Әдәби укудан диагностик эш

Диагностик эш

Аю Әппәс.

Бер бәләкәй аю баласы яши икән урманда. Бәләкәй генә булса да бу аю баласы бик эшчән булган ди. Бу аю баласының исеме Әппәс булган. Әппәс яз көне бакча казыган. Бер түтәлгә кишер чәчкән. Кәбестә , кыяр да утырткан.

Көз җиткән. Яшелчәләр өлгергән. Аю урмандагы барлык җән-лекләрне яшелчәләр белән сыйлаган. Барысы да Әппәскә рәхмәт укыганнар.

Кыш җиткән. Кыш җиткәч, аюлар кар астындагы өннәренә кереп йокларга ята. Бәләкәй Әппәс тә кар астына куыш ясаган да йокларга яткан.

1. Текстның исеме ничек, астына сыз.

1. Беренче җөмлә ничә сүздән тора? ___________

1. Аю баласы кайда яши?

А) урманда Ә) аланда Б) болында

1. Аю урмандагы барлык җәнлекләрне нәрсә белән сыйлаган?

А) бал Ә) җиләк- җимеш Б) яшелчә

1. Аюлар кайчан кар астындагы өннәренә кереп йокларга яталар?

А) кыш үткәч Ә) кыш җиткәч Б) җәй җиткәч

1. Аю баласының исемен яз _________________________

1. Текстның төрен билгелә

А) хикәя Ә) әкият Б) шигырь

1. Аю яшелчәләр белән кемнәрне сыйлаган? _______________

Б өлеше

1. Җөмләне язып бетер

Барысы да Әппәскә________________________________________.

1. Төшеп калган сүзне яз:

Бер түтәлгә _________ чәчкән.

* куыш сүзенең мәгънәсен аңлат