Қазақ тілі.Сын есім

Cыныбы:  2 В

Пәні:   Қазақ тілі

Сабақтың тақырыбы:  Сын есім

Сабақтың мақсаты: 

1. Білімділік: Оқушыларға заттың атын білдіретін сөздер туралы білім беру. Заттың атын білдіретін сөздерге сұрақ қоюға, оларды ажырата білуге үйрету.

2. Дамытушылық: Сын есімдерді сөйлеу, жазу кезінде стильдік тұрғыда орнымен қолдана білу дағдыларын әрі қарай дамыту.Оқушылардың сауатты жазу дағдыларын жетілдіру, сөйлеу дағдыларын дамыту.Білім, білік, дағдыларын дамыту.

3. Тәрбиелік: Халық ауыз әдебиетіне деген сүйіспеншіліктерін арттыру, мәнерлі, жүйелі сөйлеуге баулу.

Сабақтың типі: Дәстүрлі

Сабақтың түрі:жаңа сабақ.

Сабақтың әдіс-тәсілдері: сұрақ-жауап, талдау – жинақтау, түсіндіру, эврестикалық, практикалық ,көрнекілік, ойын, шығармашылық, ой қозғау, ой шақыру стратегиясы , «Ғажайып жетілік» ойыны, «Сақ бол, жаңылма! » ойыны

Сабақтың көрнекілігі: Тақырыпқа байланысты суреттер,слайд, Аңдардың суреттері.

Сабақтың құрал-жабдығы: интербелсенді тақта, компьютер,оқулық.

                                       Сабақтың барысы:

І. Ұйымдастыру кезеңі:

а)Көңіл күйлерің қалай?

ә) Сабаққа дайындықтарын  қалай?

б) Ендеше, сабағымызды бастайық.

Психологиялық дайындық.

Қазақ тілім - өз тілім дана тілім.

Абай , Мұқтар сөйлеген дара тілім.

Қастерлейді ұл-қызың мәңгі сені

Болашағым , бақытым қазақ  тілім

ІІ. Үй тапсырмасын сұрау

3-жаттығу. Сол бағандағы және оқ бағандағы сөздерді оқы.Заттың атын білдіретін сөздерге сәйкес сынын білдіретін сөздерді тауып жаз.

Қалың киім. Жирен ат. Қоңыр аю. Тәтті қант. Қышқыл айран.

«Көршісін тап»  дидактикалық ойыны.

Өнерпаз           адам

Таңдаулы         бала

Сөзшең             сурет

Әуесқой           шопан

Атақты            әнші

ІІ. Қызығушылығын ояту.

Мақсат қою кезеңі: сабақтың тақырыбын, мақсатын хабарлау.

    Баяғы өткен заманда Етістік деген әлемінде әртүрлі заттар тіршілік етіпті. Заттардың не түсі, не пішіні болмай қазақсыз өмір сүріпті. Күндердің күндерінде бұл елге өте алыс жерден Сын есім деген қария келіп елмен танысады екен.Сонда қария аң-таң болып, әр тұрғынмен танысып сөйлеседі:

- Сенің атың кім? – деді қария заттың атымен танысайын деп.

- Алма - деп жауап берді ештеңеге ұқсамайтын зат.

- Мұнда не істеп жүрсің? – деді қария іс-қимылын білейін деп.

- Біз пісеміз – деп жауап берді

- Алма сен бұдан былай , қызыл, домалақ, дәмді алмасың. Солай қонаққа келген қария  қол үзбей жұмыс істейді екен.

ІІІ. Жаңа материалмен жұмыс:

- Бұл елге де біз қол ұшын берейік.

- Шөп қандай болады? (сары, жасыл)

- Аспан қандай болады? (ашық, көгілдір)

- Қария қай жерден келді? (алыстан)

Заттың түрін, түсін, сапасын білдіретін сөздер сын есім дейміз. Сын есімдерге қандай? қай?  деген сұрақтар қойылады.

ҮI. Оқулықпен жұмыс.

1-жаттығу.  Мәтінді оқы.

Тоғайда

         Балалар ауыл жанындағы тоғайға барды.Түрлі өсімдіктің жұпар иісі мұрыныңды жарады.Аласа бұталардың арасынан сұр торғай,шымшықтар пыр- пыр ұшады.Анандайдан ала қанат тоқылдақтың тоқылы естіледі.Тоғай іші көңілді.

• Заттың сынын білдіртін сөздерді тар.Олар қай сөздің сынын білдіріп тұр?Үлгіде көрсетілгендей жаз.

Үлгі:жұпар иіс, ...

Ой шақыру стратегиясы.  «Ғажайып жетілік» ойыны.Оқушыларға сын есімнің ережесін айтқызу. Сын есімнің маңызды белгілерімен танысу 1. Заттың түрін, түсін білдіреді: ақ, сұр, қызыл, т. б. 2. Заттың көлемдік, салмақтық белгісі: биік, кіші, ұзын, қысқа. 3. Заттың сапалық белгісі, сипатын білдіреді: жақсы, жаман, тентек, зерек, ақылды, жалқау. 4. Заттың дәмін, иесіне сипатталатын белгілері: ащы, тәтті, жұмсақ

5. Қимыл, іс - әрекетіне, мезгілге қатысты сынды білдіреді: балалы, тасты, жазды, аспал, білімді.

2-жаттығу.  Жаңылтпашты көшіріп жаз.

                   Жасыл көктем

                   Жасыл жіптен

                   Жақсы тіккен.

         Жібек көрпе жамылдырды,

         Жасыл өңге малындырды.

•   Қарамен жазылған сөздерге сұрақ қой.

4-жаттығу.

Ү. Сергіту сәті.  Қимыл - қозғалысты жаттығу.

5-жаттығу.

ҮІ. Бекіту.

- Сақ бол, жаңылма! Мен бір сөз айтамын. Сол сөзді өз тобына қос.

Әдемі, қыз, ойнады, жүгірді, ақылды, доп, ұзын, ұйықтады, жасыл, дәптер, кешікті, балалар, келді, Алматы, алыс.

Зат есім: __________________________________________

Етістік: ___________________________________________

Сын есім: _________________________________________

ҮІІ. Үй тапсырмасын беру.  3- жаттығу, 163 бет

VIII. Бағалау.

Оқушыларға стикерлер таратылады оқушылар сабақты түсінбесе қызыл түстің жанына, сұрақтары болса сары түске, барлығын түсінсе жасыл түстің жанына жабыстырады.