Просмотр содержимого документа
«Исхак Раззаков 25-октябрь»
Өмүрү өрнөк инсан:Исхак Раззаков
Бүгүн, 25-октябрь, Улуу инсан, мамлекеттик жана саясий ишмер, Кыргыз Республикасынын Баатыры, Исхак Раззаковдун туулган күнү.
Кыргызстандын мамлекет болуп калыптануусунда, түптөлүүсүндө, улуу инсандын салымы эбегейсиз.
Исхак Раззаков, кыргыз элинен чыккан эң таза, адилет жетекчи, ишмер жана акылман жолбашчы болду.
Ал 35 жашында Кыргыз ССР Министрлер Советинин төрагасы,
40 жашында Кыргыз ССР Коммунистик партиясынын Борбор комитенин биринчи катчысы болуп иштеген.
СССР тарабынан, Кыргызстанды башкаруу милдети биринчи ирет кыргыз кулунуна, Исхак Раззаковго тапшырылган.
Анын Кыргызстандын жаркын келечегине багытталган, мамлекеттик деңгээлдеги иш аракеттери, биздин бүгүнкү бакубат жашообуздун пайдубалы десек болот.
Ал жетекчилик кызматта турган убакта, мамлекет бардык тармактардан эң мыкты көрсөткүчтөргө жетишкен.
Исхак Раззаков, адамгерчилик, жетекчилик бийик сапаттарга ээ болгон.
Бул инсандын өмүр таржымалы,басып өткөн жолу, ар бир кыргыз атуулуна өрнөк.
Ал эми ишмердүүлүгү, жетекчилик касиеттери,баарыбызга үлгү.
Исхак Раззаковдун, учкул сөздөрү, биз үчүн мурас, алар коомубузду туура жолго үндөп турат.