Ботаника 6- класс "Жайкы тапшырмалар"

№ 11 В.В.Терешкова атындагы мектеп –интернаты

Биология 6-класс

Мугалим: Кимсанова Максуда

Жайкы тапшырмалар

Жайкы тапшырмалар

• 1.Жашылдандырууда колдонулуучу дарактардын, бадалдардын, кооз декоративдүү гүлдөрдүн кайсы түрлөрү силер жашаган жерде кеңири колдонулат?

• 2.Өзүңөр жашаган жердеги токой, сай токоюндагы жана бак, парктагы өсүмдүктөрдүн жайгашкан баскычтары боюнча схема түзгүлө.

Токой кабаттуулугу

• 3.Бир эле түргө кирген өсүмдүктөр ар башка экологиялык шартта өскөндө алардын өзгөрүшү боюнча сырткы түзүлүшүн сүрөттөп жазып, схема түрүндө сүрөтүн тарткыла.

• 4.Өсүп турган томаттын 3-4 каптал бутагын алып таштап, калганын жөн койгула да, алардын кайсынысы жакшы түшүм берерин салыштыргыла.

• 5.Өзүңөр жашаган үйгө жакын 3-4 даракты тандап алып, алардын бутактануусуна, жалбырактын жайгашууларында байкоо жүргүзгүлө. Байкоону күзүндө уланткыла.

• 6.Курт-кумурска менен чаңдашуучу өсүмдүктөргө байкоо жүргүзгүлө. Гүлдөө узактыгын аныктап, чаңдашууга кандай курт-кумурскалар катышарын аныктагыла.

• 7.Төмөнкү темалар боюнча гербарий түзүп келгиле: “Жалбырактын тарамыштануусу”, “Жөнөкөй жана татаал жалбырактар”, “Дары-дармек өсүмдүктөрү”, “Буудайдын өрчүү фазалары”. Күнөс жерде жана көлөкөдө өскөн өсүмдүктөрдүн жалбырактарынын өзгөчөлүгүн салыштыргыла.

Жөнөкөй жана татаал жалбырактар

Дары дармек өсүмдүктөр

Буудайдын өрчүү фазалары

• 8.Отоо чөптөрүн өз тиричилигине ыңгайланыштары боюнча 5-6 түрдүү өсүмдүктөн гербарий түзүп, өзгөчөлүктөрүн баяндап жазгыла.

• 9.Окуу китебинен алган билимдериңерге таянып, ар кандай өсүмдүк биргелештиктерин (талаа, токой, шалбаа ж.б.) таанып-билүүгө аракеттенгиле. Тапкан биргелештиктин жайгашкан ордун болжолдуу схема менен дептерге чийгиле.

• 10.Өзүңөрдүн жашаган жерден асфальттан, таштак жерлерден өсүп чыккан кандай өсүмдүктөрдү билесиңер?

• 11.Аларды жыйнап гербарий кылып кургатып алгыла. Эгерде аталышын билбесеңер, мугалимге кайрылгыла.

• 12.Жашаган үйүңөрдүн же кандайдыр бир имараттын айланасындагы кооздук үчүн өстүрүлүүчү өсүмдүктөрдү таанууга үйрөнгүлө. Алардын тизмесин тиешелүү тукумдарга таандык кылып түзгүлө.

• 13.Жайкы каникулда ар кимиңер эс алууну өткөргөн жердин өсүмдүктөрүнө байкоо жүргүзгүлө да, кайчылаш гүлдүүлөр, атыр гүлдүүлөр, чанактуулар тукумдарына таандык өсүмдүктөрдү айырмалап билүүгө үйрөнгүлө.
• Кайчылаш гүлдүүлөр

Роза гүлдүүлөр тукуму

Чанактуулар тукуму

• 14.Силерге кездешкен козу карын, мамык чөп, эңилчектердин өкүлдөрүн жыйнап, кургаткыла. Атлас-аныктагычтын жардамы менен аныктап чыккыла.

• 15.Токой биргелештигинде өскөн өсүмдүктөрдүн кабаттуулугун аныктаганга аракет кылгыла.

Жаратылышка аяр мамиледе бололу!