Ponsonbi və onun “Müharibə dövründə yalan” adlı kitabı

Ponsonbi və onun “Müharibə dövründə yalan” adlı kitabı

KİV-də xəbərlər xalqı aldatmaq üçün bir vasitədir. Yayımlanan bütün xəbərlərin əksəriyyəti ayrı-ayrı insanları müzakirə etməkdən başqa bir şey deyil. Burada əsas məqsəd xalqın şüurunu cürbəcür müxtəlif şayə və yalanlarla doldurmaqdır.Əsas məqsədi budur.
Müharibə təbliğatı prinsiplərinin əsasları britaniyalı diplomat lord Ponsonbinin 1928-ci ildə nəşr olunmuş “Müharibə dövründə yalan” adlı kitabında öz əksini tapmışdır. Bu prinsiplərdən bəzilərini təqdim edirəm: 
1) Biz müharibə istəmirik: Əsas odur ki, buna insanları inandırasan. İnsanlar elə bilsinlər ki, onları istəməyən qüvvələr var və günahkar onlardır.
2) Müharibə qarşı tərəfin günahı ucbatından baş verib. Müharibəni düşmən başlayıb, biz özümüzü müdafiə edirik.
3) Qarşı ölkənin lideri şeytandır. Ponsonbi yazır: - hökm deyil ki, bütün xalqı pisləyəsən. Ölkənin başçısını nüfuzdan salmaqla öz vətəndaşlarına onun bir satqın olduğunu nümayiş etdirmək lazımdır.
4) Biz ədalət uğrunda mübarizə aparırıq. Bütün müharibələrdə ilk növbədə humanist məsələlərdən danışıb, iqtisadi məqsədləri gizlədirlər.
5) Düşmən bilərəkdən bizi məhv edir, biz isə qorunuruq. Mümkün qədər düşmənin törətdiyi vəhşiliklər haqqında daha çox məlumat yaymaq lazımdır.
6) Düşmənin qadağan olunmuş silahlardan istifadə etməsi haqqında məlumatlar yayın.
7) Bizim itkilərimiz azdır, düşmən tərəf isə çox itki verdi. Müharibə vaxtı düşmənin canlı qüvvəsi və texnikasının itkiləri barədə dəqiq yox, özünüzə sərf edən məlumatlar verin.
8) Mədəniyyət, incəsənət nümayəndələri və ziyalılar dövləti dəstəkləsin. 
9) Bizim işimiz haqq işidir.
10) Bizim təbliğatı şübhə altına alan hər kəs xaindir.
Gördüyünüz kimi, bir çox ölkələrin müasir mediası demək olar ki, təqribən 100 il əvvəlki inkişaf prinsiplərinə indi də riayət edir.

Əsədov Seyyub Əsəd oğlu -Şirvan şəhər T. Bağırov adına 11№-li tam orta məktəbin tarix müəllimi, 2015-ci ildə keçirilmiş “Ən yaxşı müəllim” müsabiqəsinin qalibi