Кисә-осрашыу.
Мәҙәниәт һәм рухи мираҫ йылын ҡаршылап!
Залда уҡыусылар, уҡытыусылар, тәрбиәселәр.
Ҡунаҡты ҡаршылау: залда балалар "тере коридор" яһап, хор менән Рәми Ғариповтың "Туған тел" шиғырын һөйләгәндә, ҡунаҡ түргә үтә.
Уҡыусылар урындарына ултыралар.
"Тыуған ил" йырының көйө аҫтына сәхнәлә шаршау асыла һәм 6-сы класс малайҙары һәм ҡыҙҙары сәхнәлә йырлайҙар. Йырлап бөткәс:
- Беҙ - Урал батыр вариҫтары. Беҙҙең девиз:
«Яҡшылыҡ булһын атығыҙ, Кеше булһын затығыҙ!» тигән һүҙҙәрҙе әйтәләр.
- Хәйерле көн!
- Добрый день!-
- 2022 йыл Бөтә донъя башҡорттары ҡоролтайы тарафынан Мәҙәниәт һәм рухи мираҫ йылы тип иғлан ителде.
- Башҡорт халыҡ эпосы «Урал батыр»ҙың «Яҡшылыҡ булһын атығыҙ, Кеше булһын затығыҙ!» тигән юлдары Башҡорт мәҙәниәте һәм рухи мираҫ йылының девизына әйләнде.
- Сәхнәбеҙ түренә ошо рухи ҡомартҡыбыҙҙы тулыһынса ятлаған, күп төрлө конкурстарҙа ҡатнашып,призлы урындар яулаған Рәзинә Шаһморатованы саҡырабыҙ!
- Афарин, Рәзинә!
- Рухи мираҫты балаларға тапшырыуҙың тәүге юлы - ул туған телде белеү!
- Сәхнәбеҙ түренә саҡырыласаҡ малайҙарыбыҙ рус милләтенән булыуға ҡарамаҫтан, башҡорт телендә матур итеп шиғырҙар һөйләйҙәр!
- Ҡаршы алығыҙ, 5-се класс малайҙары:
1.
2.
3.
4.
5.
- Афарин, малайҙар!
- Был уҡыусыларға телгә ихтирам ғаиләлә һалынған! Ата-әсәләренә рәхмәт!
- Ә һин беләһеңме, гаджеттар заманында туған телгә ихтирам тәрбиәләү социаль селтәрҙәрҙә лә алып барыла.
- Социаль селтәрҙәрҙең мөмкинлектәре күп, әлбиттә!
- Беҙҙең лицей уҡыусылары ла Башҡорт телен үҫтереү буйынса социаль селтәрҙәрҙә үткәрелгән конкурста ҡатнашып, еңеүсе исеменә лайыҡ булды!
- Әйҙәгеҙ, бергәләп роликты ҡарайыҡ!
- Сәхнәбеҙ түренә еңеүселәрҙе һәм етәкселәре .... саҡырабыҙ! (Ғиләжев Сыңғыҙ,...)
- Рәхмәт, ҡыҙҙар, егеттәр! Һеҙҙең кеүек рухлы йәштәр булғанда, рухи мираҫтарыбыҙ юғалмаҫ!
- Беҙҙең ҡыҙҙар һәм малайҙарыбыҙ "Һәйләнсек" проектында ла ҡатнаштылар!
- Йәнле телмәр сәнғәтен үҫтереүгә йүнәлтелгән беренсе үҫмерҙәр онлайн-конкурсында ҡатнашыусыларҙы һәм еңеүселәрҙе сәхнәбеҙ түренә саҡырабыҙ! ( экранда проектта ҡатнашыу тураһында мәғлүмәт...) Рәхмәт хаттарын тапшырыу).
-"Кескәй баланы, гөлгә һыу һипкән кеүек, тәрбиәләп үҫтерергә кәрәк! "- ти миңә өләсәйем. Һәм мине һәр ваҡыт башҡорт фильмдарының премьераһына алып бара.
- Башҡорт фильмдарының күпләп төшөрөлөүе лә рухи мираҫыбыҙҙы һаҡлауҙың бер юлы!
- Эйе, мин һинең менән килешәм! Фильм сәнғәте өлкәһендә үҙен танытып өлгөргән Илдар Бикҡолов - беҙҙең лицей уҡыусыһы!
- Иғтибар экранға! (фильмдан өҙөк ҡарау)
- Мостай Кәримдең "Өс таған" повесы нигеҙендә төшөрөлгән "Таганок фильмында төп ролде уйнаусы Илдар Бикҡоловты сәхнәбеҙ түренә саҡырабыҙ!
(Һорауҙарға яуаптар биреү)
- Афарин, Илдар! Мәҙәниәт һәм рухи мираҫты һаҡлауға һәм таратыуға тос өлөш индереүеңә ҙур рәхмәт!
- Һыҙғырт, ҡурай, үткән ҡайғыларҙы,
Өҙҙөрт, ҡурай, йөрәккәй ҡылдарын;
- Һиҙҙерт, ҡурай, ҡайнар тойғоларҙы,
Һөйҙөрт, һөйләп башҡорт моңдарын.
( "Әйтсе, әйтсе ҡурайым" йыры.)
- Бына шундай янып торған уҡыусыларыбыҙ булғанда, мәҙәниәтебеҙ ҙә үҫер, рухи мираҫтарыбыҙ ҙа юғалмаҫ!
- Һәр кисәнең иң ҡыҙыҡлы, тос өлөшө була!
- Лицеистар сығышын күрҙек, ә хәҙер хөрмәтле ҡунағыбыҙҙы сәхнә түренә саҡырырға ла ваҡытыбыҙ етте.
- Халҡыбыҙҙың серле йырын,
Күңелгә үтерлек моңон,
Ҡурай,ҡумыҙ, думбыралар,
Ҡыл-ҡубыҙҙар еткерер!
- Башҡорт халҡының мәҙәниәтен, рухи мираҫын бәтә донъяға танытыусы билдәле сәхнә йондоҙо
- Мультиинструментсы Заһир Зәйнетдинде сәхнәбеҙ түренә саҡырабыҙ!
- Рәхим итегеҙ!...
Ҡунаҡтың сығышынан һуң, ҡыҙҙар һәм малайҙар бергәләп “Башҡортостан” йырын башҡаралар.
Ҡунаҡҡа рәхмәт һүҙҙәрен еткереү, күмәкләшеп фотоға төшөү.