"Саркент" МЖПынын көлдөрү

Ай-Көл. Аталган көлдөрдүн ичинен эң ириси Ай-Көл, парктын аймагынын түштүк-батышынан деңиз деңгээлинен 2800метр бийиктеги асклуу тоо чокусунан орун алып, айланасы нивалдык-глициалдык зоокалар менен курчалган . Көлдүн жалпы аянты 54,6 гектарга барабар

Жашыл-Көл. Парктын аймагындагы эң бир кооз көлдөрдүн бири болуп саналат. Ал парктын түштүк тарабында Ак-Суу дарыясынын нугунда жайгашып, суу деңгээли дайыма бир калыпта сакталып турат. Көлдүн жалпы аянты 2 гектарга барабар.

Сүт-Көл. Ай-Көл көлү менен катарлаш бир кыйла төмөн жактан зоонун таманынан, деңиз деңгээлинен 2500 метр бийиктикте Сүт-Көл жайгашкан. Анын аянты бир кыйла чакан, бар болгону 0,25га жакын аянтты ээлеп турат. Бул көлдүн күн нуруна чагылган үстүнкү күзгү горизонту уникалдуу сыя-ыраң түскө боёлуп, тоо арасын андан бетер кооздукка бөлөп турат.