Դասական երաժշտությունը կրտսեր դպրոցում

Երաժշտությունը հզոր աղբյուր է երեխաների գեղագիտական և հոգևոր պահանջմունքների բավարարման համար։Երաժշտական դաստիարակության նպատակներից մեկը երեխաների ինքնուրույն երաժշտական ձևավորումն ու զարգացումն է։Երեխաների ինքնուրույն երաժշտական գործունեությունը ներառում է այն ամենը,ինչ նրանք սովորել են մեծերից և ընդօրինակում են ըստ իրենց պատկերացումների և հույզերի։

Գաղտնիք չէ,որ դասական երաժշտությունը կարևոր դեր ունի անձի աշխարհայացքի և հոգեկերտվածքի ձևավորման տեսակետից։Երաժշտական արվեստն արտացոլում է կյանք։Միաժամանակ իր ներգործությամբ այն հաստատուն է դարձնում մարդու բարոյական կերպարը և բացահայտում նրա հոգևոր աշխարհի հարստությունը։Նման ազդեցություն երաժշտությունն ունենում է կրտսեր դասարանի երեխաների վրա։Ազդելով մանուկների հուզաշխարհի վրա՝արվեստի այս տեսակը մղում է նրանց դեպի բարին ,դրականը,և այդ ապրումները երկար տարիներ են պահպանվում։Երեխաներն արվեստի բոլոր ճյուղերից առաջինն արձագանքում է երաժշտությանը։Ուստի կարևոր է ,որ նա փոքրուց լսի դասական երաժշտություն,և երաժշտական ճիշտ ճաշակ ձևավորի իր մեջ։