Рабочая программа по мордовской литературе в 10 классе

Пояснительнай запискась

Тя программась ладяф 10-це классонь тонафнихненди. Родной литературань рабочай программать юрхтс сявф мокшэрзянь литературань программат 5-11 классненди. Программась кемокстаф Мордовия Республикань Образованиянь министерстваса 2010 кизоня. Программать сёрмадыенза: А.М.Каторова, А.И.Брыжинский, Е.И.Азыркина.

Тонафнемань предметть вастоц учебнай планть эса: 10-це класса родной литературать тонафнеманцты максови 17 час и вятеви: Родной литература учебнай пособия общеобразовательнай организациянь 10-це классонди/ сёрмадысь-кочкайсь Е.И.Азыркина.– Саранск: Мордовскяй книжнай издательствась, 2018. -352с. – Мордов.-мокша яз.

Планируемай результаттне учебнай предметть коряс

Личностнайхть:

-шарьхкодемс мокшень кяльть вастонц эряфса, фкя-фкянь ёткса корхтамста;

-маштомс кочкаф содамошитнень и сатфкснень нолямс школань и эрь шинь эряфса;

-касфтомс маштомашитнень ялга и оцю мархта прянь вятема; -шабрань ломаттнень мархта сотксонь кирдема;

- содамс иттненди народоньконь эряфста: мокшетнень эряма койснон, унксснон.

Метапредметнайхть:

- шарьхкодевиста марямс кайги мокшень кяльть;

- маштомс произведениять текстонц азондома; - маштомс кочкама информация разнай источникста;

- маштомс корхтама мокшень кяльса.

Предметнайхть:

Тонафнихненди эряфви тонадомс и маштомс: мушендома и няфнема текстста изобразительно-выразительнай средстватнень и синь идейно-художественнай рольснон; азондома произведенияста национальнай и художественнай ширетнень; шарьхкодема и няема эсонза цебярь ширетнень и афсатыкснень; азондома устна или сермадозь эпическяй произведениятнень или эздонза пакш; мума произведенияста проблематикась и художественнай башка ширетне.

Учебнай курсонь тематнень содержаниясна

Мокшэрзянь литературась Великай Отечественнай войнань и войнада мельдень васнеце кемонь кизотнень пингста.

Литературасонк войнать колга видешись. Войнать няфтемаса видешить и романикать ёткса сотксне. Войнань пингонь литературатьбашка ширенза: виишить, смелшить, интернациональнай ёжмаряматнень шнамасна, эсь масторти кърхка кельгомать, воиттнень врагть каршес эсь прянь апак ужялтть тюремаснон няфтемасна. Войнань пингонь литератураса сембода сидеста васьфневи жанратне: стихотворениясь, азкссь, очерксь. Мокшэрзянь поэттнень творчестваса Родинань темась. Ломаттнень ёжмарямаснон и обуцяснон няфтемаснон кърхкалгодомац. Балладань жанрать эвондамац. Военно-патриотическяй лирикаса фашисттнень родной масторста панемати тердемась, нароттнень ёткса ялгаксшить шнамац, врагть сяськоманцты верондамась, шачема масторти пефтома кельгомать няфтемац. Войнань пингонь драматургиясь и театрась. Музыкальнай драмать и операть шачемасна: А.Куторкинонь «Несмиян и Ламзурь» либреттанц коряс Л.П.Кирюков композиторть операц, П.Кирилловонь «Литова» музыкальнай драмац, В.Коломасовонь «Норовава» драманц театраса путомац. Драматическяй жанрань лия од произведениятне. Поэмань жанрать козякодомац (П.Кириллов «Мора тядязень колга», Н.Эркай «Солдатсь сась куду», А.Малькин «Славань киге»)

Мокшэрзянь литературать Великай Отечественнай войнада мельдень васенце кемонь кизотнень пингста козякодомась. Тя пингонь литературасонк романонь жанрать касомац.

