Разработка сценки калмыцкого народного свадебного обычая «Күүкнд әрк зөөлһн" ("Сватовство невесты")

Хүрмин авъяс « Күүкнд әрк зөөлһн»

Санҗин Доржин өрк-бүл

Ишкә гер дотр Санҗин Дорҗин өрк-бүл . Эднә гиҗгтә күүкнь Элст балһснд эмчин сурһуль сурчана. Күүкнднь әрк зөөҗәнә.

Гер дотр аав-ээҗ, һаһань болн элг-садн бәәнә.

Эк: Манад гиич ирхмн. Күүкн өсәд, әрк ирҗәнә.

Эцк: Ууля, ууля йовҗ күн болдг.

(Гиичнр орҗ ирнә. Цуһар мендләд, гиичнриг уралан суулһна)

Эцк: Күндтә гиичнр, яһҗ йовҗ ирвт? Хаалһтн ямаран болв?

Гиичнр: Сән йовҗ ирүвидн. Хаалһ сән - һо тиньгр. Шулун нисәд ирүвидн.

Эк: Берәд, гиичнр цә, хот кеҗ өгтн.

Гиичин ахлач: Цә шингн болвчн – идәни дееҗ,

Бәәсн тадн ут наста, бат кишгтә,

Менд амулң бәәтн!

Аав: Нә, гиичнр, керггән келтн.

Ээҗ: Тадн ода яахар ирситн меджәхшүвидн. (шооглад)

Гиичнрәс негнь: Мадн темә хәәҗ йовнавидн. (шооглад)

Гиичин ахлач: Өсч йовх баһчудын керг күцәх цаг ирв.

Гиичнрәс негнь: Көвүн күүкн хойр нег-негндән дуран өгсн учрар ирләвидн.

Гиичнрәс негнь: Тана күүкнд әрк орулҗ ирүвидн.

Гиичин ахлач: Таднас зөвинь авхар ирсн керг болҗана.

(Гер дотр бәәсн улс нег-негән хәләлдәд, инәлдәд, күүндлдәд бәәнә)

Аав: Нә, күүкн көвүн хойр зөв гихлә маднд арһ уга.

Ээҗ: Күүкн көвүн хойр зөв гихлә хотн тана юн керг (ду дуулна)

Эцк: Авч ирсн хотыг татад, махнас тәвтн.

Күндтә худнр, эндр өдрәс бидн бата садн болҗанавидн.

Эк: Мана күүкн тана көвүн хойр мадниг таньлдулад, элг-сад кеҗәнә.

Һаһа: Хотан уутн, седклтн ода төвкнүн. Кергтн күцв. Невчк дуулад, биилхмн.

Дуд дуулна, би биилнә.

Гиичин ахлач: Ора болад ирв, орсн боран гиидг, ирсн гиич морддг – мана хәрх цаг ирв.

Аав: Хуучн авъясар гиичнртән өмскүл өмскнәвидн.

(Гиичнртән өмскүл өгнә)

Гиичнр: Өмсксн өмскүлтн маднд өлзәтә болтха!

Гиичнр: Өмссн бидн болвчн, өмсксн тадн болвчн амулң бәәтхә!

Гиичнр: Бәәсн һазртан амрч-җирһҗ, маңна тиньгр бәәх болый!

Цугтан: Тиигтхә, йөрәл шиңгтхә!

(Гиичнр босад һарна. Домбрин ә һарна, шууглдад, гиичән мордулна)

Нааднд орлцҗах дүрмүд: күүкнә эцк, эк, аав, ээҗ, һаһа, гиичнр – дөрвн залу күн.