Йорт хайуандары.
Маҡсат: балаларҙы көҙ миҙгелен һүрәтләргә күнектереү;
Бурыстар:
Белем биреү:
балаларҙы йорт хайуандары һәм уларҙың балалары менән таныштырыу;
йорт хайуандары тураһында белемдәрен арттырыуға булышлыҡ итеү;
Үҫтереүсе:
һүҙлек запасын байытыу;
бәйләнешле телмәр, фекерләү ҡеүәһен үҫтереү;
ҡул уҡтары, бармаҡ моторикаһын үҫтереү;
Тәрбиәүи:
- тереклеккә, йорт хайуандарына иғтибарлы ҡараш тәрбиәләү.
Һүҙлек эше: бесәй, һыйыр, эт, ат, йорт хайуандары, ҡолон, быҙау, көсөк,
Эшмәкәрлек төрө: аралашыу, уйын.
Йыһазландырыу: уйынсыҡ машина, уйынсыҡтар: һыйыр, эт, бесәй, ат, сериялы һүрәттәр,
“Ҙур һәм бәләкәй” уйыны, ”Әсәйҙәр һәм бәпәйҙәр” сериялы һүрәттәре.
Ойошторолған белем биреү эшмәкәрлеге барышы:
- Балалар, ишетәһегеҙме, кемдер ишек шаҡый?
- Әйҙәгеҙ, ҡарайыҡ әле, кем йөрөй икән?
(тәрбиәсе төркөмгә йорт хайуандары тейәлгән йөк тейәү машинаһын индерә)
- Балалар, беҙгә кемдәр килгән? (хор һәм индивидуаль яуаптар)
- Дөрөҫ, беҙгә бесәй, һыйыр, эт, ат ҡунаҡҡа килгән. Улар йорт хайуандары. Әйҙәгеҙ бергә ҡабатлайыҡ әле. Йорт хайуандары.
(Фланелеграфҡа бесәй, эт, һыйыр, ат һүрәттәре ҡуйыла )
- Балалар һүрәттәргә ҡарағыҙ әле, ниндәй хайуандар төшөрөлгән?
(балалар танып атамаларын әйтә)
-Балалар хайуандар ҙа кешеләр кеүек үк үҙҙәренеүң балаларын тәрбиәләйҙәр. Улар ҙа балаларын бик яраталар. Ә кешеләр нисек ярата икән үҙҙәренең кескәйҙәрен, тыңлағыҙ әле.
Кем балаһын бик наҙлай?
Иркәләп башын һыйпай?
Ел – ямғырҙан да һаҡлай?
Насарлыҡтан ҡурсалай?
Йылы юрғандарын яба?
Тәмле ашамлыҡтар таба?
Тыныс ҡына кистәрен
Әкиәттәрен һөйләй ул?
Әлбиттә белгәнһеңдер
Улар һеҙҙең әсәйҙәр!
- Ә ҡолондоң, быҙауҙың, көсөктөң, бесәй балаһының әсәйҙәре бармы икән? Әйҙәгеҙ ошо турала һөйләшеп алайыҡ.
“Әсәйҙәр һәм бәпәйҙәр “ уйыны.
Тәрбиәсе фланелеграфҡа бер – бер артлы ҙур һәм бәләкәй хайуандар төшөрөлгән һүрәттәр ҡуя. Балаларҙан һорай.
- Балалар, был һүрәттә нимәләр төшөрөлгән?
(индивидуаль һәм хор менән яуаптар)
- Дөрөҫ, һыйыр.
- Уның янында кем тора икән?
- Дөрөҫ уның балаһы – быҙау.
(индивидуаль һәм хор менән яуаптар)
- Уларҙы бергә әйтәйек әле – Һыйыр быҙауы менән.
- Һыйыр быҙауы менән.
- Балалар иғтибар менән ҡарағыҙ әле, һыйыр ҙур, быҙауы бәләкәй. Һыйырҙың мөгөҙө бар, ул һөҙә. Быҙауҙың мөгөҙө юҡ, әле үҫмәгән, ул әле бәләкәй. Ҙур һыйыр мө - мө -ө- ө - ө тип ҡысҡыра.
