Շաբաթը եվ նրա օրերը-4

ՇԱԲԱԹԸ ԵՎ ՆՐԱ ՕՐԵՐԸ-4

Բավական թվով օրեր կնքված են լեռների անուններով․ Պրխար (13-րդ օր)․ Պոնտական լեռնաշղթա), Մահի (16-րդ), Մասիս (18-րդ), Արագած (20-րդ), Գրգուռ = Գորգոր (21-րդ), Նպատ (26-րդ), Սիմ (28-րդ), Վարագ (29-րդ)։ Տեղանունների հետ են կապվում նաև Անի (12-րդ), Վանատուր (14-րդ․ նշ․՝ հյուրընկալ), Կորդուիք (22-րդ), Ծմակ (23-րդ), Ցրոնք (25-րդ)։

Հինգ անունների ծագումն էլ անհայտ է․ դրանք սպասում են ստուգաբանողի՝ Աhռանք = Ահրանք (5-րդ), Ձոպաբեր (9-րդ), Մուրց (10-րդ), Երեզկան (11-րդ) և Ասակ (17-րդ)։

Մնում է ավելացնել, որ խորհրդային իշխանության սկզբնական տարիներին, շատ կարճ մի ժամանակահատվածում, որոշում եղավ օրերի ավանդական անունները չօգտագործել, այլ դրանք կոչել համարակալումով՝ 1-ին, 2-րդ և այլն։ Ամեն 5-րդ օրից հետո՝ հանգստյան օր։ Այսպես առաջացել ու մինչ օրս էլ տեղ-տեղ հարատևում են կիրակի-ի «հանգիստ», «հանգստյան օր» հոմանիշները (ռուս․ выходной, выходной день)»։

(Ըստ Պետրոս Բեդիրյանի «Բառերի խորհրդավոր աշխարհում» գրքի)