Ош облусундагы райондор

Ош облусу республиканын түштүк бөлүгүндө жайгашкан жана батышынан Баткен облусу, түндүгүнөн – Жалал-Абад облусу, түндүк-чыгышынан – Нарын облусу, чыгышынан – Кытай Эл Республикасы, түштүгүнөн – Тажикстан Республикасы, түндүк-батышынан – Өзбекстан Республикасы менен чектешет.

Облустун жалпы аянты 29,0 миң кв.км же Кыргыз Республикасынын аймагынын 14,5 пайызын түзөт. Облустук борбор – Ош шаары – эң байыркы Орто Азия шаарларынын бири.

Администрациялык-аймактык түзүлүш

Облустун курамына 7 район, 3 райондук маанидеги шаар (Кара-Суу, Ноокат, Өзгөн) жана 88 айылдык аймак кирет.

Алай району – Гүлчө айылы(райондун борбору)

Алай району – Ош облусунда. Район 1928-ж. Алай-Гүлчө району болуп уюшулган; 1936-ж. андан эки район бөлүнгөн – Алай району жана Чоң Алай району; 1959-ж. алар кайра биригип, Алай району түзүлгөн. 1992-ж. кайра эки районго – Алай жана Чоң Алай районуна бөлүнгөн. Район облустун эң түштүгүндө жайгашып, чыгышынан Кытай, түндүгүнөн жана түндүк-чыгышынан Кара-Кулжа жана Өзгөн, батышынан жана түндүк-батышынан Кара-Суу, Ноокат жана Чоң Алай райондору, түштүгүнөн Тоолуу Бадакшан облусу (Тажикстан) менен чектешет. Аянты 7,6 миң км2 (Ош облусунун аймагынын 26,0%). Калкы 110миң (2020). Борбору Гүлчө шаарчасы. Район 12 айыл өкмөтүнө бөлүнөт. Райондо 1 шаарча (Сарыташ), 57 кыштак бар.

Араван району – Ош облусундагы админ.-аймактык бирдик. Ал облустун түндүк батышында жайгашып, түндүгүнөн жана түндүк- батышынан Өзбекстан, түштүгүнөн Ноокат, чыгышынан Карасуу райондору менен чектешет. Аянты 1259 км. Калкы 96,2миң(2002). Район 6 өкмөтүнө бөлүнөт. Борбору- Араван кыштагы. Район 1935-жылы уюштурулган.

Кара-Кулжа району – Ош облусундагы административдик бирдик. Түндүк жана түндүк-батышынан Өзгөн, чыгышынан Нарын облусунун Ат-Башы, батышынан Алай райондору, түштүгүнөн Кытай менен чектешет. Район 1937-жылы уюшулган. Аянты 5,7 миң км2 (Ош облусунун аймагынын 19,6%и). Калкы 99 536 [1] киши (2020). Ооданда 11 айыл өкмөтү, 43 кыштак бар. Борбору — Кара-Кулжа кыштагы.

Жери негизинен тоолуу, Кара-Кулжа жана Тар сууларынын алабынан орун алган. Эң бийик жери 4900 м (Үч-Сейит массивинде), эң жапызы —780 м. Райондун аймагында Фергана тоо тизмегинин чыгыш тармактары (Үч-Сейит, Тасырак-Сай ж. б.), Академик Адышев, Алайкуу кырка тоолору, Алай-Куу, Кара-Кулжа, Кулун, Капчыгай, Ажыке өрөөндөрү жайгашкан. Табигый ресурстарынан Кара-Кулжа, Кулун, Терек жана башка минералдуу суулары, курулуш материалдардын кендери бар.

Чоң-Алай району Ош облусунун административдик аймагында район болуп 1992-жылы кайрадан түзүлгөн. Түндүк-батышынан Кыргызстандын Баткен облусунун тоо кыркалары, чыгышынан Алай тоо кыркалары, түштүк-батышынан Тажикстандын Тоолуу Бадахшан автономиялуу облусу, Жерге-Тал району менен чектешет.

Райондун экономикасынын негизин мал чарбасы түзөт.

Аянты 4860 км2 (Ош облусунун 16,6% ээлейт).Деңиз деңгээлинен 3000 м бийиктикте жайгашкан.

Эң бийик жери – Чоң-Алай тоо кыркаларында жайгашкан Ленин атындагы чоку, ал деңиз денгээлинен 7134 м бийик.

Кара-Суу району — түштүк-батыш Кыргызстан дын Ош облусу ндагы район . калкынын саны 348 645 адам. (2009ж) Борбору Кара-Суу шаарыРайондо 16 айыл аймагы жана алардын курамына кирген 137 айыл бар

Ноокат району түштүк-батыш Кыргызстандын Ош облусундагы район. Борбору Ноокат шаары. [1]. Ош облусундагы администрациялык-аймактык бирдик. Түндук-батышынан Өзбекстан, түндүгүнөн Араван, чыгышынан Карасуу, батышынан Баткен облусунун Кадамжай, түштүгүнөн Алай жана Чоң Алай райндору менен чектешет. Аянты 4,04 миң км2 (облустун аймагынын 13,9%). Калкы 206,0 миң (2002). Район 15 айыл өкмөтүнө бөлүнөт. Борбору – Ноокат шаары.

Өзгөн району ( кырг . Өзгөн району ) — Кыргыз Республикасы нын Ош облусунун административдик бирдиги . Административдик борбору — Өзгөн шаары .

Районго 19 айылдык (айылдык) округ жана 1 шаар кирет