Войнаса шавф писательхнень – фронтовикнень творчествасна

(А.В.Рогожин, А.Ф.Зиньков, Ф.С.Дурнов, Г.И.Ельмеев, А.М.Сафронов(Юргай), С.И.Родькин). А.В.Рогожин(1909-1944) –содаф поэт. Эряфонц колга нюрьхкяня биографическяй справка: идькс пингоц, педагогическяй институтса тонафнема кизонза, Великай Отечественнай войнаса улемац. Поэманзон эса мокшэрзянь народть оцязоронь Россияса стака эрямаснон няфтемасна. Сонь лириканц оптимистическяй содержанияц.

Г.И.Ельмеев (1906-1941) - поэт, кона 30-це кизотнень пингста стихотворениянзон эса моразе велень эряфть. Перьфпяльть мазышинц, мокшэрзятнень эрь шинь тевснон, мяльснон-арьсемаснон колга. А.Ф.Зиньков (1914-1943) -поэт. Сась литературав 30-це кизотнень пингста. Птровскяй педагогическяй техникумса тонафнемац, тяса стихонь сёрмадомань ушедомац. Фкя и сяка стихонь сборниконц эса патриотическяй мяльхнень-арьсематнень панжемасна. Ф.С.Дурнов (1921-1944) содаф поэт-лирик, переводчик и критик. Рабфакса тонафнема кизонза. Тя пингста «Нюди» стихонь сборникть нолдамац. Мокшень кяльс А.С.Пушкинонь, М.Ю.Лермонтовонь стихснон ётафтомасна.

С.И.Родькин(1918-1944) – поэт и прозаик. Нюрьхкяняста биографиянц колга. Сонь «Велень азкст» прозаса сёрматф произведениянь сборниконц лисемац. «Казна» азксть содержангияц. А.М.Сафронов(Юргай) –идень поэт. «Панчфу пинге» поэтическяй сборниконц лисемац. Стихотворениянзон эса шабатнень тевснон-валснон келиста няфтемасна. «Васенце май», «Пиненя», «Ваня», «Вашеня» стихотворениятне.

Тимофей Андреевич Кирдяшкин «Кели Мокша» роман

Т.А.Кирдяшкин – писательть эряфонь и творческяй киц. Литератураса историко-революционнай темась. «Кели Мокша» романть сермадомань историяц. Мокшетнень и эрзятнень цебярь эряфонкса тюремаснон лангс оцю мялень шарфтома. Кунардонь пингонь ладяф ялгаксшить колга азондомась. Мокшэрзятнень национальнай обуцянь цебярь ширеснон и эряфонь койснон няфтемасна. Художественнай прозать касомаса «Кели Мокша» романть питнишиц. Андрей Дмитриевич Куторкин «Оцю ки лангса марлю» стихса роман А.Д.Куторкин – эряфонь и творческяй киц. Стихса серматф романць. Романца фольклорно-поэтическяй традициятне. Ломанть конкретно-историческяй обстановкаса няфтемстонза национальнай юрть мумац. Романти тяниень пингонь ванфса питнень максомась. Григорий Яковлевич Муркушкин «Сенем валда», пьеса

Г.Я.Муркушкин – содаф драматург. Эряфонь и творческяй киц. Драматургиянц идейно-художественнай башка ширенза. Республикань театрать мархта писательть кеме сотксонза. «Сенем валда» пьесаса конфликттне, эсонза морально-этическяй и нравственнай проблематнень кеподемасна. Пьесаса од ломаттнень характерсна. Монолокнень, диалокнень, репликатнень, авторонь ремаркатнень, изобразительно-выразительнай средстватнень рольсна драматическяй действиять касомаса и персонашнень обуцяснон сяда кърхкаста панжемасна. «Поэтть тяштец» историко-биографическяй пьесась. Пьесаса няфтьф реальнай лицатне. (М.Евсевьев, Л.Кирюков, З.Дорофеев). пьесать канфликтоц, персонашнень корхтамаса мазышись, национальнай ёжмаряматнень видеста няфтемасна. Иван Захврович Антонов «Фкя семьяса» роман

