Читательская конференция по творчеству В. Нурова

В. Д. Нууровин ʏʏдəврмʏдəр умшачнрин конференц

Конференцин кʏцл:

1.Хальмг келəр бичсн ʏʏдəврмʏд умшлһнд оньган өглһн;

2.Тоолвртаһар тодрхаһар умшдг даслһн;

3.Yʏдəврмʏдин һол дʏрмʏдəр җирһлин ʏлгʏр келһн.

Конференцин дөӊцл: шʏлгчин зург; шʏлгчин ʏʏдəврмʏд

Конференцин йовуд:

1.Багшин ʏг: эндр бидн Нуура Владимирин шʏлгʏд шалһхар цуглрвидн. Эртəснь би таднд ямаран шʏлгʏд умшхинь заалав. Тер шʏлгʏд таднд таасгдсн болх гиҗ санҗанав. Тадн эврəннь ухан-тоолврарн хувалцҗ чадҗанат.

2. Шʏлгчин җирһлин болн билгин хаалһар таднд 9-гч классин сурһульч Манҗин Александра келҗ өгх.

Нуура Дорҗин Владимир хальмг нертə шʏлгч болсн деерəн Әрəсəн сойлын ачта көдлəч. Бичкндк цагнь киитн Сиврт давсмн.

Тʏрʏн шʏлгʏднь «Хальмг ʏнн» гидг газетд барлгдсмн. Цагин негдлт, ʏйнрин залһлдан, əмд йиртмҗин бəəдл - ʏʏдəврмʏдиннь һол ухан. Кʏʏнə җирһл һазр деер, терʏнə ухан-тоолвр, ʏкл болн мөӊкин җирһл, олн əмтнə тууҗ – цуг эн шʏлгчин ʏʏдəврмʏдт хаһлгдна. Калян Санҗиг, Көглтин Даваг эврəннь җирһлин болн билгин багшнр гиҗ санна. Өвкнрин хаалһ - шʏлгчд ʏлгʏр. Эк-эцкдəн ханлтан өргҗ, аав-ээҗдəн даӊгин мөргнə.

3. Багшин цəəлһвр:

«Һалуна частр»

«…Һашу урсам дууһар һалун һазран тосна.

Хулсн болһнь тодлад, хунын частр чашкурдна».

Эн шүлгт бичкн һалуна һууҗмл яһҗ – шар нарна толянд байрлҗ өсҗəхиг бидн үзҗəнəвидн. Һалун болвчн төрскн һазрта, бичкнəсн авн өссн цевр һолын усан, хулсн болһниг тодлсн эңкр һазран зүркндəн хадһлна. Төрскндəн нерəдсн һалуна частр күн болһна чееҗ байрлулҗ өөдəн өргнə. Шүлгч лирическ санан-седклəн, ухани тоолврмудан, гүн сурһмҗан умшачнрт медүлҗəнə.

«Эк болн һазр»

Экин чинриг күүнə җирһлд теҗəл өгсн төрскн һазрла дүңцүлҗəнə. Эк Төрскн хойрас үнтə юмн һазр деер уга, - гиҗ шүлгч эврəннь ухан-тоолврарн хувалцҗана. Өвкнрин герəслсн төрскн һазрин болн заяч заясн экин дүрмүд умшачин ухан-седкл авлна. Экəсн цөкрсн күн «хөвтə болхнь берк», - шүлгин һол ухан.

«Хальмг теегин одн»

Дурна туск шүлгүд шүлгч болһнд шүүврин чинртə болна. Эн шүлгтəн

дурнас бульглҗ һарсн магталан дуулҗана. Күн болһна дурн, дурни седкл хавр мет нег-негнəсн ончлгдҗ йилһрнə. Дурнд нерəдсн дууһан гүн седклəсн һарһҗ шүлгч цəəлһҗəнə: «Хунын дууһан чамд нерəдҗ, хурин цеврəр өрчəн цеврлнəв».

4. Школын саӊгин көдлəчин ʏг.

5.Дегтрмʏдин һəəхʏлмʏд хəлəлһн.

6.Сурврмудар - куʏндвр:

Бичкн һалуна дʏр тадниг юуһарн соньмсулв? Төрскнə төр яһҗ хəлəгдҗ бəəнə? Бичкн һалунла бийəн дʏӊцʏлхлə, ямаран тоолвр чееҗд орна?

«Эк болн һазр» - гидг шʏлг таасгдв? Экин чинрин тускар келəд керг уга, юӊгад гихлə экəс ʏнтə кʏн һазр деер уга – эн кʏн болһна чееҗин килəсн – иим уха маднд зааҗана, тер төр таднд медгдв?

«Хальмг теегин одн» шʏлгин һол учр-утхинь ямаран? Дурна төр яһҗ хəлəгдҗəнə?

Эн ʏʏдəврмʏдин һол төрнь ямаран?

4. Сурһульчнрар шʏлгʏд умшуллһн.

5.Ашлвр һарһлһн:

Эртəрнь зурсн зургудын хəлəвр. Сурһульчнр бийснь сəн зургуд шʏʏнə.

Сəəнəр кʏʏндврт орлцсн сурһульчнрт ачлвр өглһн.

6.Конференцин шиидвр:

Нуура Владимирин талдан шʏлгʏд умшх;

Шʏлгʏд эс умшсн сурһульчнрт неҗəд шʏлгʏд чееҗəр дасх.

Эврəннь элгн-садндан, ʏʏрмʏдтəн Нуура Владимирин ʏʏдəврмʏд умштха гисн уха заах.