"Иртәнге режимым" темасы буенча лексик-грамматик материал

Сыйныф 5 Рус төркеме

Фән Татар теле

Дәрес темасы. “Иртәнге режимым” темасы буенча лексик-грамматик материал.

Планлаштырылган нәтиҗәләр:

Метапредмет – темага караган лексиканы куллану

Предмет – шигырь героеның режимы турында сөйли белү, геройга дөрес бәя бирә белү.

Шәхескә кагылышлы – үзеңнең көн режимыңны дөрес билгели белү.

Материал. Дәреслек. Татар теле. 5 сыйныф

Җиһазлау: мультимедиа җиһазлары, проектор, экран, ноутбук, презентация материалы.

Дәрес барышы.

I. Мотивлаштыру-ориентлаштыру

1. Дәресне оештыру моменты:

- исәнләшү;

- укучыларны барлау;

- уңай психологик халәт булдыру.

2. Белемнәрне актуальләштерү.

1. Өй эшен тикшерү.

2. Лексик гимнастика /хәрәкәт фигыльләрен кабатлау/.

II. Уку мәсьәләсен өлешләп чишү этабы.

Дәрес материалын аңлату.

1. Рәсемнәр буенча эшләү, әңгәмә оештыру (презентация материалы буенча эшләү: бала йоклый, юына, тешләрен чистарта, ашый, мәктәпкә бара/.

- Рәсемнәрдә кемне күрәсез?

- Ул нишли?

- Ничек уйлыйсыз, бүген без нинди теманы өйрәнербез? Нәрсәләр турында сөйләшербез?

2. Укучылар белән бергәләп дәрес темасын билгеләү, максат кую.

3. “Иртәнге режимым” темасы буенча лексик-грамматик материал өстендә эшләү.

4. Дәреслектәге күнегүләрне эшләү.

Сүзлек эше (презентация материалы):

урын җыям - Сөртәм – Алам -

Юынам – Иртәнге аш ашыйм – Кайтам -

Барам –

1 нче күнегү. Сүзләрне дөрес укырга, тәрҗемә итәргә /татар авазларын дөрес әйтүгә, сүз басымын дөрес куюга игътибар итәргә/

2 нче күнегү. Төрләнешне дәвам итәргә.

3 нче күнегү. Исегездә калдырырга.

4 нче күнегү. Шигырьдәге җөмләләрне укырга, герой кемнәргә хәерле иртә тели?

5 нче күнегү.Әйтик, шигырьдәге малайның исеме Рөстәм, ди. Шигырьне укыгыз, әйтегез: иртән Рөстәм нәрсәләр эшли? /презентация материалы буенча эшләү, сөйләмдә хәзерге заман хикәя фигыльләрне куллануны активлаштыру/

6 нчы күнегү. Җөмләләрне шигырь эчтәлеге тәртибендә языгыз, кыскача эчтәлеген сөйләгез.

* Үзегезнең көндәлек режимыгыз турында иптәшегез белән сөйләшегез /диалогик сөйләм/

* Иптәшеңнең көндәлек режимы турында сөйлә /монологик сөйләм, җөмләдә сүзләрнең уңай тәртибенә игътибар юнәлтергә/

III. Рефлексия. Рефлексив кабатлау.

– Дәрестә нинди материалны кабатладык?

– Нәрсәләр турында сөйләштек?

– Нинди яңа материал белән таныштык?

2. Дәрес материалын кабатлау, ныгыту, дәрескә йомгак ясау.

3. Укучыларның җавапларын бәяләү, билгеләр кую.

4. Өй эшен аңлату. 1. Сүзләрне хәтерләргә.

2. 6 нчы күнегү, 39 бит. Җөмләләрне шигырь эчтәлеге тәртибендә языгыз. 3. Шигырьнең кыскача эчтәлеген сөйләгез.