13 – сабақ Пән: Өзін – өзі тану 2 сынып
Сабақтың тақырыбы: Келісім түбі – жарастық
Мақсаты: «Достық», «сыйластық» адамгершілік құндылықтары туралы түсініктерін кеңейту.
Міндеттері:
келісім, жарастық туралы түсінік беру;
достыққа бейімділік сапаларын дамыту;
өзара татулыққа, шыдамдылыққа тәрбиелеу.
Көрнекі құралдар: оқулық, дәптер, бірдей етіп қиылған таспа кесінділері.
Шаттық шеңбері
Балалар, барлығымыз С.Молдасанұлының сөзіне жазылған Ф.Жолдасованың «Бала тілегі» әнімен сбақты бастаймыз.
Бал – балалық, балдырған шақ сан арман,
Барлық бала армандауға жаралған.
Кел, достарым, әндетіңдер, билеңдер,
Гүлденсін деп атамекен – қара орман.
Болашақтың иесіміз бәріміз,
Туған жердің түрлендірер нәріміз.
Алтын бесік – ұлан – байтақ елімде,
Жарқын болсын шырқап айтар әніміз.
Әңгімелесу.
Сыныптастарыңмен ренжісіп қалған кездерің болды ма?
Қалай татуластыңдар?
Өзгелердің пікірімен келіспеген жағдайда не істер едің?
Келісімге келу не үшін қажет деп ойлайсыңдар?
Мәтінмен жұмыс
«Өсиет әңгіме» мәтіні.
Мәтін бойынша сұрақтар қою.
Адам, Ат, Ит қандай келісімге келді?
Жапалақ неліктен жалғыз келді?
Келісімде, жарастықта өмір сүру үшін адамға қандай қасиеттер қажет деп ойлайсыңдар?
Балалардан жауап алу.
Міне, балалар, достыққа, ынтымақтасып өмір сүруге келісімін бермеген Жапалақтың өмірі жалғыздықпен өтіп жатыр. Ал достықтары жарасқан Адамның, Аттың. Иттің бірлігі келісіп, бірге тату – тәтті өмір сүруге ұласты.
Өзіммен – өзім
- Балалар, ыңғайланып отырып алыңдар. Көздеріңді жұмсаңдар да болады. Алақанмен тосып алған достық шуағының жылуын сезінейік. Өзіміздің қолымызбен жасаған достық нұры мәңгі жүрегімізде қалуы үшін жарастықты, татулықты жақтайық, әрқашан бірлікте, сыйластықпен өмір сүрейік, деп іштей қайталаймыз. Соның дәлеліндей әркім өзінің қасындағы парталасының қолын алып, ешқашан ренжіспеуге келісім береді. Осылайша жарасымды жұп болып отырғанымызды сырттай қарап отырған Жапалақ та достықтың не екенін енді түсінді. Ол өзінің ескі достарына қайта айналып барып, кешірім сұрады. Адам, Ит, Ат Жапалақты кешірді. Оған жақсы дос табуына тілектес болды. Біз де олардың кешірімді болғандарына риза боп отырмыз. Осындай ризашылықпен бұрынғы қалпымызға келеміз.
Жаңа ақпарат
Жаңа ақпарат бірін – бірі толықтыратын екі ойдан тұрады. Біріншісі адамдардың бір – бірімен өзара тіл табысуы, түсініуі, ортақ шешімге келуі, екіншісі – олардың қуанышқа, шаттыққа бөленуі.
Адамдардың бір – бірімен өзара тіл табысуы, түсінісуі, ортақ шешімге келуі оларды қуанышқа, шаттыққа бөлейді.
Сергіту сәті
Достығы жарасқан, (Оң қолын оң жаққа созады)
Сыйлы біз баламыз. (Оң қолын түсірмей сол қолын сол жаққа созады)
Келісіп бәрімен, (Бір – бірін көрсетеді)
Татулық табамыз. (Өзін көрсетеді)
Бәріміз бір болсақ (Бәрі қол ұстасады)
Бәрін де жеңеміз.
Күндей боп күлімдеп, (Қолдарын жоғары көтереді)
Таудай боп өсеміз! (Қолдарын жоғары ұстаған күйінде біріктіреді)
Дәптермен жұмыс
Тапсырма
Берілген ойлардың қайсысымен келісесіңдер? Неліктен?
Жүректен – жүрекке
Балалар бірлік пен татулық тек келісім мен жарастықта және адам өмірінде кездесетін кейбір жағымсыз жағдайлар бар: ерегісу, есептесу, дау – дамайдың зияны, бұларды болдырмау үшін мына өлеңді оқу арқылы сабақты қорытындылайық.
«Келісім мен жарастық»
Ерегесіп, есептесіп тұрмадық,
Дау – дамайға мойнымызды бұрмадық.
Бірлік пенен татулыққа кенелткен,
Келісім мен жарастықты жырладық.