Դասական երաժշտությունը դպրոցականի կյանքում

Երեխան անընդհատ առնչվում է երաժշտությանը,նա ծննդյան առաջին իսկ օրից ստանում է բազմազան տպավորություններ,որոնց հիմքում զարգանում է երաժշտական ընդունակությունը,ձևավորվում երաժշտական կուլտուրա։Դեռ գտնվելով մոր արգանդում՝ երեխան արձագանքում է շրջապատող ձայներին։Երբ ապագա մայրը երաժշտություն է լսում , այն ներազդում է երեխայի ինքնազգացողության վրա։Այդ պատճառով էլ երաժշտական դաստիարակությունը պետք է սկսել կյանքի առաջին իսկ օրից։

Կարող ենք վստահորեն ասել,որ ունկնդրել դասական երաժշտություն,երբեք շուտ չէ։

Մեծանուն կոմպոզիտոր Ա.Խաչատրյանը ասել է.«Սխալ է այն տեսակետը,թե 3-7 տարեկան երեխաներին պետք է մատուցել հատուկ երաժշտություն՝ավելի պարզ,գրված միայն նրանց համար։Չի կարելի երեխաներին արհեստականորեն անջրպետել դասական երաժշտությունից միայն հիմնավորումով,թե գրված է մեծահասակների համար։ Երեխան կարող է և պետք է լսի Չայկովսկի,Բորոդինի, Բեթհովենի,Մոցարտի,Շտրաուսի ստեղծագործությունները,հարկավոր է ,որ նրա լսողությունն ընտելանա իսկական ,լավ երաժշտությանը,դաստիարակվի դասական օրինակներով»։