Диалог ве монолог. Имлясы.

Дерс конспекти

Дерс мевзусы: Диалог ве монолог.Имлясы.

Дерснинъ макъсады:

1. Лугъат ишни кечирмек. Талебелерни «Диалог ве монолог.Имлясы.» мевзусынен таныштырмакъ.

2. Агъзавий ве язма нуткъларны инкишаф этмек;

3.Ана тили дерслерине меракъларыны осьтюрмек.

Дерс теминаты: дерслик, дефтер, ресимлер.

Дерснинъ кетишаты:

1. Тешкилий къысым. Селямлашув, дерске кельмегенлерини къайд этюв, талебелерни дерснинъ макъсадынен танытув.

2. Кечкен мевзуны тешкерюв, текрарлав.

1.Фронталь суаль-джевап:

а) къырымтатар тилинде насыл услюплер бар?

б). Лакъырды услюби насыл бир услюптир?

2.Эв вазифени тешкерюв.

Урьметли талебелер,бугуньки дерсимиз девамында биз сиз иле диалог ве монолог акъкъында янъы малюматларны аладжакъмыз.Амма янъы мевзугъа кечмезден эвель лугъат ишни кечирейик.

Лугъат иши:

Нутукъ-речь

Шекиль-вид,образ

Услюп-стиль

Маруза-доклад

Хусусиет-особенность

Сербест-свободный

Ресмий-официальный

Истисал-производство

Саа-сфера

Ихтияр-воля

III. Янъы мевзуны анълатув.

Оджа сёзю:

Бундан гъайры, нуткъумыз монолог шеклинде ола билир. Монолог бир инсаннынъ нуткъудыр. Юнан тилинден алынма сёз монологос — бир шахыснынъ нуткъу манасыны анълата.

IV. Янъы мевзуны пекитюв.

С.38 80-иш. Метинни окъунъыз. Диалогларда къач шахыс иштирак эте?

Оларнынъ сёзлери насыл токътав ишаретлеринен къайд этиле.

Азиме меракълы китап окъуй эди. Акиме исе ресим япа.

Одагъа оларнынъ анасы кирип, айта:

— Къызлар, манъа савут ювмагъа ярдым этинъиз!

Акиме ашханеге анасына ярдым этмеге чыкъа. Бираз вакъыттан сонъ, кери къайтып, Азимеден:

— Я сен не ичюн ярдым этмейсинъ? — деп сорай.

— Мен шимди мында дегилим, — дей Азиме, козюни китаптан алмаздан.

— Мен Австралияда кезинем, этрафымда папагъанлар, тимсахлар юре.

Акиме терен кокюс кечирип, ашханеге къайта. Бираз вакъыттан сонъ, о, темиз савутларны алып кирди.

— Энди мен эвге къайттым, — деди Азиме, темиз савутларны

корьген сонъ.

— Я дудакъларынъ не ичюн бем-беяз олгъан?

— Эки дондурма ашадым: бириси озюмнинъки, экинджиси —сенинъ дондурманъ эди.

— Я менимкини не ичюн ашадынъ?

— Анам: «Азиме Австралиядан къайткъандже, дондурмасы ирир», — деди.

V. Эв вазифеси:

С.39, 85-иш. «Хастаханеде» серлевалы диалог уйдурып язынъыз. Бир талебе — эким, экинджиси — хасталангъан 5-инджи сыныф талебеси.

Эким суаллер бере, хаста джеваплана. Субет иштиракчилерининъ сёзлерини язгъанда, токътав ишаретлерини дикъкъатнен къоюнъыз.

VI. Баалав.