Բնություն և տրամաբանություն

ԲՆՈՒԹՅՈՒՆ ԵՎ ՏՐԱՄԱԲԱՆՈՒԹՅՈՒՆ

Կամարիսի միջնակարգ դպրոցի ուսուցչուհի Կարինե Մարգարյան

Հնարավո ˚ ր է արդյոք լուցկին վառել ջրի տակ:

Ջրի տակ (այլ ոչ ջրի մեջ) սովորոկան լուցկին, իհարկե հնարավոր է վառել (օրինակ ջրով լի անոթի տակ կամ նույնիսկ ջրվեժի կամարի տակ նստած):

Փղից մոտ 20 կիլոմետր հեռավորության վրա հրդեհ էր բռնկվել, և իմաստուն կենդանին շուտով իմացավ այդ մասին: Այդպիսի մեծ հեռավորության վրա փիղը կրակը տեսնել չէր կարող: Ինչպես փիղը կարողացավ կռահել, որ հրդեհ է սկսվել:

Փղերը արտակարգ սուր հոտառություն ունեն, և կարող են հրդեհի հոտը զգալ նույնիսկ 25 կիլոմետր հեռավորության վրա:

Թաշկինակը նախորոք լավ թրջեք ջրով, ապա սպիրտով և այրեք: Բոցը հանգցնելուց հետո դուք նկատում եք, որ թաշկինակը չի վառվել: Այդ թաշկինակը մեր աչքի առջև բոցավառվելուց հետո մնում է անվնաս: Ո ˚ րն է այդ գաղտնիքը:

Իրականում բոցավառվում է թաշկինակի արտաքին մասի վրա գտնվող սպիրտը,այլ ոչ թաշկինակը: Իսկ սպիրտի այրման ժամանակ ստացված ջերմությունը ծախսվում է թաշկինակի մեջ պարունակող ջրի տաքացման և գոլորշիացման վրա, այդ պատճառով թաշկինակի ջերմաստիճանը չի հասնում բոցավառման ջերմաստիճանի և այն մնում է անվնաս:

Գլանաձև անոթը լիքը լցված է ջրով: Միայն աչքաչավով ինչպե˚ս կարելի է ջրի ուղիղ կեսը թափել անոթից:

Ջուրը դանդաղ թափել անոթից այնքան ժամանակ, մինչև որ երևա հատակի վերին եզրը: Ակնհայտ է որ այդ դեպքում կթափվի անոթում գտնվող ջրի ուղիղ կեսը:

Ինչպե˚ս կարելի է փայտե քանոնվ որոշել ֆուտբոլի գնդակի տրամագիծը:

Գնդակը թրջել ջրով և հատակի վրա գլորել այնպես, որ այն կատարի մեկ լրիվ պտույտ: Չափելով գնդակի հետքի երկարությունը կարելի է որոշել նրա տրամագիծը:

Կարելի ˚ է արդյոք սովորական հրացանով կամ ատրճանակով կրակել օվկիանոսի հատակում:

Պարզագույն հաշվումները ցույց են տալիս, որ օվկիանոսի հատակում հիդրոստատիկ ճնշման մծությունը մի քանի անգամ գերազանցում է վառոդի այրումից առաջացած գազերի ճնշմանը, այդ պատճառով օվկիանոսի հատակում սովորական ատրճանակով կամ հրացանով կրակել հնարավոր չէ:

Պաղպաղակ պատրաստելու համար նախատեսված կաթի խառնուրդը մայրիկը լցրեց երկու միանման բաժակների մեջ, որոնցից մեկը տաք էր, իսկ մյուսը սենյակի ջերմաստիճանի, և երկու բաժակն էլ սառնարանի խցիկը տեղադրեց: Ո˚ր բաժակի խառնուրդն ավելի արագ սառեց:

Ավելի արագ կսառչի տաք բաժակի խառնուրդը: Պարզվում է, որ ջերմափոխանցումը տաք խառնուրդի և տաք բաժակի պատերի միջև արագ է տեղի ունենում, իսկ տաք խառնուրդի և մինչև սենյակի ջերմաստիճանը սառեցրած բաժակի պատերի միջև դանդաղ: Այս երևույթը առաջին անգամ հայտնաբերել է Աֆրիկայի Տանզանիա երկրի բնակիչ Ե. Մպեմբին

Շ Ն Ո Ր Հ Ա Կ Ա Լ ՈՒ Թ Յ ՈՒ Ն