              Нұрын төккен

                              Ортақ біздің күніміз.

                              Жайдарлы өскен

                              Жайнап өскен

                              Біз өмірдің гүліміз.

                              Бал достыққа,

                              Жолдастыққа

                              Шақырады әніміз,

                              Тыныштыққа,

                              Нұр құшақта

                              Бақыттымыз бәріміз!

1. Үй тапсырмасы.

«Әуестік әлемі» атты аңыз әңгімені оқып келу.

1. Бағалау

Үлестірмелі қағаздар тарату арқылы бағалау.