Къурбан байрам тедбири.

МУМ «Майское къырымтатар тилинде окъутылгъан мектеби»

«Хош кельдинъ Къурбан байрам»-

мерасимнинъ сценариясы.

Азырлады:

Башлангъыч сыныф оджасы

Сейтмустафаева Х.Ш.

А. - Селям алейкум сайгъылы оджалар, телебелер ве мусафирлер!!!

Н. -Къурбан байрамына багъышлангъан мерасимге хош кельдинъиз!!!

А. -Биринджиден байрамны Къуранънынъ окъумасынен башлаймыз. Буюрынъыз.

Н. - Курбан байрамы, мусульманларнынъ энъ муим байрамы деп сайыла.

А. - Нурие, я сен билесинми, не себептен бу байрам пейда олды???

Н. – Эбет, Абдуллах, билем. Анам эвде, оджалар дерслерде бу байрам акъкъында эфсанесини айтып бердилер.

А. -Нурие, кель кене телебелерге къыскъадан бу эфсанесини хатырлатайыкъ.

Н.- Эбет, Абдуллах, мен сеннен разыйым. Буюр!

А.- Эфсанеде Ибраим пейгъамберинъ (с.э.) баллары олмагъан ве о Аллаха дува этип, Алла онъа бир огълан багъышлай. Амма , огълусынынъ яшы кельгенде къурбан этиледжегини айта. Ибраим пейгъамбер разы ола.

Н. - Вакъыт кечти. Огъалан балабан олды. Бир геджеси пейгъамбернинъ тюшюне Аллах огълусынынъ къурбан этиледжегини хатырлады.

А. - Сабасына, Аллах ризасы ичюн къурбан этеджек огълусыны дагъгъа алып кете. Огълуны Къурбан этмеге оламайып ачувындан пычакъны ташкъа ура. Шу вакъытта таш янында къой пейдалана.

Н. - Ибраим пейгъамбер кене бир сес эшите:

А.«Меним севимли къулым, сен сез берип сезюни туттынъ, онынъ ичюн огълунынъ ерине мына бу къйоны къурбан эт».

Н. - Ибраим пейгъамбер къуванып Аллах ризасы ичюн къойны къурбан эте.

- Бундан сонъ, бутюн мусульманлар Аллах ризасы ичюн деве, къой ве балабан бойнузлы айванларны къурбан этелер.

А.- Бутюн мусульманларда, эркеклер байрам башланмаздан эвель намазгъа кетелер.

Н.- Къадын – къызлар исе эвлерини джыйыштырып, незетли миллий емеклер пиширип мусафир беклейлер.

А. –Байрамларны мусульманлар насыл къаршылагъаныны талебелер саналаштырувда косьтерирлер.

Н.Байрам кунюнинъ сабасы. Асановлар къорантасы джамиге кеткен эркеклерни беклейлер.

- Байрам дёрт кунь девам эте. Бу куньлер девамында, эписи мусульманлар бир – бирини байрамнен хайырлайлар ве къартларнынъ эллерини опелер.

- Шимди исе сизлер ичюн байрамгъа багъышлангъан концертни сейир этинъиз!!!

- «Мен анамнен лаф этем»!!! Биринджи сыныф талебеси - Бекирова Севиля!!!! Къаршылаймыз!!!

- Эмир джелял агъыр ава хайтарма!!! Акимов Ресул ве Зейналиев Меннан иджра ителер!!! Буюрынъыз!!!

- Хайридинова Айше ве Абкелямова Шекуфе «Айсерез хайтарма» оюнны сизлерге багъышлайлар!!! Къаршылаймыз!!!

- Рамаз, беким сен де бир йырны эпсилерге багъышларсынъ??

- Эбет!!! Байрамлыкъ «Мисхор къызы» деген йырыны сизлер ичюн багъышлайым!!!

- Биз сизлерни келеджек Къурбан байрамнен хайырлаймыз!!!

- Сагълыкъ – селяметлик, оджаларгъа сабырлыкъ , талебелерге исе яхшы окъумалар тилеймиз!!!

- Энди исе адет узьре байрамлар хорансыз кечмез!!!

- Хорангъа буюрынъыз!!!!