Презентация Информатиканын алгачкы тарыхы

Аманкан Мамыров атындагы №27 жалпы билим берүүчү орто мектебинин 7-классына «Информатика» сабагынан ачык сабак

Тема:

Информатиканын алгачкы

тарыхы

Курманбаева Аида

Адам баласында алгач маалымат кантип жаралган?

Адамдын маалыматтык ишмердүүлүгү:

Сактоо

Берүү

Иштетүү

Маалыматты сактоо:

Алгачкы маалыматты сактоочу куралдар:

Маалыматты жазуу формасында сактоонун тарыхы кылымдардын тереңинде жатат. Байыркы адамдардын 20-25 миң жыл мурда аскаларда,сөөктөрдө, жыгач,чопо, таштарда жазылган маалыматтары келип жеткен. Алардын ичинен эң кымбаты пергамент барагы болгон. Пергамент териден жасалган, Кытайда папирус дарагынан барак даярдашкан.

Малдын терисинен жана папирус дарагынан жасалган кагаздар

II кылымда Кытайда кагазды ойлоп табышкан, ал эми Европага XI кылымда келген. XV кылымга чейин каттар, документтер, китептер кол менен жазылган.

Жазуу куралы катары куштардын канаттары, кийинчерээк металл калемдер колдонулган, сыя, боёк ойлоп табылган.

Чопо диск. XVII кылымдагы Криттеги Фест шаарында табылган. Бетиндеги жазуулар эмдигиче окула элек жазуулары бар.

XV кылымдын ортосунда немец басуучусу (типографы) Иоганн Гутенберг биринчи басма станогун ойлоп тапкан. Ушундан баштап китеп басып чыгаруу башталган.

Иоганн Гутенберг жана анын эң алгачкы китеп басып чыгаруучу

станогу

Русь мамлекетинде китеп басып чыгарууну XVI кылымдын ортосунда Иван Федоров негиздеген. Китептин саны көбөйүп, сабатуу кишилердин саны өсө баштаган. Бүгүнкү күнгө чейин кагаз негизги маалымат алып жүргүч катары калууда. Бирок акыркы убакта кагаздын олтуттуу атаандаштары да пайда болууда.

Иван Федоров китеп басып чыгаруучу станогуна «Апостол» аттуу эң алгачкы китеп басылып чыккан.

XIX кылымда фотография пайда болгон. Видеомааалыматты алып жүрүүчү болуп фотопленка жана фото кагаз колдонулган.

1895-жылы бир тууган Люмерлер Парижде тарыхтагы биринчи кинофильмди өздөрү ойлоп чыгарган аппараттын жардамы менен тартуулашкан.

Бир тууган Люмерлердин аппараты

Биздин кылымда магнитафон ойлоп табылган. Магниттик жазуу үндү, адамдын сөздөрүндө камтылып турган маалыматты сактоого мүмкүндүк берет.

Магнит тасмасына үндү гана эмес, сүрөттөлүштү жазуу да ишке ашты – видео магнитафон да пайда болгон.

Маалыматты берүү

Адегенде адамдар жакынкы байланыштын каражаттарын пайдаланышчу: тил, угуу, көрүү.

Жазуунун өнүгүшү алыскы байланыштын биринчи каражаты – почтанын пайда болушуна алып келди.

Инектердин почта чабарманы 1,5 км аралыкты чуркап өтүп оозеки билдирүүнү жеткизчү. Билдирүүнү тезирээк жеткирүү максатында ал алыстан эле өзүнүн келе жаткандыгын кабарлап, сурнай менен же кыйкырып белги берген.

Маанилүү маалыматтарды тез бериш үчүн оргиналдуу идеяларды пайдаланышкан. Кавказда от байланышын колдонушкан.

XVII кылымда семафор телеграфы пайда болгон, бул дагы техникалык жактан кыйла өнүккөн жарык байланышы.

1780-жылы оптикалык телеграф (Семафор) пайда болгон. Павел Шиллинг ойлоп тапкан. Аралыгы 255 км болгон 22 станция курулуп, ал алты сепилден турган. Маалыматтар зым аркылуу тартылып, 2 мүнөттүн ичинде жетип турган.

