Қосу. Азайту.Тең. «+», «-», «=» таңбалары (1- ден – 5-ке дейінгі сандар)

                                             (1- ден – 5-ке  дейінгі сандар) 

Сабақтың  мақсаты:

• Қосу.Азайту.Тең.  «+»   «-»  «=»  таңбаларымен таныстыру.  Оларды  ажыратып, мәнін  таба білуге үйрету. 
• Заттарды қосу (заттар жиынын біріктіру арқылы ) және азайту  ( заттар жиынынан бөлікті бөліп алу арқылы)  туралы түсініктерін қалыптастыру; математикалық өрнек туралы түсінік беру; өрнектерді таңбалардың көмегімен жазуға үйрету.
• Балалардың  ойлау қабілеттерін дамыту.
• Тиянақтылыққа, ұқыптылыққа тәрбиелеу.

Сабақтың   түрі:  аралас  сабақ.  

 Әдіс-тәсілдері: түсіндіру, жаздыру, сұрақ-жауап,сергіту  сәті, ойын.

Көрнекі-құралдар: суреттер, кеспе  цифрлар, үлестірме  материалдар, тақта, бор.

I апта

Сабақтың  барысы:   I. Ұйымдастыру   кезеңі:   Балалардың  зейінін  сабаққа  аудару, оқу құралдарын  жинақтау, ой  қозғау (көрнекіліктер  арқылы).

Қызығушылықты ояту:    1, 2, 3                                                Сынып іші тып-тыныш                                                Жалқаулықты тастаймыз                                                Сабақты біз бастаймыз!

III.  Жаңа  сабақ.  Жарайсыңдар, балалар!   Өткен сабақта 1-ден 5-ке дейін сандар құрамын өттік. Ал енді  бүгін сандарды  қосу  және азайту таңбалары арқылы есептеп үйренеміз. Мұғалім тақтаға  3 ұлды және 2 қызды  шақырады. Ұлдар-мұғалімнің сол жағына, қыздар-оң жағына тұрады.Барлығы неше бала тұрғанын санап шығулары керек.Сосын ұлдар мен қыздар орындарын  ауыстырады.

Суретпен жұмыс.Суретте неше шаршы бейнеленген?  2 үшбұрышқа  2  үшбұрышты қосамыз. Неше үшбұрыш болады?  5 дөңгелектен  2 дөңгелекті аламыз. Неше дөңгелек  қалады?

«Теңге құрастыру» ойыны 1,3,4,5 сандарын пайдаланып теңге құрастыру.

5: 2+2+1; 3+2; 1+1+1+1+1

3:1+1+1; 2+1; 1+2

4:2+2; 1+1+1+1

IY .Сергіту сәті:  Ал  санайық,  санайық

                                Санын  біліп  алайық

                                Біреу, екеу,  үшеу,  төртеу, бесеу

                                Қолымда  сонда  саусағым  нешеу?

Оқулықпен жұмыс.

Балаларды 2 топқа бөлу тапсырманы орындату, 5 құрамын анықтау.

Дәптермен жұмыс. Мысалдар шығару

II апта

Сабақтың  барысы:   I. Ұйымдастыру   кезеңі:   Балаларды  түгелдеу, оқу құралдарын  жинақтау, ой  қозғау (көрнекіліктер  арқылы).

Өлең есептер

Бақшада екі күрек,                                  Бес түп алма ағаштың

Жүйекте үш күрек.                                  Гүлдеп жатты түртеуі

Барлық күректі қос                                  Гүлдемеген алманың

Шығады тура( бес күрек)                        Шешімін қалай шығардың?

                              (2+3=5)                                                      (5-4=1)

Төрт бояуды Бақыт алды,

Бір бояумен Самат алды

Бояуларды қосып қарасақ,

Қанша шығады, санасақ?

                             (4+1=5)

Тақтамен жұмыс: Есептерді   шығару.  2+1 3-1 3+1 4-1

                                                                       1+2 3-2 1+3 4-3

                                                                       4+1 5-1 3+2 5-2

                                                                       1+4 5-4 2+3 5-3

IY .Сергіту сәті.

III апта

Сабақтың  барысы:   I. Ұйымдастыру   кезеңі:   Балаларды  түгелдеу, оқу құралдарын  жинақтау, ой  қозғау (көрнекіліктер  арқылы).

-Балалар, біздің қолдарымызда барлығы он саусақ бар екен.  Саусақтарымызға  біраз жаттығу   жасап  алайық.

Саусақ жаттығулары:

1.Саусақтарды үстел үстіне қойып, бір – бірлеп көтеру;

2.Саусақтарды бір – біріне кезек – кезек ілу арқылы амандастыру;

3.Саусақ басын шерту;

4.Саусақтарды үстел үстімен адымдатып жүргізу;

5.Қолды айқастырып, білезік тұстан айналдыру.

Мұғалім тақтаға 1-5- ке дейін цифрларды магнитпен жапсырады.  1.«Жоқ цифрды тап» ойыны ойналады. Ойынның шарты: Мұғалім балалардың көздерін жұмғызып, кез – келген цифрды немесе цифрларды алып тастайды. Балалар көздерін ашып, жоқ цифрды тауып, атайды. 

IY .Сергіту сәті.

VI апта

Сабақтың  барысы:   I. Ұйымдастыру   кезеңі:   Балаларды  түгелдеу, оқу құралдарын  жинақтау, ой  қозғау (көрнекіліктер  арқылы).

 «Не өзгерді?» ойыны.

Шарты: Мұғалім балалардың көздерін жұмғызып, цифрлардың орнын ауыстырып жібереді. Балалар көздерін ашып, орындары ауысып кеткен цифрларды орын – орнына қояды. 

Ойын: «Орнын тап» Қосу амалын орында.5,2,4,3

IY .Сергіту сәті.

V.  Бекіту.

  «Сиқырлы қапшық»  ойыны.  Мұғалім  қапшықтан 5  кәмпит алды. 2 кәмпитті  тәрелкеге салды.. Сонда  қолымда  неше  кәмпит қалды?  Балалар  өздері  сандармен  азайтуға  және қосуға  берілген  есептерді  ойлап  табады.

VI. Қорытынды.

Сұрақ-жауап  арқылы  тақырыпты  қорытындылау.     

VII. Бағалау.

Балаларды  жеке-жеке мадақтау.