Օրվա դասի պլան
Մայրենի 3-րդ դասարան
Դասարան` III
Առարկա` «Մայրենի»
Դասի թեման` «Մեր Անդրանիկը»
Ինտեգրված առարկաներ ` մայրենի, կերպարվեստ, երաժշտություն
Ուսուցիչ` Գայանե Ասմարյան
Դասի տիպը` հաղորդման դաս
Դասի նպատակը և վերջնարդյունքնրը`
կհասկանան ունկնդրած երգերի և տեքստերի բովանդակությունը, կփորձի բառերով արտահայտել զգացողությունները,
ակտիվորեն կմասնակցեն տեքստի ընթերցումից առաջ իրականացվող աշխատանքներին,
կմասնակցեն տեքստի վերլուծությանը և կկատարեն եզրահանգումներ,
կլրացնեն խաչբառը` կազմած նախադասության մեջ բայը գործածելով ճիշտ դեմքով և թվով:
Դասի ընթացքում կիրառվող մեթոդներ՝ զրույց, հարց ու պատասխան, տեղեկանք, սահիկահանդես, 6 հարցերի աղյուսակ, հնգյակ:
Դասի ընթացքը՝ ԽԻԿ համակարգով
Խթանման փուլ՝ 10-12 րոպե
Ցուզադրել հայ ազատագրական պայքարի հերոսների նկարները: Բացատրել, որ Հայ ազատագրական պայքարը շարժում է՝ ուղղված օտար պետությունների լուծը թոթափելուն։ Այն մղվել է բոլոր այն ժամանակահատվածներում, երբ Հայաստանը զրկվել է իր սեփական ինքնիշխան պետականությունից։ Այսօր սովորելու ենք այս հզոր հերոսներից առաջինի` զորավար Անդրանիկի մասին:
Զորավար Անդրանիկ, Գարեգին Նժդեհ, Սպարապետ Դրո
Դասը սկսել զորավար Անդրանիկի մասին երգի ունկնդրմամբ` Մկրտիչ Աֆրիկյան - Զորավար Անդրանիկին (Աշուղ Դվալի Մկրտիչ):
Այնուհետև զրույցի միջոցով պատմել երեխաներին այն մասին, որ հայ ժողովուրդն իր սիրելի հերոսներին մեծարելու համար երգեր է ստեղծել, որոնք երգել և երգվում են մեծ ու փոքր տոնակատարությոնների ժամանակ:
Իմաստի ընկալում՝ 30 րոպե
Ինչպես արդեն հասկացաք այսօր խոսելու ենք քաջարի հերոս զորավար Անդրանիկի մասին: Զարավար Անդրանիկի մասին համառոտ տեղեկությունների հաղորդումը դիտենք սահիկահանդեսի միջոցով, որից հետո լուռ ընթերցեք «Մեր Անդրանիկը» պատմությունը, որպեսզի պատասխանեք «Ի՞նչ դաս պետք է քաղի մեզանից յուրաքանչյուրը նշանավոր զորավարից» հարցին:
Նպատակահարմար է դասանյութն ընթերցել հատվածաբար` զուգահեռ լրացնելով հարցերի աղյուսակը.
Որտե՞ղ է ծնվել:
Ի՞նչ առանձնահատկություններով էր օժտված:
Ի՞նչ էր երազում:
Ինչո՞ւ էր թողնում հայրենի քաղաք:
Ինչպե՞ս էր արտահայտվում ժողովրդի սերը նրա նկատմամբ:
Ի՞նչ խորհուրդ է տալիս մարդկանց:
Զրույց տեքստի բովանդակության շուրջ` դասագրքում գտնված հարցերի միջոցով: Գրատախտակին ամրացնել զորավար Անդրանիկի նկարը և բնութագրենք նրան տեքստի բառերով, ինքնակպչուն թղթերի վրա բնութագրող բառեր գրել և փակցնել նկարի շուրջը:
Բառային աշխատանք.
Նորածանոթ բառերի իմաստների ճշգրտում և բացահայտում, գրել բառատետրում: Աշխատանք դասագրքի առաջադրանքների շուրջ:
Կշռադատում` 3-5 րոպե
Անդրադարձ.
Կարելի է զրուցել Գարեգին Նժդեհի ասույթների շուրջ:
Բավական չէ իր ազգի զավակը լինել, պետք է նաև նրա հրաշունչ զինվորը լինել:
Հերոսը մահից ավելի զորավոր մարդ է:
Ինչպես աչքս լույս է փնտրում, այնպես էլ սիրտս` հայրենիք:
Ամփոփում` հնգյակի կազմում.
Անդրանիկ,
Քաջասիրտ, ազգասեր, հայրենասեր
Կռվել, պաշտպանել, հերոսացել
Զորավար
Տնային աշխատանք. «Հրածք տետրում» գրել տեղեկություններ զորավար Անդրանիկի մասին: Դասը կարդալ, վերարտադրել:
2