(индивидуаль һәм хор менән һыйыр һәм быҙау булып ҡысҡыралар)
Аҡланда быҙау йүгерә
Мө - ө - ө - ө тиеп ул ҡысҡыра
Әммә ул бер ҙә иламай,
Ул әсәһен саҡыра.
Һөт бирә уға һыйыр,
Быҙауыннан арттырып,
Кескәйҙәрҙе лә һыйлар.
Балалар тәрбиәсе менән ҡабатлайҙар.
Балалар ҡарағыҙ әле, был һүрәттә нимә күрәһегеҙ?
Эт.
Уның янында нимә бар?
Көсөк?
(индивидуаль һәм хор менән яуаптар)
Әйҙәгеҙ бергә әйтәйек – Эт көсөктәре менән.
Был һүрәттә нимә күрәһегеҙ?
Ат ҡолоно менән.
(индивидуаль һәм хор менән яуаптар)
Ял итеү минуты:
Ҡыуаныстан һикерә (урындарында һикерәләр)
Тыҡылдатып тояҡтарын (тыпырлайҙар)
Әсәһенә йүгерә. (урындарында йүгерәләр)
Балалар һүрәттәрҙе ҡарап сыҡас индивидуаль яуаптар алырға мөмкин. Тағы ла бесәй һүрәтен күрһәтергә була.
Балалар йорт хайуандары беҙҙең дуҫтарыбыҙ. Ат беҙгә йөк ташый, эт өйҙө һаҡлай, һыйыр беҙгә һөт бирә.
Балалар хайуандар үҙҙәренең балаларын кешеләр кеүек үк яраталар. Улар балаларын иркәләтеп телдәре менән ялайҙар, улар ҙа кескәйҙәрен һаҡлайҙар, ҡурсалайҙар.
Әйҙәгеҙ бер уйын уйнап алайыҡ. Был уйын “Әсәйҙәр һәм бәпәйҙәр” тип атала.
Тәрбиәсе хикәйә һөйләй :
Бер заман быҙау, бесәй балаһы, көсөк, ҡолонсаҡ алыҫҡа йүгереп киткәндәр ҙә аҙашҡандар. Әсәләре машина менән уларҙы эҙләргә сыҡҡан. Бәләкәй бесәй балаһы эләгеп киткән дә “Мяу – мяу”- тип ҡысҡырып ебәргән. Ул нисек ҡысҡырған (индивидуаль һәм хор менән яуаптар). Бесәй уның тауышын ишетеп яуап биргән. МЯУ- МЯУ – МЯУ индивидуаль һәм хор менән яуаптар). Тәрбиәсе бер балаға машинан бесәйҙе алып өҫтәлдәге бесәй балаһы һүрәте янына ҡуйырға тәҡдим итә. Уйын шула й дауам итә.
Ә хәҙе балалар һүрәткә ҡарап бесәй тураһында һөйләйек. (Мнемоюл) Бесәйҙең дүрт аяғы. Уның кәүҙәһе бар. Йөнө бар. Ҡойроғо оҙон.
(индивидуаль яуаптар).
( индивидуаль һәм хор менән яуаптар)
Балалар беҙҙең хайуандар тышҡа саф һауаға сығырға теләйҙәр. Әйҙәгеҙ уларҙә машинаға тейәп тышҡа алып сығайыҡ. Улар һеҙҙең менән осрашып уйнағандарына бик шаттар.
1. Перевод.
Матур – красивый, эт – собака, йөгерә – бегает, сикерә – прыгает, уйный – играет.
2. Грамматика.
Минем эт+ем – моя собака
Синең эт+ең – твоя собака
Аның эт+е – его(ее) собака
– Синең этең бармы? – У тебя есть собака?
– Минем этем бар. – У меня есть собака.
– Ул нишли? – Что она делает?
– Ул йөгерә, сикерә, уйный. – Она бегает, прыгает, играет.