Dünýä muzeyleri.

Dünýä muzeýleri

Londondaky Britan muzeýi

Londondaky Britan muzeýi dünýädäki iň uly muzeýleriň biridir. Ol 1753-nji ýylda esaslandyrylandyr. Muzeýde britan sungatynyň ýadygärlikleri, Gadymy Müsüriň we Mesopotamiýanyň medeni we taryhy ýadygärlikleri (Rozett daşy, assiriý ks relýefleri we ş.m.), Gadymy Gresiýanyň we gadymy Rimiň, Ýewropa, Aziýa, Amerika halklaryna degişli teňňeler, medallar, suratlar we grawýuralar saklanylýar. Muzeýiň kitaphanasynda 7 milliondan gowrak kitap, 105-e golaý golýazmalar şol sanda müsür papiruslary bardyr. Muzeý 1823-1847-nji ýyllarda bina edilen. Arhitektory R.Smýork.

Pariždaky Luwr muzeýi

Pariždaky Luwr dünýädäki iň uly çeperçilik muzeýleriniň biridir. Ol ilki patyşalaryň köşgi hökmünde şäheriň merkezinde 1546-njy ýylda gurlup başlanýar. 1791-nji ýyldan başlap çeperçilik muzeýi diýlip yglan edilýär. Muzeýde patyşalaryň zatlary, gadymy günbataryň, gadymy müsüriň, antik döwrüň, gündogar ýewropanyň (esasan hem fransuz we italian) sungatyna degişli zatlar saklanylýar. Olaryň arasynda «Samofrak Nikasy» atly gadymymüsür statuýasy, Mikelanželonyň «Ölýän gul» statuýasy, Leonardo da Winçiniň «Jakonda» (Mono Lizanyň) portreti we başgalar bardyr.

Nýu-Ýorkdaky Metropoliten

Nýu-Ýorkdaky Metropoliten muzeýi ABŞ-daky we düýnädäki iň uly muzeýleriniň biridir. Ol 1870-nji ýylda esaslandyrylýar we 1872-nji ýylda açylýar. Metropoliten muzeýiniň düzüminde amerikanyň binagärçilik sungatyna degişli, Ýakyn we Daş Günbaratyň Gadymy sungatyna degişli, Gadymy Müsüre, antik döwrüne degişli ýaraglar, 20-nji asyryň sungatyna degişli grawýuralar, litografiýalar, saz gurallary, kitaplar, egin-eşikler saklanylýar. Olaryň arasynda Rembrandyň 23 kartinasy, Ispan hudožnikleri El Grekonyň, D.Welaskesiň, gollandiýaly hudožnikler Ýa.Wermeriň, W.wan Gogyň we ş.m. işleri bardyr.

Metropoliten muzeýiniň esasy binasy 1894-1902-nji ýyllarda guruldy.

Londondaky Milli galereýa

Londondaky Milli galereýa dünýäde iň gowy gündogarýewropa žiwopisiniň ýygyndylarynyň jemlenen ýeridir. Ol 1824-nji ýylda J.J.Angersteýniň ýygyndylaryndan esaslandyrylýar. Muzeý Ýewropa mekdepleriniň žiwopislerini, Leonardo de Winçiniň «Gaýadaky Madonna», Ýa wan Eýkiň «Arnolfin är-aýalynyň portreti», D.Welaskesiň «Aýnaly Wenera», wan Gogyň we beýleki ussatlaryň işlerini özünde jemleýär.

Muzeýiň arhitektory U.Uilkins.

Moskwadaky A.S.Puşkin adyndaky muzeý

Moskwadaky A.S.Puşkin adyndaky şekillendiriş sungaty muzeýi Russiýada daşary ýurt sungaty jemlenen ikinji orundaky muzeýdir. Muzeý professor I.W.Swetaýewiň teklibi boýunça döredilýär. Muzeýiň ilkinji ýygyndylaryna andik döwrüň we gündogarýewropanyň skulpturalary, Gadymy Müsüriň ýagydärlikleri, antik döwrüne degişli küýzeler we teňňeler degişli.

1917-nji ýyldan soň muzeýiň gory Ermitažyň, Tretýakow galereýanyň, ýaapylan Rumýansew muzeýiniň hasabyna baýlaşdyrylýar. Häzirki wagtda muzeýde Gadymy Günbataryň, antik Gresiýanyň we Rimiň, Wizantiýanyň, Ýewropa ýurtlarynyň şekillendiriş sungatyna degişli işler saklanylýar.

Muzeýiň surat galereýasynda Rembrandyň, Ýa. wan Reýsdalyň, A.Lorreniň, G.Terborhanyň we beýlekileriň işleri bar.

Grawýura bölüminde 350 müňe golaý grafikanyň işleri saklanylýar. Muzeýiň binasy 1898-1912-nji ýyllarda gurlan. Arhitektory R.I.Kleýn.

Prado Milli muzeýi

Prado Milli muzeýi Madride ýerleşip, ol dünýäniň iň uly muzeýleriniň biridir. Ol 1819-njy ýylda patyşa ýygyndylarynyň gory esasynda döredilýär. 15-16-njy asyra degişli ispan žiwopisiniň baý ýygyndylaryny, 16-njy asyryň italýan ussatlarynyň kartinalaryny, 15-16-njy asyrda ýaşap geçen niderlan hudožnikleriniň eserlerini özünde jemleýär.

Muzeýiň binasy 1785-1830-njy ýyllarda gurulýar. Arhitektory H. de Wilýanuewa.

Florensiýadaky Uffisi muzeýi

Florensiýadaky Uffisi Italiýadaky iň uly surat galereýasydyr. 1560-1585-nji ýyllarda arhitektor J.Wazari tarapyndan gurulýar. Muzeý 1575-nji ýylda esaslandyrylýar. Galereýada 13-18-nji asyr italian žiwopisine degişli işleri özünde jemleýär. Ol ýerde Duççonyň, Jottonyň, Uçellonyň, Leonardo da Winçiniň, Rafaeliň işleri saklanylýar. Şeýle hem muzeýde ýewropaly hudožnikleriň awtoportretleri bar.

Sankt-Peterburgdaky Ermitaž muzeýi

Sankt-Peterburgdaky Ermitaž dünýäde iň iri çeperçilik we taryhymuzeýleriň biridir. Ol 1764-nji ýylda imperatow Ýekateria II tarapyndan esaslandyrylýar.

Ermitažda rus imperatorlarynyň öýlerine degişli zatlar saklanýar, 18-20-nji asyrlarda olaryň üsti daşary ýurt materiallary bilen dolduryldy. Häzirki wagtda ermitažda çeperçilik sungatynyň antik ýadygärlikleri, şol sanda Leonardo da Winçiniň, Rafaeliň, Tisianyň, A. wan Deýkiň we beýlekileriň işleri saklanylýar.