Манкурттун айрым корунуштору

3.2. Манкурттуктун айрым көрүнүштөрү

Бүгүнкү күндɵ жаштардын арасында ɵз эне тилин унутуу кɵп кездешет. Айрыкча шаарда ɵскɵн улан, кыздар үйдɵ, кɵчɵдɵ, коомдук жайларда кыргызча сурасаң орусча жооп беришет. Ɵз эне тилин, жети атасын унутуу бул маңкурттук. Орус, англис тилин бил, компьютерди үйрɵн, бирок эч качан эне сүтү менен үйрɵнгɵн эне тилин унутууга болбойт. Тилиңди унутсаң дилиңди, тарыхыңды, маданиятыңды жети атаңды кайдан келип чыкканын унуткан тирүүлɵй маңкуртка айланасың. Ɵз бир боор маданиятын таштап, ɵз улуттук кыртышынан ажырап, башка динге ɵтүү ɵз элинин тарыхына, ата-бабаларына, киндик каны тамган ыйык топурагына жасалган дилбезерлик. Мындан ɵткɵн күнɵɵ жок. Ɵзүңдүн диниңди ыйык тутуп, ɵмүрү ɵткүчɵ ошол динди үлгү карма. Ɵз эл жерин ата-журтуңду, мекениңди намыстуу патриот уулдарынан болууга аракеттен. Элиңдин рухий асыл нарктарын барктап, баалай бил. Ошондо сен чыныгы адам катары калыптанасың.

Мээге чабуул

Бɵрк ал десе, башынан кан алышкан,

Бɵдɵнɵдɵй бɵжɵңдɵп жан багышкан.

Эне тилин унутуп мансап үчүн,

Эх, канчалар манкуртка айланышкан.

Жыргагандын баары эле турмуш эмес,

«Жылт» эткендин баары эле жылдыз эмес.

Билебиз деп тɵштɵрүн каккан менен,

Билбегендер ɵз тилин кыргыз эмес.

Калдайгандын баары эле канат эмес,

Кабыландын баары эле Манас эмес.

Калкын чанган, калкынын тилин чанган,

Хан болсо да кыргыздын баласы эмес!