XIX кылым байланыш чөйрөсүндөгү ачылыштарга бай кылым болду. Бул кылымда адамдар өзү менен көп ачылыштарды ала келген электрге ээ болушту. Алгач Оруссияда 1832-жылы П. Л. Шеллинг электр телеграфын ойлоп тапты. 1837-жылы Америкалык С. Морзе электр – магнит телеграфын ойлоп тапкан жана азыркы кездеги телеграф кодун - МОРЗЕ алиппесин түзгөн.

Сэмюэл Морзе

1792-1872

Америка

1876-жылы америкалык

Александр Белл телефонду ойлоп чыгарган.

Александр Белл

1847-1922

Великобритания

1895-жылы Орус ойлоп табуучусу А.С. Попов радио байланышынын дооруна биринчи жол ачкан.

XX кылымдагы байланыш чөйрөсүндөгү ачылыштардын эң укмуштуусу телекөрсөтүү дегенге болот. Космосту таанып – билүү спутник байланыштын пайда болушуна алып келди.

Маалыматты иштетүү

Эми маалымат иштетүү каражаттары менен таанышабыз.

Иштетүүнүн маанилүү түрү эсептөө болуп саналат.

Эсептөө куралдарынын пайда болушу жана өнүгүшү дыйканчылыктын, сооданын, деңизде сүзүүнүн, астрономиянын, адамдардын башка практикалык жана илимий ишмердигинин өнүгүүсүнө өбөлгө болгон.

Адамдын эң биринчи эсептөө куралы бул анын манжалары. Бул курал адам менен кошо жүрөт.

V кылымда Грецияда жана Египетте абак кеңири колдонулган. Абак – бул грек сөзү эсеп тактасы деп которулат. Абактын кытайча аталышы суан – пан деп аталат. Оруссияда XVI-XVII кылымдарда пайда болгон. Орустар счет дешкен.

XVII кылымдын башында шотландия математиги Джон Непер логарифм түшүнүгүн киргизген жана логарифмдер таблицасын басып чыгарган.

Логорифмалык сызгычтан кийин инженерлер электрондук калькулятор ойлоп табышкан.

Алгачкы калькуляторлор.

1645-жылы Француз математиги Блез Паскаль биринчи эсептөө машинасын түзгөн. Паскалдын машинасы көп орундуу сандарды кошконду тездеткен.

Немец окумуштуусу Лейбниц Паскалдын идеяларын өнүктүрүп, механикалык арифмометрди түзгөн, анда көп орундуу сандар менен арифметикалык төрт амалды аткарууга мүмкүн болгон.

Арифмометрден кийин кичинекей электрондук – эсептөөчү түзүлүш калькулятор пайда болгон.

1820-1856-жылдар аралыгында Бэббидж программа менен башкарылуучу «Аналитикалык машинаны» түзүүнүн үстүндө иштеген. Бул механикалык түзүлүш өтө татаал болгондуктан, долбоор ишке ашырылбай калган. Беббидж өзүнүн мезгилинен ашып кеткен десек болот. Замандаш окумуштуулары анын эмгегин эч кандай натыйжа бербейт дешкен. Беббидждин: «Илим-билимдин табияты ушундай: бүгүнкү күндүн аз түшүнүктүү жана таптакыр кереги жок нерселери келечектеги муундар үчүн эң зарыл болуп калат» деген сөзү даанышмандык экенин азыркы мезгил тастыктады.

Аналитикалык машинанын долбоорундагы негизги идеялар XX кылымда ЭЭМдин конструкторлору тарабынан пайдаланды

Аналитикалык машинаны программалык башкаруу үчүн көзөнөктөрү бар картон карточкалар – перфокарталар колдонулган.

Перфокарталар XIX кылымдын башында Францияда Жозеф Каккард тарабынан автоматтык токуу станогунун ишин башкаруу үчүн ойлонуп табылган.

Беббидждин машинасы үчүн биринчи программаны 1846-жылы Ада Лавлейс жазган. Бул тил эсептөө техникасынын тарыхында биринчи программалоо тили жана Аданын урматына Ада алгоритмдик программалоо тили деп аталган.

Беббидждин аналитикалык машинасы – бул маалыматты иштетүүнүн, сактоону жана баштапкы маалыматтарды жана натыйжаларды алмашууну бириктирген универсалдуу каражат болгон.

Көңүл бурганыңарга чоң рахмат!

Эми сабакты бышыктайлы