Санарип сабаттуулук

ЭССЕ

Санарип сабаттуулук

Тема: Санарип сабаттуулук

План:

1. Санарип сабаттуулук деген эмне?

2. Санарип сабаттуулуктун зарылчылыгы жана артыкчылыктары

Азыркы тапта дээрлик бардык кесиптерде санариптик сабаттуулук талап кылына баштады. Санариптик сабаттуулук жана санариптик көндүмдөр ар бир инсанга заман талабына ылайык зарыл боло турган нерсе. Санарип сабаттулук- бул мезгил талабына ылайык компьютер аркылуу жөнөкөй программалар менен иштей билүү. Эгер инсан ушуну жакшы өздөштүрүп алса, санариптик көндүмдөргө чоң мүмкүнчүлүктөр ачылат. Санариптик көндүмдөр –бул учурда колу менен жасап жаткан ишин компьютердеги программалар аркылуу ишке ашыруусу башкача айтканда бул окуу, жазуу, техникалык көндүмдөр жана ой жүгүртүүнүколдонуу менен санариптик дүйнөгө багыт алуу жөндөмү. Анда маалыматты табуу, балоо жана барлашуу үчүн смартфон, компьютер жана башка ушул сыяктуу технологияларды эркин колдонуу.

Санариптештирүү процессинин негизин заманбап турмушта көбүн эсе интернет түзүүдө, мына ушундан улам зарылчылык келип чыгууда, анткени заманбап дүйнөнүн келбети күн сайын өзгөрүүдө: эгер өткөн 20 кылым өнөр-жайдын өсүү кылымы болсо,21-кылым маалыматтык технологиялардын жана санариптештирүүнүн гүлдөө мезгили. Санарип технологиялар адамдарды ар тараптан курчап турат: алар ар бир заманбап үйдө, мекемеде,ишканаларда, заводдордо, оорууканаларда, мектептерде, жогорку окуу жайларында.

Түрдүү технологиялар кошумча жана виртуалдуу реалдуулуктар, робототехникалар, 3D басып чыгаруулар, жасалма интелект (нейро тармак) жана башка ушул сыяктуу. Окумуштуулардын ою боюнча санарип технологиялар жыл сайын прогрессивдүү өсүүдө жана өсө бермекчи, мындай учурда коомдогу жашоо санариптештирүү процессинде алдыга жыла бермекчи.

Санариптешүүнүн артыкчылыктары:

Билим берүүдө- учурда көптөгөн билим берүү мекемелери, окуу процессин эффективдүүрөк кылуу максатында санарип технологияларды колдонууда.Бардык окуу материалдары (жыйнактар, көнүгүүлөр, китептер) ошондой эле журналдар жана күндөлүктөр акырындап санариптешүү режимине өтүүдө.

Медицинада- электрондук кабыл алуулар, аралыктан бейтаптын абалын байкоо, атайын алгоритимдер жана программалык жабдыктар аркылуу диагноздорду так коюу жана дарылоо.

Мындан тышкары ар кандай көрүнүштөгүү онлайн кызматтар, интернеттеги соода-сатыктар, электрондук төлөмдөр,кагаз иштерин электрондук иш-кагазга айлантуу жана башка ушул сыяктуу кызматтарга жана өндүрүмдөргө ыкчам жана оңой мүмкүндүк алууга жол берет.