И.З.Антоновонь эряфонь и творческяй киц. Литератураса очерконь жанрать касоманцты сонь путфксоц. Журналистокс работамац. Газетаса работамста эряфонь од материалонь кочкамась и ломаттнень обуцяснонтонафнемасна. «Фкя семьяса» романць. Великай Отечественнай войнань произведенияса событиятнень няфтемасна. Романца интернациональнай мяльхнень-арьсематнень панжемасна. Писательть литературно-критическяй статьянза. Александр Степанович Малькин «Аф куломать колга», «Лямбе пильгокит», «Солдатонь рьвя» поэматне А.С.Малькин - поэт-лирик. Эряфонь киц и творчествац. Поэтическяй васенце аськолксонза. Поэтть гражданскяй лирикац. Великай Отечественнай войнать пингста сонь поэтическяй вайгяленц вииямац. Сонь творчествасонза национальнай поэзияньконь инь вии ширензон кемокстамасна, перьфпяльть мазышинц моромац. Военно-патриотическяй темас серматф произведениянза: «Аф куломать колга», «Лямбе пильгокит», «Солдатонь рьвя» поэматне. Ня произведениятнень эса мокшэрзятне лия масторонь народонь представительхнень мархта марса фашисттнень каршес тюремаснон колга.

Михаил Лукьянович Сайгин «Давол» роман М.Л.Сайгинонь эряфонь киц. Великай Отечественнай войнань темать панжемаса писательть путфксоц. «Давол» романца гитлеровскяй захватчикнень каршес мастороньконьтанкистонзон тюремаснон колга эсь сельмоса няиень художественнай документ. Геройхнень образснон вельде контрастонь приёмсь. Романть кялец. Произведенияса народнай юрсь. «Лямбе кожф», «Кърхка ункст» роматтне – мокшень кяльса серматф васенце трилогиять мекольце пяльксонза. Эсост эряфса ломанть эсь вастогц мумань проблемать решандамац.

И.Н.Кудашкинонь эряфонь и творческяй киц. Мекольце кизотнень прозань жанрати кярьмодемац. «Пичетне ваныхть шадоти» повестьса войнань и войнада мельдень эряфть няфтемац. Репрессиянь темась. Илья Прокофьевич Кишкяков «Вешендьса эсь тяштезень» роман (4ч.)И.П.Кишкяков – мокшень содаф прозаик и драматург. Эряфонь и творческяй киц. «Вешендьса эсь тяштезень» романоц. Произведенияса няфтьф событиятне, явлениятне, эсонза путф проблематне. Од ломаттнень образсна, синь обуцяснон вельде национальнай и интернациональнай ширеснон панжемасна. Войнать, мокшэрзятнень лия нароттнень мархта ялгакс ладямаснон колга азондомась. Произведенияса ломаттнень патриотизмаснон и валда мяльснон панжемасна. Романть идейно-художественнай ширенц панжемста пейзажть и авторскяй отступлениятнень рольсна.

В.К.Радаев Эряфонь киц и творчествац. Фольклоронь мотифнень коряс героико-эпическяй поэмань сермады. 30-це кизотнень пингста азксонь и повестень сермадома ушедомась, фольклоронь произведениянь кочкамати оцю мялень шарфтомась. Мокшэрзянь богатырьхнень колга легендань и приданиянь кочкаф циклац: «Качал», «Сурай», «Оцю Максим», «Офта Петя», «Казна панда» и лиятне. «Сияжар» поэмась. Сонь эсонза мокшэрзятнень, руснень мархта марса ногаецнень мархта тюремась. Художественнай приемтне, конат лездыхть афкуксонь геройть образонц панжемста.

ТЕМАТИЧЕСКЯЙ ПЛАНЦЬ