Назоўнікі трэцяга скланення. Правапіс іх канчаткаў
Мэта ўрока:
паглыбіць веды вучняў пра назоўнікі трэцяга скланення, правапіс іх канчаткаў;
замацаваць веды пра тыпы скланення і асновы назоўнікаў;
удасканальваць уменне групаваць назоўнікі паводле скланення;
вучыць правільна пісаць канчаткі і каменціраваць іх выбар у залежнасці ад характару асновы;
выпрацоўваць навык правапісу слоў з падоўжанымі зычнымі і апострафам у творным склоне;
развіваць звязнае маўленне вучняў пры чытанні тэкстаў;
выхоўваць павагу да памяці продкаў, любоў да роднай зямлі.
Абсталяванне: схема «Правапіс канчаткаў назоўнікаў 3-га скланення», табліца «Склонавыя канчаткі назоўнікаў», верш Г. Бураўкіна «Малітва », запіс песні
«Спадчына» (Я. Купала, І. Лучанок)
Эпіграф: Імёны памяць берагла,
Вяла праз церні,
Каб я не сеяў зла,
А толькі – зерне. (А. Пісьмянкоў)
Ход факультатыўных заняткаў
1. Арганізацыйна-матывацыйны этап.
1. Гучыць песня «Спадчына» (Я. Купала, І. Лучанок).
2. Эўрыстычная гутарка.
- “Ад прадзедаў спакон вякоў
Мне засталася спадына”.
Што такое спадчына?
Якая бывае спадчына? (матэрыяльная, духоўная).
Хто пакідае нам сваю спадчыну? (Продкі).
Як трэба да яе адносіцца?
Што засталося нам ад продкаў у спадчыну? (мова, Радзіма, культура, традыцыі…)
2. Аб’яўленне тэмы, пастаноўка мэты ўрока.
“Чаканне”. На дошцы запісана тэма заняткаў, а вучням прапануецца выказаць свае чаканне ад вызначанай тэмы. Вучні выказваюць свае думкі, гавораць, што яны хочуць даведацца, якім чынам і для чаго? ( слайд 2)
3. Актуалізацыя раней набытых ведаў.
Сёння мы пазнаёмімся з правапісам канчаткаў назоўнікаў 3-га скланення.
Каб правільна напісаць канчатак назоўніка, трэба… (Памятка!). Слайд 3
“Снежны ком” ( адказы вучняў па ланцужку).
* Пачатковая форма назоўнікаў.
* Тыпы асноў назоўнікаў.
* Тры скланенні назоўнікаў.
* Назавіце назоўнікі і вызначце скланенне (праца з эпіграфам)
* Склоны і склонавыя пытанні назоўнікаў.
4) “Чацвёртае лішняе”. (Знайсці прымету, паводле якой аб’яднаны словы. Знайсці ў кожным радзе “чацвёртае лішняе”). Слайд 4. Адказ : слайд 5
Стол, том, дзень, самалёт.
Радасць, праца, май, жыццё.
Бяроза, акно, кроў, гарох.
Шчака, машына, гара, мора.
Госць, верасень, конь, радасць.
5) У вершы Г. Бураўкіна “Малітва” вызначыць назоўнікі 2-га скланення і паставіць іх у форме Р. і М. скл.
Мы здалёку ўбачылі cвабоду
I яшчэ не вырваліся з пут.
Божа,
Не дабаў майму народу
Пошасці, няпраўды і пакут.
У чужым нялюдскім землятрусе
Хіба нечым мелі мы віну?
Божа,
Адвядзі ад Беларусі
Здраду, вераломства і вайну.
Смутнаю парою нелюдзімай,
Калі ўсё наўкол ідзе на злом.
Божа,
Захіні маю Радзіму,
Мудрасцю, спакоем і цяплом!
Р.: народа, землятрусу, вераломства, злому, спакою, цяпла.
М.: аб народзе, землятрусе, вераломстве, зломе, спакоі, цяпле.
4. Знаёмства з новай тэмай.
Эўрыстычная гутарка.
Якім паўстае перад намі герой верша Г. Бураўкіна “Малітва”?
Якія якасці чалавека, неабыякавага да сваёй Радзімы, можна назваць яшчэ?
Знайсці назоўнікі 3-га скланення сярод якасцей беларускага характару.
ЯКАСЦІ БЕЛАРУСКАГА ХАРАКТАРУ
Міралюбства, цярплівасць, упартасць, маральная трываласць, сціпласць, добрасуседскасць, цягавітасць, вернасць традыцыям, працавітасць, сумленнасць, свабодалюбства, нацыянальная свядомасць і годнасць, верацярпімасць, справядлівасць, гаспадарлівасць, жыццялюбства, кемлівасць, таленавітасць, гасціннасць, памяркоўнасць… ( Слайд 7)
Калектыўнае чытанне правіла.
Аналіз табліцы, заўваг. ( Слайды 8, 9)
Суаднясенне правіла са схемай на дошцы.
Р.
Д. - ы; - і. Т. - у; - ю
М.
Якія зычныя і калі падаўжаюцца пры вымаўленні? (н, л, с, ц, з, ч, ж, дз).
Як абазначаецца на пісьме падоўжаны гук [дз’]?
Калі пішацца апостраф?
“Узаемнае апытванне”.
5. Замацаванне вывучанага.
Праца над тэкстам “Пасля навальніцы” (знайсці назоўнікі 3-га скланення і вызначыць іх склон).
К ночы навальніца сціхла.
Стаяла такая ціш, што чуваць быў піск мышы ў нары. Паветра было напоўнена сырасцю і вільгаццю.
Рыбакі падышлі да прыстані. Рачная гладзь зачаравала іх сваёй прыгажосцю. Усё дыхала свежасцю і спакоем. У лодках ляжалі рыбацкія снасці. Рыбакі паплылі ў завадзь.
Праскланяць назоўнікі ціш, сырасць, завадзь.
“Рэшата”- размеркавальны дыктант (згрупаваць (прасеяць) назоўнікі па скланеннях, назоўнікі 3-га скланення запісаць у форме Т. скл. у патрэбную графу).
Чырвань, казка, вільгаць, цяпло, мыш, ноч, цярпенне, ціш, вясна, моладзь, гладзь, любоў, дарога, годнасць, карабель смеласць, прыгажосць, рэчка, свежасць, вучань, радасць, Сібір, верф, спадчына, глыб, шыр, Об.
Назоўнікі 3-га скланення
Назоўнікі, у якіх апошні зычны асновы | Назоўнікі, у якіх перад канчаткам ставіцца апостраф |
падаўжаецца | не падаўжаецца |
| | |
| | |
Ключ : прэзентацыя (слайд 10)
4) ”Лаві памылку” (знайсці словы, запісаныя з памылкай, і зверыць свой адказ з ключом).
1) Сібірру, 2) вільгаццю, 3) годнасцю, 4) завадздзю, 5) смеласцю, 6) свежасцю,
7) любоў’ю, 8) моладдзю, 9) ноччу, 10) радасццю.
Ключ: 1; 4; 7; 10.
5) Паставіць назоўнікі ў творным склоне. (https://learningapps.org/display?v=pmb58426j01)
Назоўнікі 3-га скланення, правапіс іх канчаткаў
6. Падагульненне. Рэфлексія. Слайд 11
Што было цікавым?
Чаму навучыліся?
7. Вынік.
З якімі б словамі вы звярнуліся б да сучаснікаў і што б ім сказалі? Закончыце сказ
“Трэба помніць…” Слайд 12
4